YBS ယာဉ်အချို့တွင် တွင် လုံခြုံရေးဝန်ထမ်း လိုက်ပါ၍ စမ်းသပ်ပြေးဆွဲ
24 Aug 2017 1,460 Views
YBS ယာဉ်လိုင်းအချို့တွင် မဖွယ်မရာ ပြုမူမှုများ မိုက်ကြေးခွဲမှုများ ဖြစ်ပွားခဲ့ပြီးနောက် ယာဉ်လိုင်းကုမ္ပဏီအချို့မှ လုံခြုံရေးဝန်ထမ်းများ လိုက်ပါလာတာတွေ့ရပါတယ်။ ဝိုင်ဘီအက်စ်ယာဉ်လိုင်း ၅၆ နဲ့ ၂၀ လိုင်းတွေမှာ ယခုလ ၁၉ ရက်နေ့က စတင်ပြီး လူလတ်ပိုင်းအရွယ်အမျိုးသားလုံခြုံရေးဝန်ထမ်း စမ်းသပ်လိုက်ပါလာတာကို တွေ့ရပါတယ်။
လုံခြုံရေးဝန်ထမ်းက ကားရဲ့အရှေ့ပေါက်၊ ခရီးသည်တွေ စတက်တဲ့နေရာမှာ ရပ်ကြည့်နေပြီး ကားပေါ်တက်လာသူတွေကို တစ်ယောက်ချင်း သေချာစွာမှတ်သားတဲ့ ဟန်နဲ့လိုက်ကြည့်နေပါတယ်။
မိုးပြာရောင်ရှပ်အင်္ကျီလက်တို၊ နက်ပြာရောင်စတိုင်ဘောင်းဘီဝတ်ပြီး၊ ခါးပတ်နေရာမှာတော့ နံပါတ်တုတ်ကိုချိတ်ဆွဲထားပါတယ်။ ကားမောင်းနေတဲ့ အချိန်မှာတော့ သည်လုံခြုံရေးဝန်ထမ်းဟာ ခရီးသည်တွေကိုနေရာစီစဉ်ပေးတာတွေ၊ အနောက်ဘက်မှာ မတ်တတ်ရပ်စီးနေသူတွေကို တစ်ချက်၊ တစ်ချက်အကဲခတ်ပြီးလိုက်ပါလာတယ်။ သူ့ရဲ့လည်ပင်းမှာ ကတ်ပြားတစ်ခုဆွဲထားပြီး သည်ကတ်ပြားမှာ နာမည်နဲ့ မှတ်ပုံတင်နံပါတ်၊ နေရပ်လိပ်စာတွေနဲ့ တာဝန်တွေကို ရေးထားပါတယ်။
ကားမှတ်တိုင်တစ်ခု ရောက်တိုင်း၊ တက်လာသူတွေကိုလိုက်ကြည့်နေသလို၊ ဆင်းသွားတဲ့ လူတွေကိုလည်း တစ်ချက်၊ တစ်ချက်ကြည့်နေတာကြောင့်စီးနင်းနေတဲ့ ခရီးသည်တချို့ အထူးအဆန်းပုံစံဖြစ်နေပါတယ်။
၅၆ကားပေါ်မှာ စီးနင်းလာတဲ့ မနှင်းဖြူက စမြင်တုန်းကတော့ အံ့အားသင့်တာပေါ့၊ သူကြည့်နေတဲ့အကြည့်ကလဲ ရဲတွေလို စူးစမ်းကြည့်နေတော့ တစ်မျိုးကြီးဖြစ်နေတာ၊ လူရှုပ်တဲ့အချိန်မသိသာပေမဲ့ လူရှင်းတဲ့အချိန်ဆိုနောက်မှာ ထိုင်နေတဲ့ ကိုယ့်မှာ အန္တရာယ်နဲ့ကြုံရင် ကားသမားကိုလှမ်းအော်ဖို့ကလဲ အဆင်မပြေတော့ ဒီလိုထားတာကိုဝမ်းသာတယ်၊ ကျွန်မကဂိတ်စ၊ ဂိတ်ဆုံး အထိစီးတော့ အိပ်နေရင်းစီးလို့ရပြီလေလို့ သူမရဲ့အမြင်ကို ပြောပြပါတယ်။
ကားပေါ်မှာ စီစီတီဗီကင်မရာတွေတပ်ဆင်ထားပေမဲ့ လူများတဲ့အချိန်မှာ ပိုက်ဆံအိတ်အနှိုက်ခံရတာ၊ ဆွဲကြိုး၊ လက်ကောက်၊ ဖုန်းနဲ့ တန်ဖိုးကြီးပစ္စည်းတွေ မကြာခဏအနှိုက်ခံနေရပါတယ်။
