ဗေါက် ၊ ဒက်တွေ ကင်းရှင်းရန်အတွက် ကိုယ်တိုင်ပြုလုပ်နိုင်မည့် အကောင်းဆုံးနည်းလမ်း (၉) မျိုး

ဗေါက်တွေ ၊ ဒက်တွေဟာ ကိုယ့်အပေါ် အခြားသူရဲ့ အမြင်ကို ပြောင်းလဲစေနိုင်ပါတယ် ။ သင်ဟာ လုံးဝ စမတ်ကျအောင် ဝတ်ဆင် ထားပြီး ၊ ဆံပင်ပုံစံကိုလည်း သေချာသပ်သပ်ရပ်ပြုလုပ်ထားတယ်ဖြစ်ဦး ခေါင်းမှာ ဗေါက်တွေ ၊ ဒက်တွေ နဲ့ ပုံစံကို မြင်ယောင်ကြည့်လိုက်ပါ ။ မြင်လို့မကောင်းဘူး ဟုတ်တယ်ဟုတ် ။

 

ဗေါက် ၊ ဒက်တွေ ဟာ တကယ်တော့ ကိုယ့်ရဲ့ ဆံပင်ကို ပုံမှန် သေချာ ထိန်းသိမ်းခြင်း မရှိလို့ ဖြစ်ပေါ်လာတဲ့ ပြဿနာ တွေထဲက တစ်ခုပဲဖြစ်ပါတယ် ။ သင့်ရဲ့ ဦးခေါင်း အရည်ပြားမှာရှိတဲ့ သေဆုံးသွားတဲ့ ဆဲလ်တွေဟာ အချိန်တန်တဲ့အချိန်ကျရင် ဦးခေါင်းအနံ့အပြားမှာ ကွာကျလာပြီး ဦးရေပြားကို ယားယံစေပါတယ် ။

 

ဘယ်မှ သွားစရာ မလိုဘဲ အိမ်မှာ ကိုယ်တိုင်ပြုလုပ်နိုင်မယ့် ဗေါက်၊ဒက် ကင်းရှင်းနည်း (၉) မျိုးကို ဖော်ပြထားပါတယ် ။ ဒီနည်းလမ်းတွေဟာ ဗေါက် ၊ ဒက်တွေ ကို ကင်းရှင်းစေရုံသာမက ဆံပင်ကို လည်း ပိုမို သန်မာ လှပ စေမှာပဲဖြစ်ပါတယ် ။

 

(၁) ခေါင်းလျှော်ခြင်း

ဗေါက် ၊ ဒက် များပြားခြင်း ရဲ့ အဓိက အကြောင်းအရင်းတစ်ရပ်ကတော့ ကောင်းကောင်း မွန်မွန် ခေါင်းလျှော်ပေးခြင်း မရှိလို့ပဲဖြစ်ပါတယ် ။ ခေါင်းကို သေချာကောင်းမွန်စွာ လျှော်ပေးခြင်းက ကျန်းမာသော ဆံပင်ကို ပိုင်ဆိုင်ဖို့ အတွက် အခြေခံ အကျဆုံး သော အချက်ပဲ ဖြစ်ပါတယ် ။ သင့်ရဲ့ ဆံပင် ကို ဖုန်မှုန့်တွေ ၊ ဦးခေါင်းမှ ထွက်လာတဲ့ ချွေးတွေ ၊ အဆီအညစ်အကြေးတွေဟာ နေ့စဉ် ပုံမှန် ညစ်ပေ စေပါတယ် ။ ဒါကြောင့်မို့လို့ ခေါင်းကိုသေချာ လျှော်ပေးခြင်းဟာ ဗေါက် ၊ ဒက် ပြဿနာအတွက် အရေးကြီးဆုံး ဖြေရှင်းပေးမယ့် နည်းလမ်းတစ်ခုပါပဲ ။ အနည်းဆုံး တပါတ်ကို (၂) ကြိမ် ၊ (၃) ကြိမ်တော့ ခေါင်းလျှော်ပေးပါ ။ သဘာဝ ပစ္စည်းများကို အသုံးပြုထားတဲ့ ခေါင်းလျှော်ရည်ကို ရွေးချယ် အသုံးပြုဖို့က လည်းအရေးကြီးပါတယ် ။

 

