ဧပြီလ ၈ ရက်နေ့ ညနေ ၆ နာရီခန့်တွင် ရပ်ထားသော ကားထဲဝင်ပြီးဝါယာကြိုးများ ကစားမိရာ ကားမီးလောင်ရာမှ ကလေးပါသေဆုံးသွားပါကြောင်း သိရသည် ။

 

ဖြစ်စဉ်မှာ ကချင်ပြည်နယ် ဗန်းမော်မြို့နယ် စီဟဲကျေးရွာနေ ဦးကျော်ရွှေ၏ မြေးဖြစ်သူ မသွန်းရတနာဦး ( ၃နှစ် ၆လ ) သည် နေအိမ်ရှေ့တွင် ရပ်နေထားသည့် မော်တော်ယာဉ်ခေါင်းခန်းသို့ ဝင်ရောက်ကာ ဝါယာကြိုးများအား ဆော့ကစားနေစဉ် ဝါယာရှော့ခ်ဖြစ်ကာ မီးလောင်မှုဖြစ်ပွားပြီး သေဆုံးခဲ့ကြောင်းသိရသည် ။

 

 

“ကလေးက အိမ်ရှေ့မှာ ရပ်ထားတဲ့ သူ့အဖိုးရဲ့ ကားခေါင်းခန်းထဲကိုဝင်ပြီး ဝါယာကြိုးတွေကို ဆော့ရင်းကနေ ကားဝါယာရှော့ခ်ဖြစ်ပြီး ကားမီးလောင်သွားတယ်။ ကလေးက ၃ နှစ်ကျော်ပဲရှိသေးတယ်။ ကလေးလည်း တစ်ကိုယ်လုံး မီးလောင်ပြီး သေသွားတယ်” ဟုဗန်းမော်မြို့နယ်ရဲတပ်ဖွဲ့မှူးရုံးမှ တာဝန်ရှိသူတစ်ဦးက အကုန်သိသတင်းဌာနသို့ ပြောသည်ဟု အကုန်သိသတင်းတွင် ရေးသားဖော်ပြထားပါသည် ။

 

 

ကလေးဖြစ်သူမှာ အခင်းဖြစ်ပွားရာတွင် မီးလောင်ကျွမ်းခဲ့ပြီး သေဆုံးခဲ့သည် ။ အဆိုပါသေဆုံးမှုနှင့်ပတ်သက်ပြီး ဗန်းမော်မြို့မရဲစခန်းက သေမှုသေခင်း အမှတ်စဉ် ( ၁၆/၂၀၁၈) ဖြင့်အမှုဖွင့်စစ်ဆေးထားကြောင်းသိရသည် ။