ယာဉ်မတော်တဆမှုကြောင့် ရန်ကုန်မှာတစ်ရက်ကို လူ(၂)ဦးခန့်သေဆုံးနေပြီး (၁၀)ဦးထက်မနည်း ဒဏ်ရာရနေ

08 Nov 2017 1,513 Views

ယာဉ်မတော်တဆမှုကြောင့် ရန်ကုန်တိုင်းဒေသကြီးအတွင်း တစ်ရက်ကိုလူ(၂)ဦးခန့် သေဆုံးနေပြီး (၁၀)ဦးထက်မနည်း ဒဏ်ရာရနေတယ်လို့သိရပါတယ်။

ရန်ကုန်တိုင်းဒေသကြီးအတွင်း ဒီနှစ်ပထမ(၆)လပတ်မှာ ယာဉ်မတော်တဆမှု တွေကြောင့် လူ(၃၃၂)ဦးသေဆုံးခဲ့တဲ့အပြင် ဒဏ်ရာရရှိသူ(၂၀၀၀)၀န်းကျင်ရှိနေတယ်လို့ နိုဝင်ဘာ (၆)ရက်က ရန်ကုန်မြို့အထက(၆)ဗိုလ်တစ်တထောင်မှာပြုလုပ်တဲ့ ယာဉ်လမ်းအန္တရာယ်ကင်းရှင်းရေး လှုပ်ရှားမှု ဖွင့်ပွဲအခမ်းအနားမှာ ထုတ်ပြန်ကြေငြာလိုက်ပါတယ်။ဒါဟာ တစ်ရက်ကိုလူ(၂)ဦးခန့် သေဆုံးနေပြီး (၁၀)ဦးထက်မနည်း ဒဏ်ရာရနေတာလဲဖြစ်ပါတယ်။ဒါကြောင့် ယာဉ်လမ်းအန္တရာယ် ကင်းရှင်းရေးလှုပ်ရှားမှုအဖြစ် မြန်မာနိုင်ငံယာဉ်လမ်းအန္တရာယ်ကင်းရှင်းရေးအဖွဲ့က ယာဉ်ထိန်းရဲတပ်ဖွဲ့ အပါအ၀င် ဌာနဆိုင်ရာတွေနဲ့အရပ်ဘက်အဖွဲ့အစည်းတွေ စုပေါင်းပြီး (၅)ရက်တာပြုလုပ်မှာပါ။

ယာဉ်ထိန်းရဲတပ်ဖွဲ့အနေနဲ့ ယာဉ်ကြောရှင်းလင်းရေး၊အသိပညာပေးတာ၊စည်းကမ်းမဲ့ ယာဉ်တွေကို ဖမ်းဆီးအရေးယူမှုတွေလုပ်ဆောင်တာအပြင် ယာဉ်လမ်းအန်္တရာယ်ကင်းရှင်းရေးလှုပ်ရှားမှု ရက်သတ္တပတ်မှာလဲ ယာဉ်မောင်းတွေအပြင် လမ်းအသုံးပြုသူအားလုံးသိရှိအောင် အသိပညာပေးတာ တွေကို နိုဝင်ဘာ(၇)ရက်ကနေ(၁၁)ရက်အထိ (၅)ရက်တာ ပူးပေါင်းဆောင်ရွက်မှာဖြစ်တယ်လို့ ဒုရဲမှူးကြီးသိန်းဦးက ပြောပါတယ်။

ရန်ကုန်တိုင်းဒေသကြီးမှာ ယာဉ်မတော်တဆမှုကြောင့် သေဆုံးမှုဟာ (၂၀၁၅)ခုနှစ်က (၆၀၃)ဦး၊(၂၀၁၆)ခုနှစ်မှာ(၆၂၂)ဦးနဲ့ ယခု(၂၀၁၇)နှစ်ပထမနှစ်ဝက်အတွင်း(၃၃၂)ဦးသေဆုံးခဲ့ပါတယ်။ ယာဉ်မတော်တဆမှုကြောင့်သေဆုံးသူဦးရေဟာနှစ်စဉ်(၀.၁)ဦးနှုန်းတိုးမြင့်လာနေတယ်လို့လဲသိရပါတယ်။

https://www.facebook.com/GoodMorningMyanmarLive/videos/2131651586860960/