( ၂ ) သဘာဝ အဆီ အသုံးပြု၍ နှိပ်နှယ်ပေးခြင်း

ဗေါက် ၊ ဒက် ကင်းဆင်ပြီး ကောင်းမွန်သော ဆံကေသ ကို ပိုင်ဆိုင်နိုင်ဖို့အတွက် သဘာဝ ခေါင်းလိမ်း ဆီ အသုံးပြု၍ နှိပ်နှယ်ပေးခြင်းဟာလည်း အရေးကြီးသော အချက်တစ်ရပ် ဖြစ်ပါတယ် ။ သင့်ရဲ့ဆံပင်ကို ခေါင်းလိမ်းဆီ နှင့် သေချာလိမ်းပြီး ဦးခေါင်းအတွင်းသာကို ညှင်ညှင်သာသာ နှိပ်နှယ်ပေးခြင်းဟာ သင့်ရဲ့ ဆံပင်ကို ကျော့ရှင်း , လှပ , သန်မာ စေပြီး ဗေါက် ၊ ဒက်တွေကို ကင်းဝေး စေမှာ ဖြစ်ပါတယ် ။ ဦးခေါင်းနှင့် ဆံပင် နှိပ်နှယ်ပေးခြင်းကိုလည်း အနည်းဆုံး တပါတ်ကို (၂) ကြိမ် ၊ (၃) ကြိမ် ပြုလုပ်ပေးပါ ။

 

(၃) ဒိန်ချဉ်ကုထုံး

ဒိန်ချဉ် ကုထုံးကလည်း လွယ်ကူရိုးရှင်းပြီး ဗေါက် ၊ ဒက် များကို အကောင်းဆုံး ကာကွယ်ပေးမည့် နည်းလမ်း တစ်ရပ် ဖြစ်ပါတယ် ။ ဦးစွာ သင့်ရဲ့ ဆံပင်ကို သေချာလျှော်ပြီးနောက် ခြောက်အောင်ပြုလုပ်ပါ ။ ပြီးလျှင် ဒိန်ချဉ် တစ်မျိုးတည်းကို ဦးရေပြား အထိ လိမ်းပြီး (၁၀) မိနစ် ၊ (၁၅) မိနစ် ခန့် ပေါင်းခံထားပါ ။ ပေါင်းခံပြီးလျှင် သင့်ဦးရည်ပြား နှင့် ဆံပင်အနှံ ဒိန်ချဉ် လုံးဝ မကျန်စေအောင် သေချာ လျှော်ပေးပြီး ပုဝါ ကိုသာ အသုံးပြုကာ ဆံပင်ကို ခြောက်သွေ့စေပါ ။

 

(၄) အမ်လာ ( Amla )

အမ်လာ ကို အင်္ဂလိပ် ဝေါဟာရ အရ ဂူးစ်ဘယ်ရီ ( Goosebery ) ဟု ခေါ်ဝေါ်ပြီး ကျန်းမာပြီး လှပသော ဆံကေသာအတွက် အရေးပါသော ကာရိုတင်း ( carotene ) ဓါတ်ပါဝင်ပါတယ် ။ ပင်ဆိမ်း အနှစ် နှင့် အမ်လာ အမှုန့်ကို သေချာရောနှောပြီး သင့်ရဲ့ ဦးရေပြားအနှံ လိမ်းပေးပါ ။ အနည်းဆုံး တစ်နာရီခန့် ကြာခေါင် နှပ်ထားပြီးမှ ခေါင်းကိုလျှော်ပေးပါ ။ အခုနည်းကို အကြိမ်အနည်းငယ် ပြုလုပ်ပြီးလျှင် သင့်ရဲ့ ဆံကေသ ဟာ ထူးခြားလာမှာကို သင်ကိုယ်တိုင် သတိထားမိမှာ ဖြစ်ပါတယ် ။

 

(၅) ရှောက်သီး

သင့်ဦးခေါင်းကို ယားယံစေပြီး ခနခန ကုတ်မိစေတဲ့ ဗေါက် အမျိုးအစား ကို ကြုံတွေ့နေရတယ်ဆိုရင်တော့ ရှောက်သီး ဟာသင့် အတွက် အကောင်းဆုံးသော အဖော်မွန်ပါပဲ ။ စားပွဲတင်ဇွန်း (၂) ဇွန်း ခန့် ရှောက်သီး အရည်ကို ညစ်ပြီး သင့် ဦးရေပြားကို သေခြာလိမ်းပါ ။ ပြီးလျှင် စားပွဲတင်ဇွန်း (၁) ဇွန်းတစ်ခွန်း ခန့် ရှောက်သီးအရည် နဲ့ ရေတစ်ခွက်ကို ရောပြီး သင့်ရဲ့ ဆံပင်ကို ဆေးပေးပါ ။ သင့်ခေါင်းမှာ ဗေါက် ၊ ဒက် လုံးဝ ကင်းစင်သွားတဲ့ အချိန်အတွက် ဒီနည်းလမ်းကို အသုံးပြုနိုင်ပါတယ် ။

