မှတ်ပုံတင်ထားသည့် ကုန်တင်ယာဉ်များ GPS စနစ်တပ်ဆင်ခြင်း၊ အလုံးစုံ အာမခံရရှိခြင်းတွေကို ဒီဇင်ဘာလ(၃၁)ရက်နေ့နောက်ဆုံးထားပြီးဆောင်ရွက်ရမည်
07 Sep 2017 1,287 Views
ရန်ကုန်တိုင်းဒေသကြီးအတွင်း လုပ်ငန်းလုပ်ကိုင်နေကြတဲ့ တန်ချိန်(၂)တန်နဲ့အထက် ကုန်တင်ယာဉ်တွေနဲ့ (က)လုပ်ငန်းလိုင်စင်ရယူထားတဲ့ ကုန်တင်ယာဉ်တွေဟာ ရန်ကုန်တိုင်း ဒေသကြီး သယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့၊ကုန်တင်ယာဉ်ဌာန၊အမှတ် (၃၇)မြေညီထပ်၊(၂)လမ်း လမ်းမတော်မြို့နယ်မှာ စက်တင်ဘာလ ၁ရက်ကနေ ၃၀ ရက်အတွင်း ယာဉ်မှတ်ပုံတင် သက်သေခံလက်မှတ် မိတ္တူ၊လုပ်ငန်းလိုင်စင်အပိုင်း(၂)မိတ္တူ၊မော်တော်ယာဉ် စစ်ဆေးချက်သက်သေခံလက်မှတ်(GPS)မိတ္တူ၊ယာဉ်ပိုင်ရှင်အမည်၊နေရပ်လိပ်စာတွေနဲ့အတူ လာရောက်မှတ်တမ်းတင်ရန်နဲ့ မှတ်ပုံတင်ကုန်တင်ယာဉ်များအားလုံး စနစ်တကျထိန်းသိမ်းနိုင်ရန်၊ အများပြည်သူမတော်တဆထိခိုက်မှုမှ အကာအကွယ်ရရှိနိုင်ရန်ရည်ရွယ်ပြီး GPS စနစ်တပ်ဆင်ခြင်း၊ အလုံးစုံအာမခံရရှိခြင်းတွေကို ဒီဇင်ဘာလ ၃၁ရက်နေ့နောက်ဆုံးထားပြီး ဆောင်ရွက်ရမည် ဖြစ်ပါသည်။
ဒါ့အပြင် ရန်ကုန်မြို့တော်စည်ပင်သာယာနယ်နိမိတ်အတွင်းသွားလာကြတဲ့ ကုန်သေတ္တာတင်ယာဉ်တွေအပါအ၀င်၊ကုန်တင်ယာဉ်များအားလုံးသည် ဆောက်လုပ်ရေးဝန်ကြီးဌာနပိုင် လမ်းများပေါ်တွင် သတ်မှတ်ထားသော အာဆီယံစံချိန်စံညွှန်းကိုအခြေခံသည့် မော်တော်ယာဉ် အမျိုးအစားအလိုက် ယာဉ်+ကုန်တန်ချိန်သတ်မှတ်ချက်များအတိုင်း လိုက်နာတင်ဆောင် သွားလာရမည်ဖြစ်ကြောင်း အသိပေးကြေညာထားပါတယ်။
