ကိုလံဘီယာရုပ်ရှင်ထုတ်လုပ်ရေး အမှတ်တံဆိပ် မီးရှုးတိုင်အမျိုးသမီးရဲ့ နောက်ကွယ်က ဖြစ်ရပ်မှန်သမိုင်း
17 Oct 2017 1,773 Views
ရုပ်ရှင်ချစ်ပရိသတ်တစ်ဦးဆိုရင်တော့ နာမည်ကျော် အမေရိကန်ရုပ်ရှင်ထုတ်လုပ်ရေး တစ်ခုဖြစ်တဲ့ ကိုလံဘီယာပစ်ချာ (Columbia Picture) နဲ့ ရင်းနှီးပြီးသားဖြစ်နေမှာ မလွဲပါဘူး။ ရုပ်ရှင်ဇာတ်လမ်းမစမီမှာ မီးရှုးတိုင်ကိုင်ထားတဲ့ အမျိုးသမီးတစ်ဦးရဲ့ လိုဂိုဟာ ကိုလံဘီယာပဲဖြစ်ပါတယ်။
သူမရဲ့ဟန်ပန်ဟာ နယူယော့ခ်က လေဘာတီရုပ်တုကြီးနဲ့ဆင်တူပြီး ရုပ်ရှင်ထုတ်လုပ်ရေး လောကမှာ ခိုင်ခိုင်မာမာရပ်တည်နေတဲ့ ကုမ္ပဏီတစ်ခုလည်း ဖြစ်ပါတယ်။ ဒါပေမယ့် ဒီမီူရှုးကိုင်ထားတဲ့ အမျိုးသမီးက ဘယ်သူလဲဆိုတဲ့ အဖြစ်ပျက်ကိုတော့ သိတဲ့သူအလွန် နည်းပါလိမ့်မယ်။
ကိုလံဘီယာလိုဂိုရဲ့ အကြောင်းကို ပြောမယ်ဆိုရင် ဟိုးအစကနေ ပြန်ပြောရမှာဖြစ်ပါတယ်။
ကုမ္ပဏီကို ၁၉၁၈ ခုနှစ် ဇွန်လ ၁၉ ရက်နေ့မှာ ညီအစ်ကိုသုံးယောက်က စတင်တည်ထောင်ခဲ့ပါတယ်။ တည်ထောင်ကာစမှာ နာမည်က Columbia မဟုတ်ပါဘူး C.B.C Film Sales လို့ ခေါ်ပါတယ်။ C.B.C ဆိုတာကတော့ သူတို့ညီအစ်ကို သုံးယောက်ရဲ့ နောက်ဆုံးနာမည် ထိပ်စတွေ ဖြစ်တဲ့ Henry Cohn, Jack Cohn နဲ့ Joe Brandt ကနေ ယူထားတာပါ။
၁၉၂၄ ခုနှစ်မှာ ကုမ္ပဏီနာမည်ကို Columbia လို့ ပြောင်းလိုက်ပြီး လိုဂိုကိုလည်း ရိုမန်အမျိုးသမီးစစ်သည်တော် အဖြစ်ပြောင်းလဲခဲ့ပါတယ်။
၁၉၂၈ ခုနှစ်မှာ အမျိုးသမီးစစ်သည်ပုံအစား ခေါင်းဝတ်တန်ဆာဆင်ထားပြီး အမေရိကန်အလံကို ကိုယ်ရုံအဖြစ်လွှမ်းကာ မီးရှုးတိုင်ကိုင်ထားတဲ့ အမျိုးသမီးပုံအဖြစ် ပြောင်းလဲကာ ကိုလံဘီယာစာတန်းကွေး နောက်ခံနဲ့ ပြောင်းလဲခဲ့ပါတယ်။
၁၉၃၆ မှာတော့ အမျိုးသမီးရဲ့ ဦးခေါင်းတန်ဆာတွေကို ဖြုတ်ခဲ့ပြီး ကိုလံဘီယာစာတန်းကိုလည်း အတည့်နောက်ခံပုံပြောင်းခဲ့ပါတယ်။
၁၉၄၃ ခုနှစ်မှာတော့ ဆေးရောင်စုံဖြစ်လာပြီး ထိုအချိန်က အမေရိကန်အလံကို အဝတ်အစားအဖြစ် အသုံးမပြုရဆိုတဲ့ ဥပဒေကြောင့် အမေရိကန်အလံနေရာမှာ သာမန်အဝတ်ထည်အဖြစ်ပြောင်းလဲခဲ့ပါတယ်။
၁၉၇၆ ကနေ ၁၉၈၁ ထိ ကုမ္ပဏီက ဖော်ပြပါ လိုဂိုနှစ်ခုကို တစ်လှည့်စီ သုံးနေခဲ့ပါတယ်။
ယခုလက်ရှိထိ တစ်သတ်မတ်ထဲ သုံးစွဲနေတဲ့ လိုဂိုကတော့ ၁၉၉၂ က အသစ်ရေးဆွဲခဲ့တဲ့ လိုဂိုပဲဖြစ်ပါတယ်။ အဆိုပါလိုဂို ဆီဆေးပန်းချီကို ပန်းချီဆရာ Michael J. Deas ကရေးဆွဲခဲ့ပြီး အဲဒီအချိန်တုန်းက အသက် ၂၂ အရွယ် Jennifer Joseph ဆိုသူ မိန်းကလေးက မော်ဒယ်ထိုင်ပေးခဲ့တာဖြစ်ပါတယ်။
Jennifer Joseph ရဲ့ အဆိုအရ အဲဒီပုံဟာ သူမရဲ့ပထမဆုံးနဲ့ နောက်ဆုံးမော်ဒယ်ထိုင်ပေးခဲ့တာလို့ သိရပါတယ်။ Jennifer Joseph ဟာ ဂရပ်ဖစ်အနုပညာရှင်ဖြစ်ပြီး ပန်းချီဆရာ Michael J. Deas နဲ့အတူ သတင်းစာတစ်စောင်မှာ အတူတူအလုပ်ကြတာဖြစ်ပါတယ်။
ကိုလံဘီယာရဲ့ လက်ရှိလိုဂို ရေးဆွဲဖြစ်ပုံကလည်း ထမင်းစားနားနေချိန်မှာ အမှတ်မထင်ရေးဆွဲခဲ့တာဖြစ်ပြီး Jennifer က အနီးနားက အဝတ်စတစ်စ ကောက်ပတ်ပြီး စာပွဲတင်မီးအိမ်တုံးကို မြောက်ကာ မော်ဒယ်လုပ်ပေးခဲ့တာလို့ သူတို့နဲ့ အင်တာဗျူးမှာ ပြောကြားခဲ့ပါတယ်။
အမှတ်မထင်ရေးဆွဲခဲ့တဲ့ အနုပညာလေးတစ်ခုက အနှစ် ၂၀ ကျော်တိုင် တည်တံ့နေပြီး မူရင်းပန်းချီကားဟာလည်း ယနေ့ထက်ထိတိုင် ပြတိုက်မှာ ပြသထားခြင်းခံရပါတယ်။
