The Voice Myanmar ရဲ့ ပထမဆုံးအစီစဉ် ဘာတွေထူးခြားလဲ..?
18 Feb 2018 1,457 Views
The Voice Myanmar ရဲ့ ပထမဆုံးအပိုင်း ထုတ်လွှင့်မှုမှာအစမှာထဲက ပရိသတ်တွေအနေနဲ့ ဘယ်သီချင်းဆိုပြိုင်ပွဲနဲ့မှ မတူတဲ့ အရသာကို ထူးထူးခြားခြား မြည်းစမ်းခံစားလိုက်ရပါတယ်။
အစီစဉ် စ,စချင်းမှာပဲ The Voice Myanmar ရဲ့ နည်းပြများဖြစ်ကြတဲ့ ကျားပေါက်၊ လင်းလင်း၊ နီနီခင်ဇော်နဲ့ ရန်ရန်ချန်းတို့ လေးဦးစလုံး ကိုယ်ပိုင်သီချင်းတစ်ပုဒ်စီကို အတူတူ Non-stop ဖျော်ဖြေခဲ့ချိန်မှာ လင်းလင်းက ဂီတာတီးခတ်ပြီး ကျားပေါက်က ဒရမ်မာအဖြစ် ပံပိုးပေးခဲ့ပါတယ်။
Super Red နဲ့ နီနီခင်ဇော်က စတင်ခဲ့ပြီး ရန်ရန်ချန်းရဲ့ ရက်ပ်စာသားတွေ ဝင်ချိန်မှာတော့ ကြက်သီးများတောင်ထခဲ့ရပါတယ်။ သံစဉ်တီးလုံး တစ်ဖြည်းဖြည်း အနှေးဘက်ကို ရောက်လာပြီး ဟော်လိုဂစ်တာကို ခပ်ကြမ်းကြမ်းလေး ကစားလိုက်တဲ့ ကိုလင်းလင်းရဲ့ သီချင်းအစမှာပဲ ပရိသတ်တွေကပါ လိုက်ပါစီးမျော သီဆိုကြပါတယ်။
ကျားပေါက်ရဲ့ အလှည့်မှာတော့ ဝမ်းတူးသရီး တိုင်ပင်ခေါ်ပြီး သူရဲ့ပုံစံအတိုင်း လျှပ်စစ်ဂစ်တာကို တီးခတ်လိုက်ချိန်မှာ ပရိသတ်အားလုံး မတ်တပ်ရပ်ကာ အတူတူသီချင်းဆိုရင်း အားပေးကြတာကို မြင်တွေ့ခဲ့ရပါတယ်။
မတူညီတဲ့ ဂီတအမျိုးအစားနယ်ပယ်မှာ အသီးသီးအောင်မြင်နေတဲ့ အနုပညာရှင် လေးဦးက ပရိသတ်နဲ့အတူ တစ်သားထဲ Non-Stop ဖျော်ဖြေမှုက The Voice Myanmar ရဲ့ နွေးထွေးခြင်း စုစည်းခြင်းတို့ကို ပြသလိုက်သလို ခံစားလိုက်ရပါတယ်။
ဒါပေမယ့် ထူးခြားတဲ့အသံပိုင်ရှင်ကို ရွေးချယ်တဲ့ Blind Audition အလှည့်မှာတော့ Coach တွေဟာ အနုပညာအသံအရည်အသွေးကို အကြားအာရုံတစ်ခုထဲနဲ့သာ စူးစိုက်နားထောင်ပြီး ဘယ်ပြိုင်ပွဲဝင်ကိုမှ မျက်နှာသာ မပေးပဲ တစ်သားထဲ ဆုံးဖြတ်ခဲ့ကြတာကိုလည်း ရင်ခုန်စိတ်လှုပ်ရှားစရာ တွေ့မြင်ခဲ့ရပြန်ပါတယ်။
နည်းပြလေးဦး Coach Chair ပေါ်မှာ နေရာယူပြီး တစ်ဖက်လှည့်သွားချိန်မှာ စင်နောက်က ရင်ခုန်မှုအပြည့်နဲ့ ပထမဦးဆုံး ယှဉ်ပြိုင်ဖို့ တက်လာသူကတော့ “ဘဝ” ဆိုတဲ့ လူငယ်လေးဖြစ်ပါတယ်။
