သူမရဲ့အပျော်တွေကို ပရိသတ်ကြီးဆီ ဝေမျှလိုက်တဲ့ နန်းမြတ်ဖြိုးသင်း

26 Sep 2018 1,525 Views

အဆိုတော်သရုပ်ဆောင် နန်းမြတ်ဖြိုးသင်းကတော့ အနုပညာနယ်ပယ်မှာ နေရာတစ်နေရာကို ရရှိထားသူလေးဖြစ်ပြီး ပရိသတ်တွေအားပေးချစ်ခင်ရတဲ့သူလေးတစ်ယောက်လဲဖြစ်ပါတယ်။ ခင်ပွန်းသည်နဲ့အတူ သာယာအေးချမ်းတဲ့ အိမ်ထောင်ရေးတစ်ခုကိုပုံဖော်နေတဲ့ နန်းမြတ်ဟာဆိုရင် လက်ရှိမှာအရမ်းကိုပျော်ရွှင်နေပြီး သူမရဲ့အပျော်တွေကိုလဲ ပရိသတ်ကြီးဆီမျှဝေလိုက်ပါတယ်။

နန်းမြတ်အရမ်းကို ပျော်ရွှင်နေရတဲ့အကြောင်းကတော့ သူမဟာ ရင်သွေးလေးလွယ်ထားရပြီဖြစ်တဲ့အတွက်ကြောင့်ဖြစ်ပါတယ်။ သူမကိုယ်တိုင်ဒီသတင်းကို သိသိချင်းမှာ အရမ်းကိုပျော်ခဲ့ရွှင်ခဲ့တဲ့အတွက် သူမရဲ့အပျော်တွေကိုလည်း ပရိသတ်ကြီးဆီမျှဝေလိုက်တာဖြစ်ပါတယ်။ နန်းမြတ်ဖြိုးသင်းတစ်ယောက် ကိုယ်ဝန်လွယ်ထားရပြီဆိုတဲ့ သတင်းကြောင့် မိတ်ဆွေသူငယ်ချင်းတွေနဲ့ ပရိသတ်တွေကပါ ၀မ်းမြောက်ဝမ်းသာဖြစ်လို့နေကြပါတယ်။

“နောက်ထပ်အချစ်တစ်ခုကတော့ ကျွန်မဘ၀ထဲကို ၀င်ရောက်လာပါပြီ။ ဒါကိုမြင်လိုက်ရတဲ့အချိန်မှာ ဖြစ်ပေါ်လာတဲ့ခံစားချက်ကလဲ ပြောမပြတတ်အောင်ပါပဲ။ အဲ့တာကြောင့် ကျွန်မရဲ့အပျော်တွေကို အားလုံးနဲ့အတူဝေမျှဖို့ ဆုံးဖြတ်လိုက်တယ်။

Another love is coming into my life
I can’t even express my feelings when i see this
So I’ve decided to share my happiness with you all” ဆိုကာ သူမရင်သွေးလေးရနေပြီဖြစ်ကြောင်းကို ရေးသားမျှဝေထားတာဖြစ်ပါတယ်။ ထိုပို့စ်လေးရဲ့အောက်မှာတော့ ချစ်သူ၊ ခင်သူ အနုပညာညီအစ်ကို မောင်နှမတွေအပြင် ပရိသတ်တွေကလဲ ၀မ်းမြောက်ဂုဏ်ယူကြောင်း ဝေေ၀ဆာဆာ ကောမန့်ပေးထားကြပါသေးတယ်။

နန်းမြတ်ကတော့ မိခင်တစ်ယောက်ဖြစ်တော့မယ်ဆိုတော့ အရမ်းကိုပျော်ရွှင်နေပုံပါပဲနော်။ နန်းမြတ်ဖြိုးသင်းဟာ သူမရဲ့ခင်ပွန်းနဲ့အတူ ၂၀၁၇ ခုနှစ်၊ နိုဝင်ဘာလ (၉) ရက်နေ့က မင်္ဂလာလက်မှတ်ရေးထိုးခဲ့ကြတာဖြစ်ပြီး နိုဝင်ဘာ (၁၈) ရက်နေ့မှာတော့ ဆီဒိုးနားဟိုတယ်မှာ မင်္ဂလာဧည့်ခံပွဲကို ကျင်းပပြုလုပ်ခဲ့တာဖြစ်ပါတယ်။ မကြာခင်မှာအချိန်အတွင်းမှာလည်း သူတို့ရဲ့ဘ၀လေးထဲကို မိသားစုဝင်သစ်တစ်ယောက်ရောက်ရှိလာတော့မှာပဲ ဖြစ်ပါတယ်။