စင်ကာပူနိုင်ငံတွင် ၁၈ထပ်အမြင့်မှ ခုန်ချကာအဆုံးစီရင်ခဲ့သူ၏ နောက်ဆုံးစကားပြောခဲ့သည့် ဗီဒီယို
13 Jun 2017 2,044 Views
စင်ကာပူနိုင်ငံတွင် ဇွန်လ ၁၂ ရက်နေ့ ညပိုင်းက အိမ်အကူမြန်မာအမျိုးသမီးငယ်တစ်ဦး ၁၈ လွှာအမြင့်မှ ခုန်ချကာ အဆုံးစီရင်သွားခဲ့သည်။
အဆိုပါ မြန်မာမလေးမှာ အဆုံမစီရင်မီ တိုက်ဝရန်တာ၏ အစွန်အဖျားမှာ ညနေ ၅ နာရီခွဲခန့်ကထဲက တစ်ဦးတည်း ထွက်ထိုင်နေခဲ့ခြင်းဖြစ်သည်။ သူမကို တွေ့ရှိသူက တိုက်ပေါ်က ခုန်ချနိုင်သည်ဟု ယူဆသည့်အလျှောက် သူမအား ဖြောင်းဖျပေးနိုင်မည့် မြန်မာတစ်ဦးအား ခေါ်ပေမည်ဟု ပြောဆိုခဲ့သော်လည်း သူမက အခင်ဆုံးသူငယ်ချင်းဖြစ်သည့် အခြားအိမ်အကူ အင်ဒိုနီးရှားမလေးနှင့်သာ စကားပြောလိုကြောင်း တောင်းဆိုခဲ့သဖြင့် အင်ဒိုနီးရှားမလေးကို ခေါ်ယူကာစကားပြောဆိုစေခဲ့သည်။
ဗီဒီယိုဖိုင်တွင် ပါရှိသော အသံများအရ ဗီဒီယိုရိုက်ကူးနေသော အမျိုးသားက မြန်မာမာလေးအား ရေတိုက်ရန်၊ ဂရုစိုက်ရန် ပြောကြားခဲ့သည်။ ထိုနောက် အင်ဒိုနီးရှားမလေးက ရောက်တတ်ရာရာ စကားများလျှောက်ပြောပေးရာ နင်တို့နိုင်ငံမှာ ရာသီဥတုက ဘယ်လိုလဲ၊ နှင်းရောကျလား စသည်ဖြင့်တို့ကို မိနစ် ၉၀ ကြာအောင် ပြောဆိုခဲ့ကြသည်။
အခြေအနေကောင်းလာပြီး သူမတိုက်ပေါ်သို့ ပြန်တက်လာမည်ဟု မျှော်လင့်နေချိန်တွင် ရုတ်တရက် တိုက်ပေါ်မှ ခြေကန်ကာခုန်ချသွားခဲ့ခြင်းဖြစ်သည်။ သူမ ခုန်ချခဲ့ရာ တိုက်သည် ရိုးရိုးသာမန်တိုက်များကဲ့သို့ ရှင်းရှင်းလင်းလင်း ဆောက်ထားသည့် ပုံစံမဟုတ်ပဲ တိုက်တစ်ခုပေါ်ကို နောက်ထပ်တိုက်တစ်ခုက ကန့်လန့်ဖြတ် စက္ကူဗူးများထပ်ထားသည့်သဖွယ် ဆောက်လုပ်ထားခြင်းဖြစ်ပြီး ၂၀၁၅ ခုနှစ်ကမ္ဘာအကောင်းဆုံး ဗိသုကာဆုကို ရရှိခဲ့သည့် ဒီဇိုင်းဖြစ်သည်။ ထို့ကြောင့် သူမခုန်ချနိုင်မည်ဟု ခန့်မှန်းကာ လေမွေ့ယာများချထားခဲ့သော်လည်း သူမ၏ အသက်ကို မက်တင်နိုင်ပဲ သေဆုံးခဲ့ရသည်။
ဘာသာ၊ လူမျိုး၊ ယဉ်ကျေးမှုမတူသော နိုင်ငံရပ်ခြားတွင် ဘာသာစကားကိုလည်း လည်ပတ်စွာမပြောဆိုတတ်သည့် အိမ်အကူမိန်းကလေးများအဖို့ နှိပ့်ချဆက်ဆံခံရမှုများနှင့် အပေးအယူအထာ နားမလည်မှုများကြောင့် စိတ်ပိုင်းဆိုင်ရာ ထိခိုက်မှုများ ရှိနေကြဆဲဖြစ်သည်။
ယင်းကဲ့သို့သော ဖြစ်စဉ်များကို ကာကွယ်နိုင်ရန် စင်ကာပူနိုင်ငံရှိ မြန်မာအိမ်အကူများ ပြဿနာတစ်စုံတစ်ရာ ဖြစ်ခဲ့ပါက”HOME” အဖွဲ့အစည်းကို ဆက်သွယ်အကူညီတောင်းနိုင်ကြောင်း သိရှိရသည်။
တိုက်ပေါ်မှ ခုန်ချခဲ့သော မိန်းကလေး၏ အကြောင်းအရာအပြည့်အစုံကို ဆက်လက်စုံစမ်းမှုများ ပြုလုပ်လျှက်ရှိသည်။
