သူမသေပြီဆိုတဲ့ သတင်းအမှားတွေနဲ့ပတ်သက်ပြီး ဖြေရှင်းလိုက်တဲ့ အဆိုတော်မီးမီးခဲ

ပြီးခဲ့တဲ့ရက်က ကင်ဆာရောဂါဝေဒနာကိုခံစားနေရတဲ့ အဆိုတော်မီးမီးခဲ၏ကျန်းမာရေးမှာ ကင်ဆာရောဂါတိုက်ဖျက်ရေးကို ဆုံးရှုံးနေပြီး ဆရာဝန်တွေကတောင် မျှော်လင့်ချက်ကင်းမဲ့နေတဲ့အနေအထားမှာရှိတယ်လို့ လူမှုကွန်ယက်ပေါ်မှာပျံ့နှံ့ခဲ့ပါတယ်။ ထို့နောက်မှာတော့ အဆိုတော်မီးမီးခဲ သေဆုံးသွားပြီဆိုတဲ့ သတင်းတွေလည်း ထွက်ပေါ်လာခဲ့ပါတယ်။

လက်ရှိမှာ အဆိုတော်မီးမီးခဲဟာ ဩစတြေးလျနိုင်ငံတွင် ဆေးကုသမှုဆက်လက်ခံယူနေရဆဲဖြစ်ပြီး ထွက်ပေါ်နေတဲ့ သတင်းအမှားတွေနဲ့ပတ်သက်လို့ မီးမီးခဲက သူမရဲ့လူမှုကွန်ယက် ဖေ့စ်ဘွတ်စာမျက်နှာကနေ ဖြေရှင်းထားတာတွေ့ရပါတယ်။

“ပရိတ်သတ်ကြီးရှင့် !
ကျွန်မ မီးမီးခဲ လက်ရှိကျန်းမာရေးအခြေနေမှာ ဆေးကုသမှု ဆက်လက်ခံယူနေရဆဲဖြစ်ပါတယ်။

လူအများကြီးက ဖုန်းခေါ်လာပြီးသတင်းမေးမှ Facebook မှာ သတင်းအမှားကြီးတက်နေတယ်ဆိုတာသိရလို့ပါ။

ကျွန်မရဲ့ ကျန်းမာရေးအတွက်ဆက်လက် ဆုတောင်းပေးကြပါနော်” ဆိုပြီး သူမရဲ့ကျန်းမာရေးအတွက် ဝိုင်းဝန်ဆုတောင်းပေးကြဖို့ ရေးသားပြောဆိုထားပါတယ်။

(ပိုပိုလေး)