အောင်မြင်မှု အထည်ချုပ်ကျွမ်းကျင်မှုသင်တန်းကျောင်းမှ သင်တန်းဆင်းပြီးပါက အထည်ချုပ်စက်ရုံတွေနဲ့ချိတ်ဆက်ကာအလုပ်အကိုင်များပေးသွားမည်

29 Sep 2017 1,471 Views

အလုပ်သမား၊လူဝင်မှုကြီးကြပ်ရေးနှင့် ပြည့်သူ့အင်အားဝန်ကြီးဌာနနဲ့ ““ပျိုးပင် အဖွဲ့အစည်း”” တို့ပူးပေါင်းဆောင်ရွက်တဲ့ အောင်မြင်မှုအထည်ချုပ်ကျွမ်းကျင်မှု သင်တန်းကျောင်းမှာ စက်ချုပ် သင်တန်းဆင်းပြီးပါက အထည်ချုပ်စက်ရုံတွေနဲ့ချိတ်ဆက်ကာ အလုပ်အကိုင်များ ပေးသွားမှာ ဖြစ်တယ်လို့သိရပါတယ်။မြန်မာနိုင်ငံအရပ်ရပ်မှာရှိတဲ့ ရွှေ့ပြောင်းအလုပ်သမားများအတွက် ခိုင်မာတဲ့အလုပ်အကိုင် အခွင့်အလမ်းတွေရရှိနိုင်ဖို့နဲ့ အထည်ချုပ်တိုးတက်ရေးကဏ္ဍမှာ စက်ရုံများအနေနဲ့ရှာဖွေဖို့ခက်ခဲနေတဲ့ ကျွမ်းကျင်လုပ်သားလိုအပ်ချက်တွေဖြည့်ဆည်းနိုင်ဖို့အတွက် အောင်မြင်မှုအထည်ချုပ်ကျွမ်းကျင်မှု သင်တန်းကျောင်းကို ၂၀၁၇ခုနှစ် စက်တင်ဘာလ(၁၈)ရက်က စတင်ဖွင့်လှစ်ခဲ့တာဖြစ်ပါတယ်။

သင်တန်းကျောင်းမှာ ပထမအသုတ်အဖြစ် သင်တန်းသား(၇၆)ယောက်ကို အခမဲ့သင်ကြားပေးနေပြီး သင်တန်းသင်ကြားနေစဉ်တစ်ရက်လုပ်ခ (၁၈၀၀)ကျပ်ကိုပေးနေတာဖြစ်ပါတယ်။အောင်မြင်မှု အထည်ချုပ်ကျွမ်းကျင်မှုသင်တန်းကျောင်းမှာ အထည်ချုပ်လုပ်ခြင်း၊ ဖြတ်ညှပ်ခြင်းအချောသတ်ခြင်းနဲ့အခြားအထည်ချုပ်ဆိုင်ရာကျွမ်းကျင်မှုသင်တန်းများနဲ့ လုပ်ငန်း အတွင်း သိနားလည်ရန်လိုအပ်တဲ့အထွေထွေဗဟုသုတနဲ့အသိပညာပိုင်းဆိုင်ရာတိုးတက်မြင့်မားရေးနှင့်ဆိုင်သောသင်တန်းများကို ပေးနေတာဖြစ်တယ်လို့သိရပါတယ်။လက်ရှိမှာတော့ အောင်မြင်မှု အထည်ချုပ်ကျွမ်းကျင်မှုသင်တန်းကျောင်းကို အထည်ချုပ်စက်ရုံ(၂၀)ကျော်မှ ကျွမ်းကျင်အထည်ချုပ် လုပ်သားများကို ခန့်အပ်ဖို့အတွက် ဆက်သွယ်ထားတယ်လို့ပြောပါတယ်။

အဆိုပါသင်တန်းကို အသက်(၁၈)နှစ်နဲ့အထက် ကျား၊မမရွေးအခမဲ့တက်ရောက် သင်ကြား နိုင်တာဖြစ်ပြီး သင်တန်းကာလ(၂)လပြီးဆုံးပါက အထည်ချုပ်စက်ရုံများမှာ တရားဝင် သတ်မှတ်ထားတဲ့အခြေခံလစာနဲ့ လုပ်ငန်းခွင်ကိုချက်ခြင်းဝင်ရောက်လုပ်ကိုင်နိုင်မှာ ဖြစ်တယ်လို့ သိရပါတယ်။ လုပ်ငန်းခွင်ထဲဝင်ရောက်ပြီးသူတွေအနေနဲ့ လုပ်ငန်းခွင်အတွေ့ကြုံ (၄)လရှိပါက အာဆီယံနိုင်ငံများမှ အသိမှတ်ပြုကျွမ်းကျင်စာမေးပွဲကို ၀င်ရောက်ဖြေဆိုနိုင်မှာ ဖြစ်ပါတယ်။အောင်မြင်မှုအထည်ချုပ်ကျွမ်းကျင်မှုသင်တန်းကျောင်း ဒုတိယအသုတ်သင်တန်းကို နိုဝင်ဘာလ(၂၁ရက်မှာဖွင့်လှစ်သွားမှာဖြစ်ပြီးအဆိုပါသင်တန်းစီမံကိန်းကို သက်မွေးဝမ်းကျောင်းမှုနှင့် စားနပ်ရိက္ခာဖူလုံရေးရန်ပုံငွေ Livelihoods and Food Security Trust(LIFT)မှ ရန်ပုံငွေကူညီ ထောက်ပံ့ပြီး CARE Myanmar ၊ပျိုးပင်နဲ့ Business Kind Myanmar တို့မှ My Jobs နဲ့ Legal Clinic Myanmar အလုပ်အမှုဆောင် အဖွဲ့ထူထောင်ပြီး စီမံခန့်ခွဲတာဖြစ်တယ်လို့ သိရပါတယ်။