ရွှေဆိုင်ဓါးပြ လူသတ်သမားဟာ စစ်မှူထမ်းဟောင်း ဖြစ်နိုင်ချေရှိ
13 Jan 2020 1,537 Views
လူ ၃ ဦး သေဆုံးပြီး ၄ ဦး ဒဏ်ရာရှိခဲ့သည့် ထိုင်းနိုင်ငံ ရော်ဘန်စင်ကုန်တိုက် ရွှေဆိုင်ဓါးပြတိုက်မှုမှ လူသတ်သမားဟာ စစ်မှုထမ်းဟောင်းဖြစ်နိုင်ကြောင်း ယူဆချက်နဲ့အတူ စုံစမ်းစစ်ဆေးရေးအဖွဲ့မှ ပစ်မှတ်ထား စုံစမ်းနေကြောင်း ဘန်ကောက်ပို့စ်သတင်းတွင် ဖော်ပြထားသည်။
အမည်မဖော်လိုတဲ့ သတင်းရင်းမြစ်အရ အဆိုပါအမှုအတွက် စုံစမ်းစစ်ဆေးရေးအဖွဲနဲ့ အရေးပေါ်အစည်းအဝေး ပြုလုပ်ရန် ရဲချုပ်ကြီး ချက်သစ်ပ် ချိုင်ဂျင်ဒါ က လော့ဘူရီသို့ တနင်္ဂနွေနေ့က ထွက်ခွာသွားကြောင်း သိရသည်။
နောက်ထပ်သတင်းရင်းမြစ်တစ်ခုအရ ရဲတွေဟာ အသက် ၃၅ နဲ့ ၄၀ ကြား အရပ် ၅’ ၄” ကနေ ၅’ ၅“ ရှိပြီး သေနတ်အပိုင်အတွယ် ကျွမ်းကျင်သူ အမျိုးသားကို ထောက်လှမ်းရှာဖွေနေကြောင်း သိရသည်။
မီဒီယာများနဲ့ အင်တာဗျူးမှာ ဒုရဲချုပ် ပိုလ်ဂန် ဆူချတ် တီရာဆာဝပ် က လော့ဘူရီခရိင်အတွင်း လိုင်စင်နဲ့သေနတ်ကိုင်ဆောင်သူများကို စစ်ဆေးသွားမည်ဖြစ်ပြီး လူသတ်တရားခံကို ရှာတွေ့နိုင်မယ်လို့ မျှော်လင့်ကြောင်း ပြောကြားခဲ့ပါတယ်။ အဆိုပါခရိုင်မှာ လိုင်စင်နဲ့ သေနတ်ကိုင်ဆောင်သူ ၃၀၀ ဝန်းကျင်ရှိကြောင်း သိရသည်။
ဓါးပြဟာ စုစုပေါင်း သေနတ် ၁၃ ချက် ပစ်ဖောက်ခဲ့ကြောင်း စစ်ဆေးတွေ့ရှိခဲ့ပြီး သေနတ်ကို ယု့ကြည်ချက်ရှိရှိ ကျင်လည်စွာ ပစ်ခတ်တတ်သူဖြစ်တာကိုလည်း တွေ့ခဲ့ရပါတယ်။
အမှုကို ရှာဖွေဖော်ထုတ်နိုင်ရန် ရဲအင်အားကို တိုးမြှင့်ချထားပြီး အချို့သော ဆွေးနွေးမှုတွေကိုတော့ အသေးစိတ် မသိရှိရပါ။ တရားခံဟာ သေနတ်ပစ် အားကစား အခြေခံရှိထားသူလည်း ဖြစ်နိုင်ကြောင်း ဒုရဲချုပ်က ပြောကြားခဲ့သည်။ ဒါ့အပြင် အခင်းဖြစ်တဲ့အချိန်က ဓါးပြကဲ့သို့ ဝတ်ထားဆင်ယင်သူ မည်သူမဆို နစ်နာဆုံးရှုံးခဲ့သူတွေရဲ့ စိတ်ပိုင်ဆိုင်ရာကို ထိခိုက်စေနိုင်ကြောင်း သတိပေးပြောဆိုခဲ့သည်။
ဓါးပြကိုင်ဆောင်ခဲ့သည့် သေနတ်၊ အသံတိတ် ဆိုင်လန်ဆာ တို့နဲ့ ပက်သက်ပြီး လက်နက်ကျွမ်းကျင်သူတွေနဲ့ ပူပေါင်းဆောင်ရွက်နေကြောင်း သိရသည်။
ဓါးပြတိုက်ခံခဲ့ရတဲ့ ‘မိုးသောက်ပန်း’ ရွှေဆိုင်ကတော့ ယနေ့မှာ ပုံမှန်အတိုင်း ပြန်လည်ဖွင့်လှစ်နေပြီး အခင်ဖြစ်ပွားခဲ့တဲ့နေရာမှာပဲ အစောင့်အကြပ်လုံခြုံရေးတွေ ချထားတာကို တွေ့ရပါတယ်။ ဓါးပြတိုက်ခံရမှုကြောင့် ဘတ် ၆၃၅,၀၀၀ တန်ဖိုးရှိ ရွှေနဲ့ လက်ဝတ်ရတနာများ ဆုံးရှုံးခဲ့ကြောင်း သိရသည်။
