ကျောင်းထားပေးရန် ပူဆာခဲ့သည့် ၅ နှစ်အရွယ်ကလေးအား မိထွေးဖြစ်သူ ဓားနဲ့ခုတ်
29 Jun 2018 1,461 Views
စစ်ကိုင်းတိုင်း ရွှေဘိုမြို့နယ်အတွင်း အသက် ၅ နှစ်အရွယ်ကလေးတစ်ဦးကို မိထွေးဖြစ်သူက ဓားဖြင့်ခုတ်နေစဉ် ဦးလေးဖြစ်သူက တွေ့ရှိခဲ့ပြီး အချိန်မီဆေးရုံပို့ခဲ့တာကြောင့် အသက်ဘေးမှ လွတ်ခဲ့ရသော ဖြစ်စဉ်တစ်ခု ဖြစ်ပွားခဲ့သည်။
ဖြစ်စဉ်မှာ ဇွန်လ ၂၇ ရက်နေ့ ညနေ ၅ နာရီအချိန်ခန့်တွင် အသက် ၃၈ နှစ်အရွယ် မခင်မာဆွေဆိုသူအား ယောက်ျားဘက်မှ ပါသော (လင်ပါသား) အသက် ၅ နှစ်အရွယ်ကလေးငယ်မှ ကျောင်းတက်ချင်သည်ဟု ပူဆာခဲ့ရာ မခင်မာဆွေက ဒေါသထွက်ပြီး ရိုက်ပုတ်ခဲ့ပါတယ်။ အဲဒီနောက် ဒေါသကိုမထိန်းနိုင်ပဲ အနီးရှိ ထင်းခုတ်ဓားဖြင့် ခုတ်ခဲ့ခြင်းဖြစ်ကြောင်း ရွှေဘိုမြို့နယ် ရဲစခန်းတွင် မခင်မာဆွေက ထွက်ဆိုခဲ့သည်။
အခင်းဖြစ်ပွားနေချိန်တွင် ခလေး၏ ဦးလေးဖြစ်သူကတွေ့ရှိခဲ့သဖြင့် ဆေးရုံသို့ပို့ဆောင် ကုသခဲ့ရသည်။ အဆိုပါအမှုနဲ့ ပက်သက်ပြီး ဆက်လက်စစ်ဆေးလျှက်ရှိကြောင်း ရွှေဘိုမြို့နယ်မှ ဒုရဲအုပ် ကျော်သက်ခိုင်မှ ပြောကြားခဲ့ကြောင်းသိရှိရသည်။
သတင်းရင်းမြစ် - ရဲရင့်ထွန်း
