ရန်ကုန်တိုင်းဒေသကြီးနားမကြားသောကလေးများကျောင်းမှာ အခြေခံမုန့်လုပ် သင်တန်းပေးနေ
13 Sep 2017 1,356 Views
လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသောကလေးများကျောင်း(ရန်ကုန်)မှာ အသက်မွေးဝမ်းကြောင့်အဖြစ် အခြေခံမုန့်လုပ်သင်တန်းကိုသင်ကြားပေးနေတယ်လို့သိရပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသောကလေးများကျောင်း(ရန်ကုန်)မှာ အသက်(၁၄)နှစ်နဲ့အထက်၊ မုန့်လုပ်ဝါသနာပါသူတွေကို အခြေခံမုန့်လုပ်ပညာ သင်ကြားပေးနေတာပါ။
နားမကြားသော ကလေးများကျောင်း (ရန်ကုန်)မှာ အတန်းပညာအားဖြင့် စတုတ္ထတန်းအထိသာရှိတာကြောင့် နားမကြားသောကလေးတွေကို အသက်မွေးဝမ်းကျောင်းပညာ ရရှိစေရန် အခြေခံမုန့် လုပ်သင်တန်းပေးတာဖြစ်ပါတယ်။ ဒါ့အပြင် အခုသင်ကြားပေးနေတဲ့ မုန့်လုပ်သင်တန်းကို အခြေခံသာမက အဆင့်မြင့်မုန့်လုပ်ပညာပါ သင်ကြားပေးစေချင်တယ်လို့ပြောပါတယ်။နားမကြားသောကလေးများကျောင်း(ရန်ကုန်) မှာသင်ကြားပေးနေတဲ့ အခြေခံမုန့်လုပ်သင်တန်းကို အပတ်စဉ် အင်္ဂါနေ့ နဲ့ ဗုဒ္ဓဟူး နေ့ ကျောင်းလွှတ်ပြီးချိန်မှာ သင်ကြားပေးတာဖြစ်တယ်လို့သိရပါတယ်။ နားမကြားသောကလေးတွေကို အကြိုသက်မွေး ပညာအနေနဲ့ ကွန်ပျူတာ၊ ပန်းချီ၊ ဇာထိုးပန်းထိုးစက်ချုပ်စတဲ့သင်တန်းတွေကိုလည်းနွေရာသီကျောင်းပိတ်ရက်မှာသင်ကြား ပေးနေတယ်လို့သိရပါတယ်။
လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊လူမှုဝန်ထမ်းဦးစီးဌာနလက်အောက်ရှိနားမကြားသောကလေးများကျောင်း(ရန်ကုန်)ကို (၂၀၁၄)ခုနှစ် ဇွန်လက စတင်ဖွင့်လှစ်ခဲ့ပြီး အသက်(၆)နှစ်မှ (၁၈)နှစ်အတွင်းကျန်းမာသန်စွမ်းပြီး နားမကြားတဲ့ကလေးတွေကို လက်ခံသင်ကြားပေးနေတယ်လို့ သိရပါတယ်။နားမကြားသောကလေးများကျောင်း (ရန်ကုန်)မှာ အဆောင်နေကျောင်းသား၊ကျောင်းသူ(၈၂)ဦးနဲ့ နေ့သွားညပြန် ကျောင်းသားကျောင်းသူ(၃၈)ဦးစုစုပေါင်း (၁၂၀) ရှိတယ်လို့သိရပါတယ်။ အတန်းပညာကိုဆက်လက်သင်ကြားဖို့ စိတ်မ၀င်စားတော့တဲ့ နားမကြားသော ကလေးတွေကို သက်မွေးပညာသင် ကြားလို့ရအောင် လူမှုဝန်ထမ်းဦးစီးဌာလက်အောက်ရှိ သက်မွေးပညာသင်ကြားပေးနေတဲ့ ကျောင်းတွေနဲ့ချိတ်ဆက် ပေးသွားဖို့ရှိတယ်လို့သိရပါတယ်။
