“သီလရှင်ဝတ်ကြီးနဲ့ရုပ်ရှင်ရိုက်ရင် ငရဲကြီးတယ်”ဆိုတဲ့ ဝေဖန်မှုအပေါ်ပြန်လည်ဖြေရှင်းလိုက်တဲ့ စိုးပြည့်သဇင်
26 Jul 2018 1,821 Views
ချစ်စရာကောင်းတဲ့ မင်းသမီးချောလေး စိုးပြည့်သဇင်ဟာ ဒါရိုက်တာ ပန်းချီစိုးမိုး ပြန်လည်ရိုက်ကူးနေတဲ့ စာရေးဆရာကြီး တင့်တယ်ရဲ့ဝတ္ထုဖြစ်တဲ့ “ကမ္မဖလ” ရုပ်ရှင်ဇာတ်ကားကြီးထဲမှာ ပါဝင်သရုပ်ဆောင်လျက်ရှိကာ သီလရှင်ဝတ်ရတဲ့ ဇာတ်ဝင်ခန်းအတွက် ဆံချပြီး ကတုံးတုံးကာ သီလရှင်ဝတ်ခဲ့ပါတယ်။ ထိုကိစ္စနဲ့ပတ်သက်ပြီး စိုးပြည့်ကို လေးစားဂုဏ်ယူပြီး သာဓုခေါ်ကြတဲ့သူတွေရှိကြသလို၊ သီလရှင်ဝတ်ကြီးနဲ့ရုပ်ရှင်ရိုက်တာ ငရဲကြီးတယ်ဆိုပြီး ဝေဖန်ကြတဲ့သူတွေလည်း ရှိခဲ့ပါတယ်။
အဲ့ဒီ့အချိန်က သူမဟာ အမှန်တကယ် ဘုရားသမီးတော်အဖြစ်ခံယူခဲ့တာမဟုတ်ပဲ ရုပ်ရှင်ရိုက်ကူးတဲ့အခါ ဇာတ်ရုပ်ပီပြင်ဖို့အတွက် ကတုံးတုံးပြီး ဆံချခဲ့ခြင်းသာဖြစ်ပြီး ဇူလိုင်လ (၂၉)ရက်နေ့မှာတော့ အမှန်တကယ် သီလရှင်ဝတ်မှာပါဆိုပြီး ဝေဖန်နေကြတဲ့သူတွေကို သူမရဲ့လူမှုကွန်ယက်ကနေ ပြန်လည်ဖြေရှင်းခဲ့ပါတယ်...
“ဒီနေ့ကမ္မဖလဇာတ်ဝင်ခန်းကိုအပြီးသတ်ရိုက်ကူးပါတယ်....သီလရှင်ကျောင်းမှာ ဆရာလေးတို့ကကိုယ်တိုင်ဆံချပေးခဲ့ပါတယ်....ဇာတ်ဝင်ခန်းရိုက်နေတုန်းမို့ဆရာလေးတော့မဖြစ်သေးပါဘူး....ဘဝမှာမှတ်မှတ်ရရလေးပေါ့..တကယ်ဆံချပြီးရိုက်ခဲ့ရတာတော့ရင်ထဲမှာအမှတ်ရနေမှာပါ။ ဒါလေးကဇာတ်ဝင်ခန်းအတွက်ပါ….သီလရှင်တကယ်ဝတ်မှာက၂၉ရက်နေ့မှပါနော်.. ဒီနေ့ကတကယ်ဆံချပြီးကားရိုက်တာပါ.... သီလရှင်ဝတ်ကြီးနဲ့ကားရိုက်ရင်ငရဲတွေကြီးကုန်မှာပေါ့.... ဗုဒ္ဓဘာသာဝင်တယောက်အနေနဲ့သိပါတယ်ရှင့်.. မနက်ဖြန်ဆိုလည်းမန္တလေးကိုအလုပ်နဲ့ခရီးထွက်ဦးမှာ... လက်ခံထားတဲ့အလုပ်တွေအားလုံးလက်စသပ်ပြီးမှ... သီလရှင်အစစ်ဝတ်မှာပါလို့... နားလည်မှုလွဲနေမှာစိုးလို့ စိုးပြည့်ရှင်းပြပေးတာပါရှင့်...ရုပ်ရှင်ရိုက်နေတာပါ....အားလုံးကိုကျေးဇူးတင်ပါတယ်...” ဆိုပြီး ဝေဖန်နားလည်မှုလွဲနေကြတဲ့အပေါ် ပြန်လည်ဖြေရှင်းခဲ့တာဖြစ်ပါတယ်။
သူမဘ၀မှာ ပထမဆုံးအကြိမ်အဖြစ် မယ်သီလရှင်ဝတ်မှာဖြစ်ပြီး တကယ်ဝတ်တဲ့နေ့ကျရင်တော့ ဆရာလေးပုံတွေထပ်မတင်တော့ပါဘူးဆိုပြီးလည်း သူမရဲ့ပရိသတ်တွေကို ပြောထားပါသေးတယ်... ဘယ်လိုပင်ဖြစ်ဖြစ် စိုးပြည့်ရဲ့ အနုပညာအပေါ်တန်ဖိုးထားတဲ့စိတ်၊ ချစ်တဲ့စိတ်တွေကတော့ တကယ်ကိုလေးစားလောက်စရာပါပဲနော်…
