မိုးမျှော်တိုက်ပေါ်ကနေ ရုပ်ရှင်မင်းသမီးတစ်ဦး ပြုတ်ကျခဲ့သေဆုံးမှု လူသတ်တရားခံကိုရှာဖွေနေ
31 May 2018 1,387 Views
အဆိုတော်လည်းဖြစ် ရုပ်ရှင်မင်းသမီးလည်းဖြစ်တဲ့ အသက် ၂၂ နှစ်အရွယ် ဘတ်သနီ မာရီယာ ဘီးလပ်စ်(Bethany-Maria Beales)ဟာ မေလ ၂၆ ရက်နေ့က လန်ဒန်မြို့ရဲ့ အမြင့်ဆုံး အဆောက်အဦ တစ်ခုဖြစ်တဲ့ ဟာရွန်အဆောက်အဦ ၁၃ လွှာကနေ ပြုတ်ကျပြီး သေဆုံးခဲ့ပါတယ်။
ဒီအမှုကြောင့် လန်ဒန်က ရဲတွေ အတော်လေးခေါင်းစားနေကြပါတယ်။
သူမဟာ အဲဒီနေ့ညပိုင်းက သူငယ်ချင်းတွေနဲ့အတူ အပြင်ထွက်လည်ခဲ့ပါသေးတယ်။ သူမ ပြုတ်ကျသေဆုံးခဲ့ပြီး နောက်နှစ်ရက်အကြာမှာ အသက် ၃၈ နှစ်အရွယ် အမျိုးသားတစ်ဦးနဲ့ အမျိုးသမီးတစ်ဦးကို လန်ဒန်ရဲအဖွဲ့က လူသတ်မှု သံသယတရားခံအဖြစ်နဲ့ ဖမ်းဆီးခဲ့ပါတယ်။
ဒါပေမယ့် နောက်ပိုင်းမှာတော့ အာမခံနဲ့ ပြန်လွှတ်ပေးခဲ့ပါတယ်။
စုံထောက်တွေအနေနဲ့ ဘီးလပ်စ် သေဆုံးမှုဟာ သတ်ခံရတာဖြစ်နိုင်တယ်လို့ သံသယဝင်ပြီး ဆက်လက်စုံစမ်းနေဆဲဖြစ်ပါတယ်။ သူမဟာ အထပ်မြင့်က ပြုတ်ကျခဲ့ပြီး ၆ လွှာရဲ့ မှန်သားမျက်နှာကျက်ပေါ်မှာ တင်နေခဲ့တာဖြစ်ပါတယ်။
သူမရဲ့ သေဆုံးမှုဟာ လျိုဝှက်ဆန်းကြယ်မှုတွေနဲ့ ပြည့်နေခဲ့ပြီး ဟာရွန်အဆောက်အဦမှာ သူမက ဘာလာလုပ်တာလဲဆိုတာ စဉ်းစားစရာဖြစ်နေပါတယ်။ ဟာရွန်အဆောက်အဦဟာ ခမ်းနားတဲ့ လူနေအိမ်ခန်း ပေါင် ၁၀ သန်းတန် သီးသန့်ကလပ်တို့ရှိရာနေရာဖြစ်ပါတယ်။
သေဆုံးခဲ့သူ ဘတ်သနီ မာရီယာ ဘီးလပ်စ် ဟာ ပြီးခဲ့တဲ့ နွေရာသီကမှ ဒရာမာအထူးပြုဘာသာရပ်နဲ့ ရိုဟမ်တန်တက္ကသိုလ်ကနေ ဘွဲ့ရထားတာဖြစ်ပါတယ်။
