ဗျောက်အိုး၊မီးရှူးနှင့်မီးဒုံး(ရှူးဒိုင်း)များ ရောင်းချခြင်း၊ဖြန့်ဖြူးခြင်း၊ ပစ်ဖောက်ခြင်း များကိုထိရောက်စွာ အရေးယူသွားမယ်

02 Oct 2017 1,584 Views

ရန်ကုန်တိုင်းဒေသကြီးအတွင်း တရားဥပဒေစိုးမိုးရေး၊နယ်မြေအေးချမ်းသာယာရေးနှင့် ပြည်သူများအထိတ်တလန့်မဖြစ်ပွားစေရေးအတွက် ၂၀၁၇ခုနှစ် သီတင်းကျွတ်ကာလအတွင်း ဗျောက်အိုး၊မီးရှူးနှင့်မီးဒုံး(ရှူးဒိုင်း)များကို ထုတ်လုပ်ရောင်းချခြင်း၊ ဖြန့်ဖြူးခြင်း၊ပစ်ဖောက်ခြင်းများ မပြုလုပ်စေရေးအတွက် ရန်ကုန်တိုင်းဒေသကြီးအစိုးရအဖွဲ့က သတိပေးနှိုးဆော်ချက်ထုတ်ပြန်လိုက် ပါတယ်။

ဒီသတိပေးနှိုးဆော်ချက်အပြည့်အစုံမှာ --

၁။ ရန်ကုန်တိုင်းဒေသကြီးအတွင်းသတင်းကျွတ်ကာလမှာ ဗျောက်အိုး၊ မီးရှူးနှင့် မီးဒုံး(ရှူးဒိုင်း)များကို ထုတ်လုပ်ရောင်းချခြင်း၊ ဖြန့်ဖြူးခြင်း၊ ပစ်ဖောက်ခြင်းများမရှိစေရေးအတွက် ရန်ကုန်တိုင်းဒေသကြီး အစိုးရအဖွဲ့က သတိပေးနှိုးဆော်ချက်တွေကို နှစ်စဉ်ထုတ်ပြန်လျက်ရှိပါသည်။

၂။ ရန်ကုန်တိုင်းဒေသကြီးအတွင်းရှိ ခရိုင်၊မြို့နယ်များအတွင်းတွင် ဗျောက်အိုး၊မီးရှူးနှင့် မီးဒုံး(ရှူးဒိုင်း)များကိုပစ်ဖောက်မှုကြောင့် ပြည်သူများအထိတ်တလန့်ဖြစ်စေခြင်း၊မသမာသူများမှ ရပ်ရွာအေးချမ်းသာယာရေးနှင့်လုံခြုံရေးတို့ကို ထိခိုက်အောင်ပြုလုပ်လာနိုင်ခြင်းတို့ကြောင့် ဗျောက်အိုး၊ မီးရှူးနှင့်မီးဒုံး(ရှူးဒိုင်း)များကို ရောင်းချခြင်း၊ ဖြန့်ဖြူးခြင်း၊ ပစ်ဖောက်ခြင်းများမပြုလုပ်ကြရန်နှင့် လိုက်နာခြင်းမရှိပါကတည်ဆဲဥပဒေအရ ထိရောက်စွာအရေးယူသွားမယ်လို့ ရန်ကုန်တိုင်းဒေသကြီး အစိုးရအဖွဲ့က အသိပေးနှိုးဆော်ထားတာဖြစ်ပါတယ်။