ထီလေးကြိမ်ပေါက်ဖူးတဲ့ သားလေး သိဒ္ဓိစစ်အတွက် အလှူပြန်လုပ်ပေးဖြစ်တဲ့ မယ်လိုဒီ

20 Jun 2017 1,447 Views

ရုပ်ရှင်ကားတွေ ပြန်ရိုက်နေတဲ့ သရုပ်ဆောင် မယ်လိုဒီ ဟာ ရုပ်ရှင်ဇာတ်ကားကြီးဖြစ်တဲ့ မာယာများတဲ့ အချစ်ဇာတ်ကားကို နေပြည်တော်မှာသွားရောက်ရိုက်ကူးခဲ့ ပါတယ် ။ ဇာတ်ကားရိုက်ဖြစ်ပုံကိုလည်း “ဒီဇာတ်ကားရိုက်ဖို့ ပြင်ဆင်ထားတာကြာပြီ အကြောင်းအမျိုးမျိုးကြောင့် ဇာတ်လမ်းအပြောင်းအလဲတွေကြောင့် နည်းနည်းကြာသွားခဲ့ တာ ။ ဒီဇာတ်ကားရိုက်ရတာ ပျော်တယ် ရိုက်လို့ ပြီးသွားပေမယ့် တဖွဲ့လုံးကို လွမ်းပြီးကျန်ခဲ့တယ် ။ နေပြည်တော်မှာရိုက်ပေမယ့် သားကိုခွဲရမှာ ဆိုးလို့ သားကိုပါတခါထဲခေါ်သွားတယ် ။ မိသားစုကို ကြည့်ရင်လဲ စိတ်ချမ်းသာတယ် အလုပ်ဘက်ကို ကြည့်ရင်လဲ စိတ်ချမ်းသာတယ်” လို့ ပြောသွားခဲ့ ပါတယ် ။

အသက် ၂ နှစ်ရှိပြီ ဖြစ်တဲ့ သားလေး သိဒ္ဓိစစ် ကလဲ ငါးသောင်းဆု ထီလေးကြိမ်ပေါက်ဖူးတယ်လို့ ပြောထားပါတယ်။ ထီပေါက်တာလဲ လေးကြိမ်ရှိပြီ သူတစ်ခါပေါက်ရင် ကိုယ်က ပိုက်ဆံ စိုက်ပြီး အလှူလေးလုပ်လိုက်တယ် ။ သူံရဲ့ ကုသိုလ်ကံပေါ့ ။ သားလေး မွေးနေ့လက်ဆောင်ရတဲ့ ပစ္စည်းတွေကိုလည်း မိဘမဲ့ကျောင်းက ကလေးတွေကို ပြန်လှူပေးဖြစ်တယ် ။ သူ အတိတ်က ကုသိုလ်ကံပေါ့ ဆိုပြီးလဲ ပြောထားပါသေးတယ် ။

ဇာတ်ကားတွေ ပြန်ရိုက်လာခဲ့ ပေမယ့် ကိုယ့် အနေနဲ့ အခုအချိန်မှာတော့ ဟိုလိုလုပ်ချင်တယ် ဒီလိုလုပ်ချင်တယ် ဆိုပြီး ရွေးချယ်တာထက် ကိုယ့်ကို လာကမ်းလှမ်းတဲ့ ဇာတ်မှာ အကောင်းဆုံးကြိုးစားသရုပ်ဆောင်ဖို့က နံပါတ်တစ်ပါ လို့ ပြောသွားခဲ့ ပါတယ် ။