လူကုန်ကူးခံရသော အသက် ၁၅ နှစ်သမီးအား ပြန်လည်ကယ်တင်နိုင်ခဲ့

23 Apr 2018 1,419 Views

ရှမ်းပြည်နယ်အရှေ့ပိုင်း တာချီလိတ်ခရိုင် မိုင်းယောင်းမြို့နယ်တွင် နေထိုင်သော အသက် ၁၅ နှစ်အရွယ် မိန်းကလေးတစ်ဦးအား တရုပ်နိုင်ငံတွင် အိမ်ဖော်အဖြစ် သွားရောက်လုပ်ကိုင်ရန် ခေါ်ဆောင်သွားခံရပြီးနောက် ၁၅ ရက်အကြာမှာ ပြန်လည်ကယ်တင်နိုင်ခဲ့ခြင်းဖြစ်သည်။

ဖြစ်စဉ်မှာ မတ်လ ၃၁ ရက်နေ့ မွန်းလွဲ ၁ နာရီအချိန်ခန့်တွင် အထူးဒေသ(၄) နမ့်ပန်ဒေသတွင် နေထိုင်သူ မောင်ဓာယုဆိုသူ ရောက်လာခဲ့ပြီးနောက် အသက် ၁၅ နှစ်အရွယ် မ……. ကို တရုပ်နိုင်ငံတွင် အိမ်ဖော်အဖြစ် လုပ်ကိုင်ရန် ခေါ်ဆောင်သွားခဲ့သည်။ အဲဒီနောက်ပိုင်း လုံးဝပြန်လည် ဆက်သွယ်ခြင်းမရှိတော့သည့်အတွက် မိဘများက လူကုန်ကူးမှုတားဆီးနှိမ်နင်းရေးအဖွဲ့သို့ တိုင်ကြားကာ အကူညီတောင်ခံခဲ့ခြင်းဖြစ်သည်။

ဧပြီလ(၁) ရက်နေ့မှာ လူကုန်ကူးမှု တားဆီးနှိမ်နင်းရေး ရဲတပ်ဖွဲ့ (တာချီလိတ်)မှ တပ်ဖွဲ့စိတ်မှူး ဦးဆောင်တဲ့ ရဲတပ်ဖွဲ့ဝင်များက ကျေးရွာသူကြီး နှင့် ကလေးရဲ့ မိခင်တို့နဲ့အတူ မိုင်းယောင်း မြို့မရဲစခန်းမှူး ဒုရဲမှူး စံလင်း၊ မိုင်းယု စစ်ဖက်ရေးရာ လုံခြုံရေးတပ်ဖွဲ့မှ တပ်ကြပ် သိန်းဇော် တို့နဲ့ ချိတ်ဆက်ပြီး အထူးဒေသ (၄) နမ့်ပန်း ဒေသ ဆက်ဆံရေးရုံး တာဝန်ခံ ဦးလော်ချီ နှင့် သွားရောက် တွေ့ဆုံကာ မ…… ကို ပြန်လည် ရရှိရေးသွားရောက် ညိုနှိုင်း ဆောင် ရွက်ခဲ့ကြသည်။

ဧပြီလ(၂၀) နံနက်(၉) နာရီအချိန်ခန့်မှာ အထူးဒေသ (၄) နမ့်ပန်းဒေသ ဆက်ဆံရေးရုံး တာဝန်ခံ ဦးလော်ချီ မှ မိုင်းယု စရဖ မှ တဆင့် မ…… ကို ကယ်တင်ထားရှိတဲ့ အတွက် လာရောက် ခေါ်ဆောင်ပေးရန် အကြောင်းကြား ခဲ့တယ်လို့ သိရပါတယ်။

ဧပြီလ ၂၁ ရက်နေ့မှာ မ….. ကို မိဘများထံ ပြန်လည် အပ်နှံနိုင်ခဲ့ပြီးနောက် ခေါ်ဆောင်သွားသူ နမ့်ပန်းဒေသတွင် နေထိုင်သူ မောင်ယုဓ (၂၄ နှစ်) အား ဖမ်းဆီးခဲ့ပြီး ကိုယ်ပိုင်အုပ်ချုပ်ခွင့်ရဒေသ၏ ဥပဒေနဲ့အညီ ဆောင်ရါက်သွားမည်ဖြစ်ကြောင်း လူကုန်ကူးမှုတားဆီးရေးရဲတပ်ဖွဲ့မှ သိရှိရသည်။