တစ်သောင်းတန်အတုများ ပြန့်နှံ့နေခြင်းကြောင့် ဒေသခံများ ဆုံးရှုံးနစ်နာမှုရှိ(အများသိအောင် Share ပေးပါ)

13 Jul 2017 1,663 Views

ရခိုင်ပြည်နယ်တွင် တစ်သောင်းတန်အတုများ ပြန့်နှံ့နေခြင်းကြောင့် ဒေသခံများ ဆုံးရှုံးနစ်နာမှုရှိနေတဲ့ သတင်းကိုဖော်ပြပေး လိုက်ပါတယ်။ရခိုင်ပြည်နယ်တွင် တစ်သောင်းတန် ငွေစက္ကူအတုများ များစွာပြန့်နှံ့နေခြင်းကြောင့် မြန်မာ့လယ်ယာဖွံဖြိုးရေး ဘဏ်သို့ ချေးငွေလာဆပ်သည့် တောင်သူများ ငွေစက္ကူအတုမိကာ နစ်နာဆုံးရှုံးမူများရှိနေကြောင်း တောင်သူ များထံမှ သိရှိရသည်။

ဒေသခံတောင်သူများသည် ဘဏ်ချေးငွေဆပ်ရန် စပါး၊ ကျွဲ၊ နွား၊ သစ်နှင့် ရွှေထည်ပစ္စည်းများ ရောင်းချ၊ ပေါင်နှံ ရာမှ ရရှိလာသည့် ငွေစက္ကူများဖြင့် ချေးငွေလာဆပ်ရာတွင် အတုများပါရှိသည်ကို တွေ့ရှိနေရကြောင်း သိရသည်။
''ဘဏ်ငွေ လာဆပ်ကြတဲ့လယ်သမားတွေ နစ်နာနေကြတယ်၊။ တစ်သောင်းတန်အတုတွေ မိလာကြတယ်။ အဲဒီငွေတွေထဲမှာ တစ်သောင်းတန်အတုတွေ ကြားဖောက်ပါလာတတ်တယ်။ မနေ့က(ဇူလိုင် ၅) အိုင်းဝမ်းဘက်က လယ်သမားတစ်ယောက် တစ်သောင်းတန်နှစ်ရွက် အတုမိလာတယ်။ မရှိဆင်းရဲတဲ့ လယ်သမားတွေအတွက် ငွေနှစ်သောင်းဆိုတာ မလွယ်ပါဘူး။ အများအားဖြင့် ရွှေဆိုင်တွေကနေတဆင့် ပါလာတတ်တယ်။''ဟု မြန်မာ့လယ်ယာဖွံ့ဖြိုးရေးဘဏ်(မင်းပြားဘဏ်ခွဲ)မှ ဘဏ်မန်နေဂျာ ဦးစံညွန့်ကပြောသည်။

ရခိုင်ပြည်နယ်ရှိ မြန်မာလယ်ယာဖွံဖြိုးရေးဘဏ်ခွဲများသို့ ချေးငွေလာဆပ်ကြသည့် တောင်သူများ၏ ပိုက်ဆံများ တွင် ငွေစက္ကူအတုများ ရောနှောပါလာနေသဖြင့် သတိထားစစ်ဆေးနေရပြီး မင်းပြားမြို့နယ်တွင် ၂၀၁၇ ခုနှစ် ဧပြီလမှ ဇူလိုင် ၆ ရက်အထိ (၁)သောင်းတန်ငွေစက္ကူအတု အရွက်(၂၀)ကျော်ကို စစ်ဆေးတွေ့ရှိခဲ့ရကြောင်း မြန်မာ့ လယ်ယာ ဖွံဖြိုးရေးဘဏ် (မင်းပြားဘဏ်ခွဲ)ထံမှ သိရသည်။

မြန်မာနိုင်ငံတွင် မည့်သည့် ဒေသမှ မည်သူများက ထုတ်လုပ်နေမှန်းမသိသည့် ငွေစက္ကူအတုများသည် နိုင်ငံအ တွင်း ပြန့်နှံ့နေသော်လည်း အစိုးရက ရှာဖွေထိန်းချုပ်နိုင်ခြင်းမရှိသေးကြောင်း သိရသည်။

Source: MTG