လိင်တူချစ်သူများရုပ်ရှင်ပွဲတော် ရန်ကုန်တွင် (၉)ရက်တိုင် ကျင်းပမည်
26 Jan 2018 1,374 Views
PROUD Yangon LGBT ရုပ်ရှင်ပွဲတော်ကို ဇန်နဝါရီ ၂၇ ရက်နေ့မှစတင်ကာ ရန်ကုန်မြို့ သခင်မြပန်းခြံနှင့် ပြင်သစ်ယဉ်ကျေးမှုဌါနတို့တွင် (၉)ရက်တိုင်တိုင် အခမဲ့ပြုလုပ်သွားမည်ဖြစ်သည်။
လိင်းတူချစ်သူ LGBT တို့ရဲ့ ဘဝနဲ့ယဉ်ကျေးမှုတို့ကို အများကအသိမှတ်ပြုလာစေရန် ရည်ရွယ်ပြီး ပြည်တွင်းက LGBT အဖွဲ့အစည်းများကိုလည်း စုစည်းစေလိုသော ရည်ရွယ်ချက်ဖြင့် အဆိုပါရုပ်ရှင်ပွဲတော် ပြုလုပ်ရခြင်းဖြစ်ကြောင်း တာဝန်ရှိသူတစ်ဦးဖြစ်သည့် မဥမ္မာထွေး ကပြောကြားသည်။
အဆိုပါပွဲတွင် ဂိမ်းအစီစအစဉ်များ၊ ဓာတ်ပုံပြပွဲများနှင့် လူ့အခွင့်အရေးလှုပ်ရှားသူ ဦးအောင်မျိုးမင်းအကြောင်း ရိုက်ကူးထားသော ‘ဒီလိုအချစ်မျိုး’ ရုပ်ရှင်ဇာတ်ကားနဲ့ ဖိလစ်ပိုင်ဇာတ်ကားတစ်ကားတို့ ပြသသွားမည်ဖြစ်ကြောင်း သိရှိရသည်။
ပွဲကို ဖြူဖြူကျော်သိန်း၊ Marry၊ ဇွန်ဝေယံတို့ လာရောက်ဖျော်ဖြေမည်ဖြစ်သည်။
ဖေဖော်ဝါရီ ၁ ရက်နေ့မှ ၄ ရက်နေ့ထိ ပြင်သစ်ယဉ်ကျေးမှုဌါနတွင် ကျင်းပမည့် ရုပ်ရှင်ပွဲတော်တွင် ကိုရီးယား၊ တရုပ်နှင့် ဖိလစ်ပိုင်နိုင်ငံအပါအဝင် နိုင်ငံပေါင်း (၁၀)နိုင်ငံမှ ဇာတ်ကားပေါင်း ၂၃ ကားနှင့် ဝဿန်ရုပ်ရှင်ပွဲတော်တွင် ဆုရမြန်မာမှတ်တမ်းရုပ်ရှင် နှစ်ကားပါ ထည့်သွင်းပြသသွားမည်ဖြစ်ကြောင်း ဒီမိုကရေစီတူဒေးတွင် ဖော်ပြပါရှိသည်။
