ထိုင်းနိုင်ငံ အိမ်သာကျွင်းထဲက နောက်ထပ် မြွေတကောင်

07 Jun 2016 1,571 Views

ထိုင်းနိုင်ငံမှာ (၁၁) ပေကျော်ရှည်တဲ့ စပါးကြီးမြွေက အိမ်သာတက်နေတဲ့ အမျိုးသားကို ကိုက်လိုက်ပြီးတော့ နှစ်ပတ်လောက်အကြာမှာပဲ အဆိပ်ရှိတဲ့ မြွေတစ်ကောင်ကို အိမ်သာထဲမှာ ထပ်တွေ့ရပြန်ပါတယ်။

ဒီတစ်ခေါက်မှာတော့ ပထန်ဌာနီက နေအိမ်တစ်ခုရဲ့ အိမ်သာထဲမှာ အရှည်(၃)ပေကျော်တဲ့ မြွေပွေးတစ်ကောင်ကို အိမ်သာခန်းထဲအဝင်မှာ သတိထား မိသွားတာကြောင့် လူကိုမကိုက်ခင် ဖမ်းမိ လိုက်နိုင်တယ်လို့ သိရပါတယ်။

Po Teck Toeng Foundation က ကူညီ ကယ်ဆယ်ရေးအဖွဲ့ဝင်တွေဆီကို ည (၁၀)နာရီ မိနစ်(၄၀)ခန့်မှာ အသက် (၂၇)နှစ်အရွယ် Mr Polapat Laokamnerdpetch က အိမ်သာ ထဲမှာ မြွေတွေ့ရတဲ့အကြောင်း ဖုန်းဆက် အကြောင်းကြားခဲ့တာလို့ သိရပါတယ်။

ကယ်ဆယ်ရေးအဖွဲ့တွေ ရောက်သွားချိန်မှာ မြွေက အိမ်သာထဲပျောက်သွားတာကြောင့် အိမ်သာအိုးထဲကို အင်းဆက်သတ်ဆေးတွေ လောင်းထည့်ခဲ့ရတယ်လို့ သိရပါတယ်။

မြွေကိုဖမ်းနိုင်ဖို့ နာရီဝက်လောက် အချိန်ယူခဲ့ရပြီး၊ ဖမ်းဆီးရမိတဲ့ မြွေကြီးကို ထိုင်းကြက်ခြေနီအဖွဲ့ရဲ့ မြွေခြံထဲကို ပို့ပေးလိုက်တယ်လို့ သိရပါတယ်။

အိမ်သာအိုးထဲကို မြွေဝင်လာရတာက ရေဆိုးထုတ်ပိုက်ဘက်မှာ ဇကာလိုမျိုး တပ်မထားတာကြောင့် ဝင်လာနိုင်တာလို့ သိရပါတယ်။

ပြီးခဲ့တဲ့ တစ်ပတ်ကတော့ ထိုင်းနိုင်ငံက အသက် (၃၈)နှစ်အရွယ် အမျိုးသားတစ်ဦး အိမ်သာ တက်ရင်း အိမ်သာအိုးထဲ ဝင်နေတဲ့ စပါးကြီးမြွေက ကိုက်လိုက်တာကြောင့် နိုင်ငံတကာ သတင်းတွေမှာ ခေါင်းစီး သတင်းတွေအဖြစ် တက်လာခဲ့ပါသေးတယ်။