ဒိုင်လေးဦးနေရာက ခံစားကြည့်မယ်ဆိုရင် အတော်လေး ရင်ခုန်စရာကောင်းပါတယ်။ သီချင်းတီးလုံးက လာနေပြီ ယှဉ်ပြိုင်မယ့်သူက အမျိုးသားလား၊ အမျိုးသမီးလား၊ ဖြူသလားမဲသလား၊ ရုပ်ရှည်ရော ဘယ်လိုရှိမလဲ လုံးဝမသိရသေးပါဘူး။
“ဘဝ” က ‘ကိုယ်စောင့်နတ်’ ဆိုတဲ့ သီချင်းနဲ့ သီဆိုယှဉ်ပြိုင်ခဲ့ပါတယ်။ လုံးဝထူးခြားတဲ့ သီဆိုဟန်ကြောင့် သီချင်းပထမအပိုဒ်မှာပဲ ခလုပ်နှိပ်ပြီး ပြိုင်ပွဲဝင်ဘက်ကို ပထမဦးဆုံး လှည့်လာသူက ‘ကျားပေါက်’ ဖြစ်ပါတယ်။
အဲဒီနောက်မှာ ‘နီနီခင်ဇော်’ က ထပ်မံလှည့်လာခဲ့ပြန်ပါတယ်။ သီချင်းက ပြီးဆုံးနေပါပြီ အဲဒီနောက်ဆုံးအချိန်လေးမှာပဲ အမိအရ ခလုပ်နှိပ်ပြီး လှည့်လာသူက ‘ရန်ရန်ချန်း’ ဖြစ်ပါတယ်။
နည်းပြ သုံးယောက်က ပြိုင်ပွဲဝင် “ဘဝ” ကို သူတို့ရဲ့ အဖွဲ့ထဲရောက်အောင် ဘယ်လိုတွေလုကြမလဲ.. “ဘဝ” ကရော ‘ကျားပေါက်’ ‘နီနီခင်ဇော်’ ‘ရန်ရန်ချမ်း’ တို့ သုံးယောက်ထဲက ဘယ်တစ်ယောက်ဆီကို သွားမလဲ ဆိုတာ မကြည့်ရသေးသူတွေ ရင်ခုန်စေချင်လို့ ပြောမပြတော့ဘူးနော်..။
The Voice Myanmar ရဲ့ ပထမဦးဆုံး သီဆိုယှဉ်ပြိုင်တဲ့နေ့မှာ ပြိုင်ပွဲဝင် ၉ ဦး ပါဝင်ယှဉ်ပြိုင်ခဲ့ကြပါတယ်။ ဘယ်ပြိုင်ပွဲဝင်တွေက ရွေးချယ်ခံရပြီး ဘယ်သူတွေက ပထမဆုံးနေ့မှာပဲ အိမ်ပြန်သွားရမလဲ..? နည်းပြတွေကရော သူတို့သဘောကျတဲ့ ပြိုင်ပွဲဝင်တွေကို အပြိုင်အဆိုင် ဘယ်လိုလုကြမလဲဆိုတာ တစ်ကယ် ရင်ခုန်စရာကောင်းပါတယ်။
ဒုတိယမြောက် ပြိုင်ပွဲဝင် Christina BLY ဖြစ်ပါတယ်၊ ငယ်စဉ်ထဲက International School တက်ခဲ့တဲ့သူမ အတန်းကြီးလာတဲ့အချိန် မိသားစုစီးပွားရေးကြောင့် ပညာရေး တစ်ပိုင်းတစ်စနဲ့ ကျောင်းထွက်ခဲ့ရသူပါ။
သူမရဲ့ အိမ်မက်က The Voice Myanmar ကနေ Winner ဖြစ်ခဲ့ရင် ပညာရေးအသက်ဆက်နိုင်မယ်လို့ မျှော်လင့်ထားပါတယ်။ Blind Audition မှာ “Wrecking Ball” ဆိုတဲ့ သီချင်းနဲ့ ယှဉ်ပြိုင်ခဲ့ပါတယ်။
Christina BLY ရဲ့ အိမ်မက်တွေ တစ်ကယ်ဖြစ်လာပါ့မလား..?
ပြိုင်ပွဲဝင် “စော့စော့” က ‘ချစ်ဦးမေ’ သီချင်းနဲ့ ယှဉ်ပြိုင်အပြီး စင်ပေါ်ထိတက်လာပြီး တစ်ခါပြန်ဆိုခိုင်းတဲ့ လင်းလင်းရဲ့ အစာအကြေမှုက ဘာများပါလိမ့်..?