အဆင်ပြေတယ် ယာဉ်အကူမပါတာကြောင့် အမျိုးသမီးအချို့လိင်ပိုင်းဆိုင်ရာအနှောင့်အယှက်နဲ့ အကြောင်းတစ်ခုခုအရေးကြုံရင် သည်လုံခြုံရေးဝန်ထမ်းက အကူအညီပေးနိုင်လို့ သည်လိုထားရှိတာဟာ ခရီးသည်တွေအတွက် ပိုအဆင်ပြေနိုင်တယ်လို့ စီးနင်းသူတချို့ကမှတ်ချက် ပြုပြောကြားပါတယ်။
ယခုလ ၁၉ ရက်နေ့က ဝိုင်ဘီအက်စ် (၇)ယာဉ်ပေါ်မှာ ကျောင်းဆရာမတစ်ဦးကို အမျိုးသားတစ်ဦးက မဖွယ်မရာပြုလုပ်ပြီး ညစ်ညမ်းဗီဒီယိုပြသလို့ ရဲစခန်းကဖမ်းဆီး အရေးယူထားပါတယ်။
ဘုရင့်နောင်လမ်းဆုံကနေ သခင်မြပန်းခြံကို ဝိုင်ဘီအက်စ်အမှတ်(၂၀)စီးနင်းနေတဲ့ ကိုသားငယ်က ဒီကားကလှိုင်သာယာအထိ ပြန်သူတွေများတော့ လူစုံတယ်လေ၊ ခါးပိုက်ခဏခဏနှိုက်ခံနေရတော့ လုံခြုံရေးဝန်ထမ်းရှိနေတော့ လူနည်းနည်းရှိန်တာပေါ့၊ မိန်းကလေးတွေအတွက် ပိုကောင်းမယ်လို့မြင်တယ်၊ တစ်ခါတလေ ကိုယ့်ရှေ့မှာ မိန်းကလေးတွေကို မဖွယ်မရာ လုပ်နေတာ တွေ့ပေမဲ့ သူတို့အရှက်ကွဲမှာစိုးလို့ဝင်မပြောဘဲ ကြည့်နေရတာတွေရှိတယ်၊ ဒီလုံခြုံရေးဝန်ထမ်းတွေက သေချာ စနစ်တကျ စောင့်ရှောက်နိုင်ရင် ပိုကောင်းမှာပါလို့ ပြောတယ်။
လက်ရှိ ဝိုင်ဘီအက်စ် ၂၀ နဲ့ ၅၆ တွေမှာ လုံခြုံရေးဝန်ထမ်း ၂၅ ဦးနဲ့ စမ်းသပ်နေပြီး အဆင်ပြေရင် ယာဉ်လိုင်းအားလုံးမှာ ထားရှိဖို့ညှိနှိုင်းနေတယ်လို့ သိရပါတယ်။ လက်ရှိ ယာဉ်လိုင်းတချို့မှာ လုံခြုံရေးဝန်ထမ်းတွေသုံးပြီး ဝန်ဆောင်မှုပေးနေတဲ့ Omini Focus ကုမ္မဏီလက်အောက်မှာ ယာဉ်လိုင်းခြောက်လိုင်းရှိနေတယ်လို့ သိရပါတယ်။ သည်လုံခြုံရေးဝန်ထမ်းတွေကို ကုမ္မဏီနဲ့ချိတ်ဆက်ပြီး ဆောင်ရွက်နေတာဖြစ်ပါတယ်။
ဝိုင်ဘီအက်စ်စနစ်ကို စတင်ပြောင်းလဲပြီး ခုနစ်လကျော်ကြာနေချိန်မှာ အခုလို လုံခြုံရေးဝန်ထမ်းထားရှိတာ ပထမဆုံးဖြစ်တာကြောင့် ယာဉ်မောင်းတွေအတွက်လည်း ကားကိုပဲအာရုံစိုက်မောင်းဖို့ ပိုအဆင်ပြေတယ်လို့ ယာဉ်မောင်း တစ်ဦးက ဆိုပါတယ်။ သူကစပယ်ယာကမပါ၊ ခရီးသည်တွေကအဆင်မပြေရင် နောက်ကအော် ပစ္စည်းတွေမပျောက်အောင် လှမ်းသတိပေးရတာတွေ၊ အကြွေပြဿနာတွေပါ ဖြေရှင်းနေရတော့ ကားမောင်းသမားတွေ အလုပ်ရှုပ်တာပေါ့၊ ခရီးသည်တွေအတွက်လဲ အဆင်ပြေတယ်လို့ ထင်တယ်၊ ကျွန်တော်တို့လိုင်းကတော့ လုံခြုံရေးဝန်ထမ်း မထားသေးဘူးလို့ ပြောပါတယ်။
သတင်းရင်းမြစ်-ကုမုန္ဒြာ
