၁၅ နှစ်သမီးကို ဆယ်ရက်ခန့်ပိတ်လှောင်ကာ အဓ္ဓမပြုကျင့်ခဲ့သည့် ပထွေး ထောင် ၂၃ နှစ်ကျ
25 Aug 2017 1,334 Views
နေပြည်တော်တပ်ကုန်း မြို့နယ်တွင် အသက် (၁၅)နှစ်အ ရွယ်မိန်းကလေးတစ်ဦးကို ယာတဲ ၌ ၁၀ ရက်ခန့်ပိတ်လှောင်ထားကာ သားမယားပြုကျင့်သည့် ပထွေးကို အလုပ်နှင့် ထောင်ဒဏ် ၂၃ နှစ်ချမှတ်ခဲ့သည်။
၂၀၁၆ အောက်တိုဘာ ၃၀ ရက်က (၁၅)နှစ်အရွယ် မိန်းကလေးသည် တပ်ကုန်းမြို့နယ် တရားရုံးတွင် အမှုရင်ဆိုင်နေရသည့် ခင်ပွန်းဖြစ်သူထံသွားရန် သံပရာကုန်းကျေးရွာကားဂိတ်တွင် ကားစောင့်နေစဉ် ပထွေးက လမ်းကြုံသည်ဆိုကာ ခေါ်ဆောင်ခဲ့သည့်အမှု ဖြစ်သည်။
“လမ်းကြုံတယ်လိုက်ခဲ့ဆိုတော့ ကောင်မလေးက လိုက်သွားတယ်။ ဆိုင်ကယ်က ခရမ်းစပ် ကုန်းကျေးရွာကို မောင်းသွားပြီး ယာတဲတစ်ခုထဲ ဝင်တယ်။ ကောင်မလေးကို ထွက်ပြေးရင်သတ်မယ် ဆိုပြီး ၁၀ ရက်လောက်ချုပ်ထားတယ်။ သားမယားအဖြစ် ၁၁ကြိမ်ပြုကျင့်ခဲ့တယ်လို့ သိရပါတယ်” ဟု တပ်ကုန်းမြို့နယ်ရဲ တပ်ဖွဲ့မှ ရဲအရာရှိတစ်ဦးက ပြောသည်။
ပြစ်မှုကျူးလွန်သူ (၃၉)နှစ် အရွယ်အမျိုးသားကို ဒက္ခိဏခရိုင် တရားရုံးက ၂၀၁၆ ဒီဇင်ဘာ ၁၂ ရက်တွင် အမှုစတင်စစ်ဆေးခဲ့ပြီး ရှစ်လကျော်အကြာ ဩဂုတ် ၂၁ ရက်က အလုပ်နှင့်ထောင်ဒဏ် ၂၃ နှစ် တပေါင်းတည်းကျခံစေရန် အမိန့်ချမှတ်သည်။
ပြစ်မှုကျူးလွန်သူ တရားခံ စိုးငြိမ်း(ခ)စိုးလွင်ကို ရာဇသတ် ကြီးပုဒ်မ ၃၃၄ အရ အလုပ်နှင့် ထောင်ဒဏ်သုံးနှစ်၊ ရာဇသတ် ကြီးပုဒ်မ ၃၇၆ အရ အလုပ်နှင့် ထောင်ဒဏ် ၂၀ နှစ် တပေါင်း တည်းကျခံစေရန် အမိန့်ချမှတ်ခဲ့ ခြင်းဖြစ်သည်။
သတင်းရင်းမြစ်-ဖိုးတုတ်
