သူငယ်ချင်းအရင်းကြီးကို ဓါးနဲ့ခုတ်သတ်ပြီးမှ ရဲစခန်းတွင် အဖမ်းခံသူ
22 Jun 2018 1,360 Views
ကရင်ပြည်နယ်၊ဘားအံမြို့နယ်တွင်ဇွန်လ ၂၁ရက်နေ့ ညနေပိုင်းက တစ်ရွာတည်းနေသူအချင်းချင်း အရက်အတူသောက်စားပြီး စကားများရာက ဓါးခုတ်မှုဖြစ်ပွားခဲ့သည်။ ဓါးဖြင့်ခုတ်ခံသူမှာ အခင်းဖြစ်ရာနေရာတွင် သေဆုံးသွားခဲ့ပြီး ပြစ်မှုကျူးလွန်သူမှာ ထွက်ပြေး တိမ်းရှောင်သွားခြင်းမရှိပဲ ကိုယ်တိုင်အဖမ်းခံခဲ့ကြောင်း သတင်းရရှိသည်။
ဖြစ်စဉ်မှာ ဇွန်လ ၂၁ ရက်နေ့ ညနေ ၃ နာရီ အချိန်ခန့်က ဘားအံမြို့နယ်၊ ထောင်ကလပ်
ကျေးရွာအုပ်စု၊ ကမော့ညော(ထူးဂုဏ်)ကျေးရွာတွင် ဓါးခုတ်မှုဖြစ်ပွားကြောင်း သတင်းအရ
အိန္ဒုနယ်မြေရဲစခန်းမှူး ရဲအုပ် မင်းအောင်ထွန်း ဦးစီးသောအဖွဲ့မှ သက်သေများနှင့်အတူ သွားရောက်စစ်ဆေးရာ ဓါးဖြင့်အခုတ်ခံရသူမှာ မျိုးသူ(ခ)ပန်းကြီး (၂၈နှစ်) ဖြစ်ကြောင်းသိရသည်။ လည်ပင်းဇတ်ပိုးနေရာတွင် ပြတ်ရှဒဏ်ရာဖြင့် နေအိမ်ကွန်ကရစ်ကြမ်းပြင်ပေါ်ရှိ သွေးအိုင်ထဲတွင် လဲကျသေဆုံးနေသည်ကိုစစ်ဆေးတွေ့ရှိ၍ ဘားအံဆေးရုံကြီးသို့ ရဲဆေးစာဖြင့် ပို့ဆောင်ထားခဲ့ကြောင်း သိရှိရသည်။
ဆက်လက်၍ ဖြစ်စဉ်အား မေးမြန်းစစ်ဆေးရာ အခင်းဖြစ်သည့်နေ့ နံနက် ၈ နာရီခန့်က နိုင်ဝင်း(ခ)နိုင်ကြီး (၃၅နှစ်)၊ ကမော့ညော(ထူးဂုဏ်)ကျေးရွာနေသူနှင့် သေဆုံးသူ မျိုးသူ(ခ)ပန်းကြီး တို့နှစ်ဦးသည် ဘားအံမြို့နယ်၊ တောင်ဝိုင်းတောင်သို့ မျှစ်ချိုးအတူ သွားရောက်ခဲ့ပြီး မွန်းလွဲ ၁ နာရီခန့်တွင် ရွာသို့ပြန်လည်ရောက်ရှိကာ နိုင်ဝင်း(ခ)နိုင်ကြီး၏ နေအိမ်၌ အရက်အတူသောက်ကာ ထမင်းအတူစားခဲ့ပြီး စကားပြောဆိုကြစဉ် တစ်ဦးနှင့် တစ်ဦး စကားအချေအတင်ဖြစ်ရာမှ တစ်ယောက်တစ်ခွန်း စကားများခဲ့ကြပြီး နိုင်ဝင်း (ခ)နိုင်ကြီးက အနီးရှိ အရှည် နှစ်ပေခွဲခန့်ရှိသောဓါးရှည်ဖြင့် မျိုးသူ(ခ)ပန်းကြီး၏ လည်ပင်း ဇတ်ပိုးအား ခုတ်ပိုင်းခဲ့ခြင်းဖြစ်ကြောင်း စစ်ဆေးသိရှိခဲ့ရသည်။
ဖြစ်စဉ်နှင့်ပတ်သက်ပြီး ဓါးဖြင့်ခုတ်သူ နိုင်ဝင်း (ခ)နိုင်ကြီးမှာ ထွက်ပြေးတိမ်းရှောင်သွားခြင်းမရှိဘဲ ကိုယ်တိုင် အဖမ်းခံခဲ့သဖြင့် စခန်းမှူး ရဲအုပ်မင်းအောင်ထွန်းက အမှုဖွင့်ဖမ်းဆီးကာ ဆက်လက်စစ်ဆေးလျှက်ရှိကြောင်း သတင်းရရှိသည်။
ဘားအံသတင်း
