အာဇာနည်နေ့ အခမ်းအနားကျင်းပစဉ် လမ်းကြောင်းပိတ်ထားမှု၊ အာဇာနည် ဗိမာန်ကို ၀င်ရောက်ရမည့်လမ်းကြောင်းသတ်မှတ်မှုနှင့်
13 Jul 2017 1,307 Views
အာဇာနည်နေ့အခမ်းအနားကျင်းပစဉ် လမ်းကြောင်းပိတ်ထားမှု၊အာဇာနည်ဗိမာန်ကို ၀င်ရောက်ရမည့်လမ်းကြောင်း သတ်မှတ်မှုနှင့် လုံခြုံရေးကို ထိခိုက်စေနိုင်တဲ့ ပစ်္စည်းတစ်စုံတစ်ရာ ယူဆောင်ခွင့်မပြုကြောင်း သတ်မှတ်ကြေညာချက်ကို (၂၀၁၇)ခုနှစ် နှစ်(၇၀)ပြည့် အာဇာနည်နေ့ အခမ်းအနား လုံခြုံရေးနှင့်စည်းကမ်းထိန်းသိမ်းရေးလုပ်ငန်းကော်မတီကနေ ထုတ်ပြန်ကြေညာ လိုက်ပါတယ်။
ကြေညာချက်အပြည့်အစုံမှာ- ၁။ နှစ် (၇၀)ပြည့် အာဇာနည်နေ့အခမ်းအနားကို ရန်ကုန်မြို့၊အာဇာနည်ဗိမာန်မှာ ၂၀၁၇ ခုနှစ်၊ ဇူလိုင်လ (၁၉)ရက်နေ့ နံနက် (၈) နာရီအချိန်မှာ စတင်ကျင်းပမှာဖြစ်ရာ ဇူလိုင်လ (၁၈)ရက်နေ့ ညနေ(၆)နာရီအချိန်မှ ဇူလိုင်လ (၁၉)ရက်နေ့ ညနေ (၆) နာရီအချိန်ထိ ဖော်ပြပါလမ်းကြောင်းများကို ဖြတ်သန်းသွားလာမှု ယာယီပိတ်ထားမည် ဖြစ်ပါသည်။ဦးဝိစာရလမ်းနှင့် အနောက်ရွှေဂုံတိုင်လမ်းဆုံရာမှ အနောက်ရွှေဂုံတိုင်လမ်းအတိုင်း လင့်လမ်းနှင့် ဆုံရာအထိ၊အနောက်ရွှေဂုံတိုင်လမ်းမှ အာဇာနည်လမ်းအတိုင်း ရွှေတိဂုံဘုရားအရှေ့မုခ် စောင်းတန်းအထိ၊ အနောက်ရွှေဂုံတိုင်လမ်းမှ အာဇာနည်ဗိမာန်သို့ တက်ရောက်ရာ အုတ်လှေကား လမ်းနှင့် ကျောက်ဆည်ဓမ္မရုံဘေးလမ်းကြားများ၊
၂။အာဇာနည်နေ့အခမ်းအနားသို့တတ်ရောက်ရန် ဖိတ်ကြားထားသော ဧည့်သည်တော်များသည် ရွှေတိဂုံတောင်ဘက်မုခ်မှ အာဇာနည်လမ်းအတိုင်း ရွှေတိဂုံအရှေ့ဘက်မုခ်မှတဆင့် ရွှေတိဂုံမြောက်ဘက်မုခ်ရှိ အာဇာနည်ဗိမာန်ဝင်ပေါက် ဂိတ်(၂)မှဝင်ရောက်ပြီး အနောက် ရွှေဂုံတိုင်လမ်းကို ဂိတ်(၃)မှ ပြန်လည်ထွက်ခွာရမည် ဖြစ်ပါသည်။
၃။ အာဇာနည်ဗိမာန်ကို အများပြည်သူလာရောက်ဂါရ၀ပြုနိုင်ရန် ဇူလိုင်လ ( ၁၉ )ရက်နေ့ နေ့လည်(၁၂)နာရီအချိန်မှ ညနေ(၅)နာရီအချိန်ထိ ဖွင့်လှစ်ထားမည်ဖြစ်ရာ ပြည်သူတွေအနေနဲ့အနောက်ရွှေဂုံတိုင်လမ်းမှတစ်ဆင့် အနောက်ရွှေဂုံတိုင်လမ်းနှင့် အာဇာနည်လမ်းဆုံရှိ ဂိတ်(၁)မှ ၀င်ရောက်ကာ ဂိတ်(၂)မှ တစ်ဆင့်အာဇာနည်လမ်းအတိုင်း ရွှေတိဂုံအရှေ့ဘက်မုခ် စောင်းတန်းကို ထွက်ခွာရမည်ဖြစ်ပါသည်။အာဇာနည်ဗိမာန်နှင့်ဗိုလ်ချုပ်ပြတိုက်သို့ ၀င်ရောက် ဂါရ၀ပြုကြသူများသည် ပန်းခွေ၊ပန်းစည်း၊ပန်းခြင်းအမျိုးမျိုး၊လက်ကိုင်အိတ်အမျိုးမျိုး၊ ကင်မရာ အမျိုးမျိုး ၊လက်ကိုင်ဖုန်းအမျိုးမျိုး၊ ဗီနိုင်းစအမျိုးမျိုး၊ ပုလင်း၊ ဘူးအမျိုးမျိုး၊ အလံအမျိုးမျိုး၊ အလံကိုင်ဆောင်ရာမှာ အသုံးပြုတဲ့ တုတ်၊ သံပိုက်၊ကော်ပိုက်နဲ့ ကြိုတင်စစ်ဆေးခံယူမှုမရှိတဲ့ လုံခြုံရေးကိုထိခိုက်စေတဲ့ ပစ္စည်းတွေကို ယူဆောင်ခွင့်မပြုကြောင်း ကြိုတင်အသိပေး ကြေညာအပ်ပါတယ်လို့လည်း ထုတ်ပြန်ချက်ထဲမှာပါရှိတာဖြစ်ပါတယ်။
၎။ အာဇာနည်ဗိမာန်နှင့်ဗိုလ်ချုပ်ပြတိုက်သို့ ၀င်၊ထွက်ရာလမ်းကြောင်းနှင့် ဂိတ်များမှာလည်း လုံခြုံရေးအရရှာဖွေစစ်ဆေးမှုများ ကြည်ဖြူစွာအစစ်ဆေးခံပြီး သတ်မှတ် လမ်းကြောင်းမှသာ ၀င်ရောက်ထွက်ခွာကြဖို့လည်း မေတ္တာရပ်ခံပါသည်လို့ ဖော်ပြပါရှိပါသည်။
