အဖွားအိုရထားတိုက်ခံရမည့်ဘေးမှ အသက်စွန့်ကယ်တင်ခဲ့သူ ခြေတစ်ဖက်ပြတ်ခဲ့ရ
10 Jul 2017 1,492 Views
တရုပ်နိုင်ငံ ချောင်ကွင်းမြို့အနီး ရထားတစ်စီးမောင်းနှင်လာစဉ် အမျိုးသမီးကြီးတစ်ဦးက ရထားလာနေသည်ကို မမြင်ပဲ ရထားလမ်းကူးရန် ကြိုးစားနေစဉ် ရထားမောင်းသူမှ အလျှင်အမြန် ကယ်တင်ခဲ့သဖြင့် အသက်ချမ်းသာခဲ့သော်လည်း ရမောင်းသူမှာ ရထားကြိတ်ခံခဲ့ရသဖြင့် ခြေတစ်ဖက်ဆုံးရှုံးခဲ့ရသည်။
အလွန်ပင် လူမှုရေးအသိအပြည့်အဝရှိပြီး သူရဲကောင်းစိတ်ဓါတ်ရှိသူဟု ဆိုရလောက်သည်။ ရထားမောင်းသူ Xu Qiankai အသက် ၂၉ နှစ်မှာ ရထားမောင်းနှင်လာစဉ် အမျိုးသမီးကြီးတစ်ဦး လမ်းဖြတ်ကူးနေတာကို လှမ်းတွေ့ခဲ့ပြီး အရေးပေါ်ဘရိတ်ဆွဲကာ ဟွန်းသံပေးခဲ့သည်။ သို့သော် အမျိုးသမီးကြီးမှာ ရထားလမ်းပေါ်မှ ဆင်းရှောင်ရမည့်အစား ကြက်သေ သေကာ ရထားလမ်းပေါ်တွင် တောင့်တောင့်ကြီး ရပ်နေခဲ့သည်။
သူဆင်မကယ်ရင် အမျိုးသမီးကြီး ရထားကြိတ်ခံရတော့မည်ကိုသိသော Xu က ရထားတွဲပေါ်မှ ခုန်ဆင်းကာ ရထားထက်မြန်အောင် ပြေးရင်း အမျိုးသမီးကြီးကို ရထားလမ်းပေါ်မှ ဆွဲချကယ်နိုင်ခဲ့သည်။ ဒါပေမယ့် သူ၏နောက်မှ ကပ်လျက်ပါလာသော ရထားကြောင့် သူ၏ခြေထောက်တစ်ဖက် မလွတ်တော့ပဲ ကြိတ်ခံခဲ့ရသည်။