 

(၆) ဖန်နုဂရိ ( Fenugreek )

မဲသီ ( Methi ) ဟု လည်းသိကြသော် ဖန်နုဂရိသည် ဆံပင်ရဲ့ အမြစ်ကို အားဖြည့် ရှင်သန်စေတဲ့ နီကိုတီနစ် အက်စစ် နှင့် ပရိုတင်း ပါဝင်ပါတယ် ။ စားပွဲတင်ဇွန်း (၂) ဇွန်း စာ ဖန်နုဂရိကို နံနက်အချိန်မှာ အသုံးပြုဖို့အတွက် ညမှာ ရေတွင် စိမ်ထားပေးပါ။ စိတ်ထားပြီးသော ဖန်နုဂရိ ကို နံနက် အချိန်မှာ သင့်ရဲ့ ဆံပင် နှင့် ဦးရေပြားတွင် သေချာလိမ်းပေးပြီး မိနစ် (၂၀) ခန့် နှပ်ထားပေးပါ ။ ပြီးမှ ပေါ့ပါးသော ခေါင်းလျှော်ရည် အမျိုးအစားကို အသုံးပြုပြီး ခေါင်းကိုလျှော်ပေးပါ ။ ဗေါက် ၊ ဒက် ကင်းဝေးပြီး သန်မာသော ဆံကေသကို ပိုင်ဆိုင်လာမှာ ကို သင်မြင်တွေ့ရပါလိမ့်မယ် ။

 

(၇) နှမ်းဆီ

သင့်ရဲ့ ဆံပင် ကို ပိုမိုပြီး သာမာန် ၊ သိပ်သည်း ၊ ရှည်လျား လာစေရန် နှမ်းဆီ ကို အသုံးပြုနိုင်သလို ဗေါက် ၊ ဒက် ကင်းဝေးစေဖို့လဲ အသုံးပြုနိုင်ပါတယ် ။ နှမ်းဆီကို အသုံးပြုပြီး သင့်ဆံပင်နှင့် ဦးရေပြားကို (၅) မိနစ်ခန့် နှိပ်နှယ်ပေးပါ ။ ပြီးလျှင် ခန အနားပေးပြီး ခေါင်းလျှော်ပေးပါက ထူးခြားကောင်းမွန်တဲ့ အာနိသင်ကို သင်ခံစားရမှာပါ ။

 

(၈) ခေါင်ရန်းပန်း

ခေါင်ရန်းပန်းရဲ့ အဆီကို သင့် ဆံပင်တွင် အသုံးပြုပေးခြင်းသည်လည်း ကျန်းမာသော ဆံပင် အတွက် အလွန်ကောင်းမွန်သော နည်းလမ်းတစ်ရပ်ဖြစ်ပါတယ် ။ ခေါင်ရန်းပန်း နှင့် အုန်းဆီ ကို တူတူ ရော၍ ရေနွေးဆူဆူတွင် မိနစ် အနည်းငယ် ကျိုပေးပါ ။ ကျိုပြီးသား အရည်ကို အအေးခံပြီးလျှင် မအိပ်ခင်သင့် ရဲ့ ဦးရေပြားမှာ လိမ်းပြီး တစ်ည လုံးနှပ်ထားပါ ။ ပြီးမှ မနက် အချိန်မှ ခေါင်းလျှော်ရည် အသုံးပြုပြီး ဆေးကြောလိုက်ပါ ။ ရက်အနည်းငယ် အတွင်း မှာပဲ ဗေါက် ၊ ဒက်တွေ ကင်းစင် သွားမှာပဲဖြစ်ပါတယ် ။

 

(၉) ဆားကုထုံး

ဆားဟာ သင့်ရဲ့ အစားအသောက်တွင် လိုအပ်သလို ထည့်သွင်းခြင်းဖြင့် အစားအစာကို ပိုမို အရသာရှိစေ နိုင်သလို ခေါင်းမလျှော်မှီ ဆားကို သင့်ရဲ့ ဦးရေပြား အနှံဖြူးပေးပြီး ခေါင်းကို နှိပ်ပေးခြင်း ဟာလည်း ဗေါက် ၊ ဒက် ပြဿနာကို ဖြေရှင်းပေးနိုင်ပါတယ် ။