ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်တွင် ပြည်မြို့နယ်ရွေးကောက်ပွဲကော်မရှင်အဖွဲ့ခွဲမှ ဦးစီးအရာရှိတစ်ဦးအား ဇနီးဖြစ်သူမှ သူမ၏သမီးအရင်းနှင့် ဖောက်ပြန်နေသည့်အတွက် ရွှေတောင်ရဲစခန်း၌လာရောက် အမှုဖွင့်ထားကြောင်းသိရသည်။

 

ဖြစ်စဉ်မှာ ရွှေတောင်မြို့၊သရက်တောရပ်ကွက်၊ အောင်မြေသာနယ်မြေ၊ ဝန်ထမ်းအိမ်ယာခွဲမှူး အရာရှိ လိုင်ခန်းနေထိုင်သူ ဒေါ်မာလာရီ (၅၄)နှစ်သည် ပထမခင်ပွန်း ဦးဝင်းသိန်းနှင့် သမီးတစ်ဦးထွန်းကားခဲ့ပြီးနောက် ၂၀၁၀ ခုနှစ်တွင် တရားဝင်ကွာရှင်းခဲ့ပြီး ပြည်မြို့နယ် ရွေးကောက်ပွဲကော်မရှင်အဖွဲ့ခွဲမှ ဦးစီးအရာရှိဖြစ်သူ ဦးသန်းဆင့်(၆၀)နှစ်နှင့် လွန်ခဲ့သော (၇)နှစ်ခန့်က ဒုတိယအိမ်ထောင်အဖြစ် ပေါင်းသင်းကာ သမီးဖြစ်သူနှင့်တစ်ကွ ရွှေတောင်မြို့ချည်မျှင်စက်ရုံ ၊အရာရှိ အိမ်ယာလိုင်းခန်းတွင်  အတူနေထိုင်ခဲ့ကြသည်။

 

ထိုကဲ့သို့ အတူနေထိုင်ကြရင်း ဧပြီလ (၆)ရက်နေ့ မွန်းလွဲ ၁ နာရီ ၃၀ မိနစ်အချိန်တွင် ခင်ပွန်းဖြစ်သူ ဦးသန်းဆင့်နှင့် သမီးဖြစ်သူ မ------ (၂၂)နှစ် တို့ကို နေအိမ် အိပ်ခန်းအတွင်း အဝတ်အစားမပါပဲ အတူတူဖောက်ပြန်နေကြသည်ကို ကိုယ်တိုင်မြင်တွေ့ခဲ့ရသဖြင့်  ဧပြီ(၇)ရက်နေ့ နေ့လည် ၂ နာရီ ၂၀ မိနစ်အချိန်ခန့်တွင် ရွှေတောင်မြို့မရဲစခန်းသို့လာရောက်ကာ ဒေါ်မာလာရီမှ တရားလိုပြု တိုင်တန်းခဲ့ခြင်းဖြစ်ကြောင်း ရဲတပ်ဖွဲ့မှသိရသည်။

 

မိခင်ဖြစ်သူ ဒေါ်မာလာရီမှ တရားလိုပြုလုပ်တိုင်တန်းချက်အရ ပြည်မြို့နယ် ရွေးကောက်ပွဲကော်မရှင်အဖွဲ့ခွဲမှ ဦးစီးအရာရှိဖြစ်သူ ဦးသန်းဆင့်အား ရွှေတောင်မြို့မရဲစခန်း(ပ)၅၆၀/၁၇၊ တစ်လင်တစ်မယားကျင့်သုံး

ခြင်းဆိုရာဥပဒေပုဒ်မ-၁၃ ဖြင့် အမှုဖွင့်ထားပြီး အမှုအားဒုရဲအုပ် ဇော်သန်းထိုက် မှ စစ်ဆေးလျက်ရှိကြောင်း သတင်းရရှိသည်။

 

Source:ပြည့်သဲမောင်(ပြည်)