ပန်းရောင်းထွက်လာသူ သားအမိနှစ်ဦးရဲ့ အဖြစ်ဆိုး

08 May 2018 1,352 Views

မေလ ၈ ရက်နေ့ နံနက်ပိုင်း ၅ နာရီခန့်တွင် ဈေးရောင်းသွားသူ သားအမိနှစ်ဦးအား ကားဝင်တိုက်မိသဖြင့် နှစ်ဦးစလုံး အခင်းဖြစ်ပွားရာနေရာတွင် ပွဲချင်းပြီး သေဆုံးခဲ့သည် ။

ဖြစ်စဉ်မှာ ဧရာဝတီတိုင်းဒေသကြီး၊ ရေကြည်မြို့နယ်၊ ပျဉ်ကဒိုးကုံးကျေးရွာအနီး ကျီးတောအိုင်ရွာမှ ရေကြည်ဈေးသို့ ပန်းရောင်းရန်လာသော သားအမိ ၂ ဦးအား အသုတ်ဘက်မှ ရေကြည်ဘက် သို့ မောင်းနှင်လာသော (8F 7093 လိုက်ထရတ်) ကားမှ ဝင်တိုက်မိသဖြင့် နှစ်ဦးစလုံး ပွဲချင်းပီး သေဆုံးသွားကြောင်း သိရပါသည်။

အဆိုပါ သေဆုံးသူ ၂ ဦးအား ကရုဏာလူမှုကူညီရေးအသင်း နာရေးကားနှင့် ရေကြည်ဆေးရုံအအေးတိုက်သို့ ပို့ဆောင် ကူညီပေးခဲ့ကြပါသည်။ မောင်းသူကို ရဲစခန်းမှ စစ်ဆေးလျက်ရှိကြောင်း သိရပါသည် ။