၁၃ ကီလိုရိုတဲ့ မစင်တုံးကြီးကို ဆရာဝန်များက ဗိုက်ထဲခွဲထုတ်ပြီး အသက်ကယ်တင်ခဲ့ရ
13 Jun 2017 1,660 Views
ဝမ်းဗိုက်ကြီးက ပူဖေါင်းကာ အချိန်မရွေးကွဲထွက်တော့မတတ်ဖြစ်နေတဲ့ လူငယ်တစ်ဦးရဲ့အသက်ကို တရုပ်နိုင်ငံက ခွဲစိတ်ဆရာဝန်များ ကယ်တင်ခဲ့ကြရပါတယ်။
လွန်ခဲ့တဲ့ တစ်ပတ်က ရှန်ဟိုင်းမြို့က ဆေးရုံကို Zhou Hai လို့အမည်ရတဲ့ အသက် ၂၂ နှစ်အရွယ် လူငယ် ရောက်လာတဲ့အချိန်မှာ ဗိုက်အောင့်တဲ့ ဝေဒနာကို အလူးအလဲခံစားနေရပြီး အသက်ရှုလဲမွန်းကျပ်နေခဲ့ပါတယ်။
သူ့ရဲ့ ဗိုက်ကို CT စကင်ဖတ်ကြည့်လိူက်တဲ့အခါ အူမကြီးထဲမှာ မစင်တွေ အကြီးအကျယ်ပြည့်သိပ်နေတာကို အံ့သြစွာတွေ့ခဲ့ရပါတယ်။ သူဟာ ငယ်ငယ်လေးထဲက ဝမ်းချုပ်တဲ့ဝေဒနာကို အမြဲခံစားနေခဲ့ရပြီး ဝမ်းနှုတ်ဆေးများ စားသော်လည်း အနည်းငယ်သာ သက်သာခဲ့သည်ဟု ဆရာဝန်တွေကို Zhou က ပြောပါတယ်။
သူ့ရဲ့မိဘတွေကလည်း ဘာမှအရေးမကြီးလောက်ပါဘူးဟု ယူဆကာ စစ်ဆေးကုသမှုများ မလုပ်ခဲ့တဲ့အတွက် အသက် ၂၂ နှစ်အရွယ်မှာတော့ သူ့ရဲ့ဗိုက်ထဲမှာ မစင်တွေ စုခဲလာခဲ့တာဖြစ်ပါတယ်။
၃ နာရီကြာတဲ့ ခွဲစိပ်မှုအပြီးမှာတော့ သူ့ရဲ့ အူမကြီးထဲကနေ ၁၃ ကီလိုလေးပြီး အရှည် ၇၆ မီတာရှည်တဲ့ မစင်တုံးအစိုင်အခဲကြီးကို ဆရာဝန်တွေက ဖယ်ရှားပေးနိုင်ခဲ့ပါတယ်။
ခွဲစိတ်ပြီးနောက်မှာတော့ အူမကြီးပုံမှန်ပြန်လည် အလုပ်လုပ်စေဖို့ ကုသမှုတွေ ဆက်လက်ခံယူရမှာဖြစ်ပါတယ်။
မွေးဖွားပြီးကာစ ၄၈ နာရီအတွင်းမှာ မစင်မစွန့်တဲ့ကလေးငယ်တွေဟာ အသက်ကြီးလာတဲ့အခါ Zhou ကဲ့သို့သောအဖြစ်မျိုး ကြုံတွေ့ရတတ်ကြောင်း ဆရာဝန်များက ရှင်းပြခဲ့ပြီး ဖြစ်တောင့်ဖြစ်ခဲ ပြသနာတစ်ခုဟုလည်း ဆိုပါတယ်။
ဒါကြောင့် မွေးလာတဲ့ ကလေးတွေရဲ့ မစင်စွန့်မှုအခြေအနေကို မိဘတွေအနေနဲ့ ဂရုစိုက်ကာ ပုံမှန်မဟုတ်ပါက ကုသမှုခံယူသင့်ကြောင်း ဆရာဝန်တွေက အကြံပေးထားပါတယ်။
