မြန်မာကင်းထောက်ရာပြည့် အထိမ်းအမှတ်အခမ်းအနား

မြန်မာကင်းထောက်ရာပြည့် အထိမ်းအမှတ်အခမ်းအနားကို ယနေ့ (ဒီဇင်ဘာ ၂၃ ရက်) နံနက် ၁၀ နာရီက ရန်ကုန်တက္ကသိုလ် စိန်ရတုခမ်းမ၌ ကျင်းပခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ တက်ရောက်မိန့်ခွန်းပြောကြားခဲ့ကြောင်း သတင်းရရှိသည်။

“ကင်းထောက်လှုပ်ရှားမှုဆိုတာ တစ်ကမ္ဘာလုံးနဲ့သက်ဆိုင်တဲ့လှုပ်ရှားမှုပါ။ နိုင်ငံတစ်နိုင်ငံထဲအတွက် သက်ဆိုင်တဲ့လှုပ်ရှားမှုမဟုတ်ပါဘူး။ ဒါပေမယ့်လည်း နိုင်ငံတစ်ခုချင်းတစ်ခုချင်းရဲ့ကောင်းကျိုးပြုမှုဟာ တစ်ကမ္ဘာလုံးအတွက် အကျိုးပြုနိုင်သလို တစ်ကမ္ဘာလုံးမှာဖြစ်ပေါ်နေတဲ့ကိစ္စအရပ်ရပ်ဟာလည်း နိုင်ငံတစ်ခုချင်းအပေါ်မှာ ထိရောက်မှုရှိပါတယ်။ ဒါကြောင့် ကျွန်မတို့ရဲ့ကင်းထောက်မောင်မယ်များဟာ အနာဂတ်ကိုရှေးရှုပြီးတော့ ဆက်လက်ပြီးတော့ သွားစေချင်ပါတယ်” ဟု ဒေါ်အောင်ဆန်းစုကြည်က ပြောကြားသည်။

“အနာဂတ်ကိုရှေးရှုပြီးသွားစေချင်တယ်ဆိုတဲ့နေရာမှာ ကျွန်မပေါ့ပေါ့တန်တန်ပြောတာမဟုတ်ပါဘူး။ အခုဆိုလို့ရှိရင်ကျွန်မတို့ရဲ့ကင်းထောက်အဖွဲ့က မိတ်ဆွေတွေဟာ အရင်တုန်းကကျွန်မတို့ထဲက ကင်းထောက်မောင်မယ်တစ်ယောက်ဖြစ်ခဲ့ပါတယ်။ အဲဒီတုန်းကတည်းက ကျွန်မတို့စည်းစည်းလုံးလုံးနေခဲ့တဲ့ စိတ်ဓါတ်တွေဟာ အခုထိရှင်သန်နေဆဲလို့ကျွန်မမြင်ရပါတယ်။ ကင်းထောက်များဟာ အရည်အချင်းပြည့်ဝတယ်။ ကင်းထောက်များဟာ ကိုယ်ရဲ့ကျင့်ဝတ်တွေကို လိုက်နာရတယ်" ဟု ဒေါ်အောင်ဆန်းစုကြည်က ဆက်လက်ပြောကြားသည်။

Credit : 7daydaily

ဓာတ်ပုံ-ဂျေမောင်မောင်(အမရပူရ)