တရုပ်နိုင်ငံတွင် နို့ထွက်ကောင်းသော မိခင်များက သူတို့၏ မိခင်နို့ရည်များကို ပါကင်ထုတ်ပိုးကာ အွန်လိုင်းတွင် တင်ရောင်းလာကြပြီး ဝယ်လိုအား များပြားလျှက်ရှိသည်။

 

သန့်ရှင်းလတ်ဆတ်သော လူနို့ရည် ၂၅၀ မီလီ အထုတ်တစ်ထုတ်လျှင် ၁၅၀ ယွမ် (ကျပ် ၃ သောင်းနီးပါး) ပေါက်ဈေးရှိပြီး အွန်လိုင်းပေါ်တွင် တရားမဝင် ရောင်းချလျှက်ရှိသည်။

Chengdu မြို့မှ Li Xixi ဆိုသည့် အမျိုးသမီးတစ်ဦးက သူမ၏ နှစ်လသားအရွယ်ကလေး သောက်သုံးနိုင်သော နို့ရည်ပမာဏထက် နို့ပိုလျှံထွက်နေသဖြင့် နို့တိုက်ပြီးသည့်အခါတိုင်း ၂၅၀ မီလီ အိတ်ကလေးများနှင့် နေ့စဉ်စုဆောင်းထားရသည်။

“တစ်ရက် တစ်ရက် ယွမ် ၂၀၀ ၊ ၃၀၀ လောက် ဝင်ငွေက ပြဿနာမရှိလောက်ဘူးထင်ပါတယ်” ဟု West China City Daily သတင်းဌါနကို သူမက ပြောကြားခဲ့ပြီး သူတို့တွေဟာ နို့ရည်ထွက်တဲ့ကာလ ၆ လ လောက်အတွင်းမှာ ဘာမှပြဿနာမတက်ပဲ ယွမ်ငွေ သောင်းနဲ့ချီပြီး ဝင်ငွေရနေကြတယ်လို့ အဆိုပါ သတင်းဌါနက ဆိုပါတယ်။

 

ကလေးမွေးဖွားနှုန်း မြင့်မားလာတာနဲ့အတူ မိခင်နို့ရည် ရောင်းချတဲ့ဈေးကွက်က ကြီးမာလာပါတယ်၊ ယခုလို ဝယ်လိုအားများလာရတဲ့ အကြောင်းရင်းအချက်တစ်ချက်ကလည်း နို့မှုန့်တွေအပေါ်မှာ ယုံကြည်မှုနည်းလာတာလည်း ပါပါတယ်။ ၂၀၀၈ ခုနှစ်က နို့မှုန့်က ဒုက္ခပေးခဲ့တဲ့အတွင် ကလေးငယ် ၃ သိန်းကျော် နေထိုင်မကောင်းဖြစ်ခဲ့ဖူးတဲ့အတွက် ခုချိန်ထိ နို့မှုန့်တွေကို အပြည့်အဝ မယုံကြည်သေးတာဖြစ်ပါတယ်။

 

၂၀၁၃ ခုနှစ်မှာတော့ တရုပ်နိုင်ငံရဲ့ ပထမဆုံး မိခင်နို့ရည်ဘဏ်ကို Guangzhou မြို့မှာ ဖွင့်လှစ်ခဲ့ပါတယ်။