သင်ကြားရေးဆိုင်ရာအရည်အသွေးမြှင့်သင်တန်းတက်ရောက်ပြီးတဲ့ ဆရာ ဆရာမများက ရပ်ရွာဒေသနှင့် ဘ.ကပညာရေးကျောင်းတွေက ဆရာ၊ ဆရာမတွေကို ပြန်လည် သင်ကြားပေး
12 Jul 2017 1,281 Views
ဗြိတိသျှကောင်စီမှဦးစီးပြီးပြုလုပ်တဲ့ ပညာရေးဝန်ကြီးဌာနမှ ဆရာဆရာမတွေကို သင်ကြားရေး ဆိုင်ရာအရည်အသွေးမြှင့်သင်တန်းမှာ သင်ကြားခဲ့တဲ့ သင်တန်းဆင်းဆရာ၊ဆရာမတွေက ဘုန်းတော်ကြီးသင်ပညာရေးကျောင်းတွေက ဆရာ၊ဆရာမတွေကိုအခမဲ့ပြန်လည် သင်ကြားပေးနေ တာ ဖြစ်ပါတယ်။ဗြိတိသျှကောင်စီက ပညာရေးဝန်ကြီးဌာနလက်အောက်ရှိ ပညာရေးကောလိပ်၊ ပညာရေးတက္ကသိုလ်တွေက ဆရာ၊ဆရာမတွေကို သင်ကြားရေးဆိုင်ရာအရည်အသွေးမြှင့်သင်တန်း ဖွင့်လှစ်သင်ကြားပေးခဲ့ပြီး သင်တန်းကာလ(၃)နှစ်ကြာမြင့်ခဲ့တယ်လို့သိရပါတယ်။သင်ကြားရေးဆိုင်ရာအရည်အသွေးမြှင့်သင်တန်းမှာ အင်္ဂလိပ်စာစွမ်းရည်နဲ့ သင်ကြားနည်းအပိုင်းတွေကို အဓိကထားသင်ကြားပေးခဲ့တယ်လို့ သိရပါတယ်။
သင်တန်းပြီးသွားတဲ့ ဆရာ၊ဆရာမတွေကနေတစ်ဆင့် ကျေးရွာဒေသတွေနဲ့ဘုန်းတော်ကြီးသင်ပညာရေးကျောင်းတွေက ဆရာဆရာမတွေကို အခမဲ့ပြန်လည်ပို့ ချသင်ကြားပေးနေတာဖြစ်ပါတယ်။သင်ကြားရေးဆိုင်ရာအရည်အသွေးမြှင့်သင်တန်းကို တက်ရောက်ခဲ့ပြီးတဲ့ ဆရာ၊ဆရာမတွေက သင်တန်းကရရှိခဲ့တဲ့ အသိပညာတွေ၊ကျောင်းသားကျောင်းသူတွေအတွက် စာသင်ကြားပုံတွေကိုလည်း ဘုန်းတော်ကြီးသင်ပညာရေးကျောင်းနဲ့ကျေးရွာဒေသက ပညာရေး ကျောင်းတွေမှာ တစ်ဆင့်ပြန်လည်သင်ကြားပို့ချပေးနေတာဖြစ်ပါတယ်။လက်ရှိမှာတော့ လှည်းကူး မြို့နယ်မှာရှိတဲ့ ဇေယျာရွှေတောင်ဘုန်းတော်ကြီးသင်ပညာရေးကျောင်းကဆရာဆရာမတွေကို ပြန်လည်သင်ကြားပေးနေပါတယ်။ သင်ကြားရေးအပိုင်းမှာလည်း ကလေးဗဟိုပြုသင်ကြားနည်း၊ သင်ထောက်ကူပစ္စည်းတွေကို ထိရောက်စွာအသုံးပြုနည်း၊ကလေးတိုင်းပါဝင်နိုင်တဲ့အုပ်စုဖွဲ သင်ကြား နည်းစတာတွေကို သင်ကြားပေးနေတယ်လို့ သိရပါတယ်။
ဘုန်းတော်ကြီးသင်ပညာကျောင်းက ဆရာ၊ဆရာမတွေကို သင်တန်းပို့ ချပေးမှုကို (၂၀၁၇)ခုနှစ် မတ်လက စတင်သင်ကြားပေးခဲ့တာဖြစ်ပြီး သင်တန်းကာလ(၆)လကြာမြင့်မှာ ဖြစ်ပါတယ်။ဆရာဆရာမတွေအနေနဲ့လည်း အခုလိုလာရောက်သင်ကြားပေးတာဟာ အရင်က ထက်စာရင် သင်ကြားရေးအပိုင်းမှာ ပိုကောင်းလာတယ်လို့ ပြောပါတယ်။သင်ကြားရေးဆိုင်ရာအရည်အသွေးမြှင့်သင်တန်း(EfECT)ကို တက်ရောက်ပြီးတဲ့ ဆရာ၊ဆရာမတွေအနေနဲ့ နောက်ပိုင်းမှာလည်း အခြားရပ်ရွာဒေသတွေနဲ့ကျေးရွာတွေကို သွားရောက်ပြီး သင်တန်းပို့ချမှုတွေ ပြုလုပ်ပေးသွားဖို့ အစီအစဉ်ရှိတယ်လို့သိရပါတယ်။
