သုဝဏ္ဏရှိ ကိုးရီးယားအထည်ချုပ်စက်ရုံမီလောင်မှုဖြစ်ပွား

13 Dec 2017 1,349 Views

ဒီဇင်ဘာလ ၁၂ ရက်နေ့နံနက် ၄ နာရီ ၄၅ မိနစ်အချိန်ခန့်က သင်္ဃန်းကျွန်းမြို့နယ်၊ သုဝဏ္ဏ ကမာကြည်တံတားအဆင်းရှိ ကိုရီးယားအထည်ချုပ်စက်ရုံတစ်ခုဖြစ်သော Yangon Pan-Pacific International မီလောင်မှုဖြစ်ပွားခဲ့ရာ ကျပ်သိန်း ၇၀၀၀ကျော် ပျက်စီးဆုံးရှုံးခဲ့ကြောင်း သိရှိရသည်။

မီးလောင်မှုကို Level 3 အဆင့်ယာဉ်အုပ်စု၊ မီးသတ်ယာဉ် ၄၇ စီး၊ အုပ်ချုပ်မှုယာဉ် ၈ စီး၊ အထောက်အကူပြုယာဉ် ၁၀ စီးနှင့် အခြားမိတ်ဖက်ယာဉ်များ ပူပေါင်းငြိမ်းသတ်ခဲ့ရာ နံနက် ၆ နာရီ ၃၅ မိနစ်အချိန်တွင် မီးထိန်းနိုင်ခဲ့ပြီး နံနက် ၈ နာရီ ၃၀ မိနစ်အချိန်တွင် မီးငြိမ်းသွားကြောင်း သိရှိရသည်။

မီးလောင်မှုကြောင့် စက်ရုံအဆောက်အဦ၊ ကုန်ကြမ်းနှင့် အချုပ်အလုပ်စက်များအပါအဝင် မြန်မာကျပ်ငွေ သိန်း ၇၀၀၀ ကျော်ပျက်စီးဆုံးရှုံးခဲ့ရကြောင်းသိရှိရသည်။

အဆိုပါစက်ရုံမှာ ကိုရီးယားလူမျိုး Mr Lee Bo Sung ပိုင်ဆိုင်ပြီး ဝန်ထမ်းပေါင်း ၁၇၀၀ ကျော်ဖြင့် အမျိုးသား၊ အမျိုးသမီးဝတ် အင်္ကျီဘောင်းဘီ ဂျာကင်များချုပ်လုပ်သော စက်ရုံဖြစ်သည်။