သီချင်းဆိုပြိုင်ပွဲတွေဝင်ခဲ့ဖူးတဲ့ “စန္ဒီ” က ယခင်အတွေ့အကြုံတွေပေါ်မှာ သင်ယူရင်း “Mama Oo” သီချင်းနဲ့ ပြိုင်ပွဲဝင်ခဲ့ပါတယ်။ သူမကရော Coach တွေရဲ့ စိတ်ကြိုက်ဖြစ်ပါ့မလား..?
ဟိုးအဝေ:ကြီး ဖားကန့်မြို့ကနေ The Voice Myanmar ကို အရောက်လာခဲ့သူက “Andrew” ဖြစ်ပြီး ‘ဖြစ်တတ်ပါတယ်’ ဆိုတဲ့ သီချင်းနဲ့ ယှဉ်ပြိုင်ခဲ့ပါတယ်။ အနုပညာအရည်အသွေးကလွဲပြီး ဘာကိုမှ စိတ်မဝင်စားတဲ့ နည်းပြတွေက ဘယ်လို ဆုံးဖြတ်မှာလဲ..?
ဘယ်သီချင်းဆိုပြိုင်ပွဲကိုမှ မဝင်ဖြစ်ခဲ့ပေမယ့် နိုင်ငံတစ်ကာ The Voice အစီစဉ်တွေကို ယုံကြည်တာကြောင့် The Voice Myanmar ကို လာပြိုင်တာပါဆိုတဲ့ “Julia Htay” က ‘သီချင်းလက်ဆောင်’ နဲ့ ယှဉ်ပြိုင်ခဲ့ပါတယ် သူမ ကံကောင်းနိုင်ပါ့မလား..?
အဆိုတော်တစ်ယောက်ဖြစ်ဖို့ အိမ်မက်ရှိနေတဲ့ “ထူးအောင်ကို” က သူငယ်ချင်းတွေရဲ့ ယုံကြည်အားပေးမှုတွေနဲ့အတူ The Voice Myanmar စင်မြင့်ထက်မှာ “All By Myself” သီးချင်းနဲ့ ရဲရင့်ခဲ့ပေမယ့် Coach တွေရဲ့ အဆုံးဖြတ်ကသာ အရေးအကြီးဆုံးဖြစ်လို့ အဖြေကဘာဖြစ်လာမလဲ..?
သီချင်းဆိုတဲ့ အဖွဲ့လေးဖွဲ့ထားပြီး အတွေ့အကြုံရှိပေမယ့် စိတ်အရမ်းလှုပ်ရှားနေတယ်ဆိုတဲ့ “သက်နိုးဝေ” က ‘လွင့်နေပြီ’ ဆိုတဲ့ သီချင်းနဲ့ ယှဉ်ပြိုင်ခဲ့ပါတယ်။
ဖေ့စ်ဘွခ်မှာ ပြန်လည်သီဆိုတဲ့ ကာဗာသီချင်းတွေ တင်ထားပြီး အားပေးကြတဲ့သူတွေရှိနှင့်ပြီးသား “နှင်းအိနြေ္ဒရှင်” က သူ့ရဲ့ အရည်အချင်းကို The Voice Myanmar မှာ စစ်ဆေးကြည့်တာပါလို့ ဆိုပါတယ်။ “Think Of Me” နဲ့ ယှဉ်ပြိုင်ခဲ့တဲ့ “နှင်းအိနြေ္ဒရှင်” တစ်ယောက် ဖြတ်ကျော်နိုင်ပါ့မလား..?
ဒီနေ့ယှဉ်ပြိုင်မှာတော့ ပြိုင်ပွဲဝင် ၉ ဦး ပါဝင်ခဲ့ပြီး တစ်ချို့က Battle Round ကို ဆက်လက် တက်လှမ်းနိုင်ပြီး အချို့ကတော့ အိမ်ပြန်သွားခဲ့ရပါတယ်။
နောက်တစ်ပတ် တနင်္ဂနွေ ဖေဖော်ဝါရီ ၂၅ ရက်နေ့မှာ နောက်ထပ် ဘယ်ပြိုင်ပွဲတွေကို နည်းပြတွေက ဘယ်လိုရွေးချယ်မလဲ..? နည်းပြတွေကိုရော ပြိုင်ပွဲဝင်တွေက ဘယ်လိုပြန်ရွေးချယ်ကြမလဲဆိုတာ MRTV 4 ကနေ ည ၉ နာရီမှာ စောင့်မျှော်ကြည့်ရှုကြပါဦး။
