ပြည်သူ့ရင်ပြင်တရားပွဲမှာ မုန့်အလှူဒါနပြုရင်း ကိုယ်တိုင်တရားဝင်နာခဲ့တဲ့ ဖွေးဖွေး

လက်ရှိမြန်မာ့အနုပညာလောကထဲမှာ ပရိသတ်အများဆုံး၊ အောင်မြင်ကျော်ကြားမှုအများဆုံးနဲ့ နာမည်ကြီး ထိပ်တန်းမင်းသမီးစာရင်းထဲက နံပါတ် ၁ နေရာမှာ ရပ်တည်နေတဲ့ သရုပ်ဆောင်မင်းသမီးဖွေးဖွေးကတော့ ကျရာနေရာ ဇာတ်ရုပ်ကာရိုက်တာကို အပီပြင်ဆုံးနဲ့ အကောင်းဆုံးသရုပ်ဆောင်ပြနိုင်သူဖြစ်တာကြောင့် အကယ်ဒမီဆု (၃) ဆုတိတိကို ရရှိပိုင်ဆိုင်ထားသူဖြစ်ပြီး ကလေးလေးတစ်ယောက်လို ချစ်စရာကောင်းသူဖြစ်တာကြောင့် ယောကျာ်း၊ မိန်းမမဆို ပရိသတ်ထုကြီးက သူမကိုအခိုင်အမာဝန်းရံအားပေးနေကြတာပါ။

>>Read More ကိုနှိပ်ပြီး ဆက်လက်ဖတ်ရှုပါ<<

အနုပညာအလုပ်တွေကိုသာ ကြိုးစားလုပ်ကိုင်ရင်း ဘ၀ကိုရိုးရှင်းစွာဖြတ်သန်းနေသူဖြစ်ပြီး ဖြူစင်ပွင့်လင်းတဲ့ စိတ်ထားလေးရှိတဲ့ ဖွေးဖွေးကတော့ အလှူအတန်းတွေကိုလဲ မကြာခဏဆိုသလိုပြုလုပ်လေ့ရှိသူပါ။ လတ်တလောမှာလဲ သူမက ပြည်သူ့ရင်ပြင်မှာကျင်းပပြုလုပ်နေတဲ့ နှစ်ဦးတရားအလှူတော်ပွဲကြီးတွင် အိမ်လုပ် Sandwich မုန့်များဖြင့် တရားလာနာကြတဲ့ ဧည့်ပရိသတ်တွေကို မုန့်အလှူဒါနပြုလုပ်ခဲ့ပါတယ်။

မနေ့ညကပြုလုပ်တဲ့ ဒုတိယညတရားပွဲတွင် ပါမောက္ခချုပ် ဆရာတော်ဒေါက်တာဘဒ္ဒန္တနန္ဒမာလာ
ဘိဝံသ မှ တရားတော်ဟောကြားခဲ့တာဖြစ်ပြီး သူမကိုယ်တိုင်လဲ ပါဝင်တရားနာခဲ့ပါတယ်။ တီဗွီထဲကနေသာ အမြဲမြင်တွေ့ခဲ့ရတဲ့ဆရာတော်ကို အပြင်မှာပထမဆုံးအကြိမ် ဖူးမြော်ခွင့်ရခဲ့တာကြောင့် ဖွေးစိန်တစ်ယောက် အရမ်းကိုကြည်နူးပီတိဖြစ်နေပြီး ဆရာတော်ဟောကြားလိုက်သမျှ တရားပွဲကရလာတဲ့ မက်ဆေ့ချ်လေးတစ်ခုကိုလဲ ယခုလိုပဲပြန်လည်ဝေမျှထားပါသေးတယ်။

“ပါမောက္ခချုပ် ဆရာတော်ဒေါက်တာဘဒ္ဒန္တနန္ဒမာလာ ဘိဝံသကို ဘဝမှာပထမဆုံးအကြိမ် တီဗွီထဲကမဟုတ်ပဲအပြင်မှာ ဖူး​ခွင့်ရခဲ့ပါတယ်ရှင့်.. ဆရာ​တော်ဘုရား​ဟော​ပေးခဲ့တာ​တွေထဲမှ ကိုယ်နားလည်သလို ပြန်​ပြောရမယ်ဆိုရင်​တော့ အသင်းအဖွဲ့တခု နိုင်ငံတခုရဲ့အစိတ်အပိုင်းဘယ်ကဏ္ဍကမဆိုအသီးသီးဟာ ခန္ဓါကိုယ်အစိတ်အပိုင်းတခုချင်းစီလိုပဲ အားလုံး Equally Important ပါတဲ့.. ဥပမာပုံပြင်​လေးတခုလဲ​ပြောသွားတာ အရမ်းမှတ်မိသွားပါတယ်.. ဆရာ​တော်​​ဟောကြား​ပေးတဲ့အတိုင်းအတိအကျမဟုတ်​ပေမယ့် ​ဖွေးနားလည်သလို​လေးပြန်​ဝေမျှချင်ပါတယ်…

လူတ​ယောက်မှာအစာအိမ်ဟာ အစား​တွေကိုလက်ခံတဲ့အလုပ်လုပ်ပါတယ်... အဲ့အချိန်မှာမျက်စိက အစားကိုအရင်မြင်​ပေးရသလို ​ခြေ​ထောက်အစုံကအစာစီ​ရောက်​အောင်သွား​ပေးရတယ်။ အစာနား ​ရောက်တဲ့ချိန်မှာ​တော့ လက်ကယူ​ပေးပြီး ပါးစပ်ကဝါး​စား​ပေးရပါတယ်... ​နောက်ဆုံးအစာများကို အစာအိမ်ကလက်ခံ​ပေးပါတယ်.. တ​နေ့မှာ​တော့ ခန္ဓါကိုယ်အစိတ်အပိုင်းအချင်းချင်းမသင့်မြတ်​တာ​တွေအငြင်းပွားစရာ​တွေဖြစ်လာပါတယ်တဲ့။ မျက်စိကလဲငါက အစာကိုမြင်​အောင်သာရှာ​ပေးရတယ် ဒါ​ပေမဲ့စားလဲမစားရဘူးတဲ့။ အစာအိမ်ကပဲဝိုက်သွားတယ်တဲ့။ ခြေ​ထောက်​တွေ လက်​တွေပါးစပ်​တွေကလည်း ငါတို့ ကကျ​တော့ အစာရှိရာ​နေရာကို သွား​ပေး ယူ​ပေးရပြီး ​နောက်ဆုံး​တော့ အစာအိမ်ဆိုတဲ့​ကောင်ကပဲ အစား​တွေစားစားရတယ်​ပေါ့ မ​​ကျေနပ်ကြ​တော့ပဲ... မျက်စိကလဲ အစာမရှာ​ပေး​တော့ဘူး.. ခြေ​ထောက်ကလဲအစားရှိရာမသွား​ပေး​တော့ဘူးတဲ့.. အချိန်​တွေကြာလာ​တော့ အစာအိမ်​​လေးက အစားမစားမဝင်​ရတော့ လူ့ခန္ဓါတခုလုံး အားအင်ချိနဲ့လဲပြိုချင်လာ​တော့တယ်တဲ့။

မျက်စိ ကလဲ​ဝေဝါးလာ ​ခြေ​ထောက်အစုံကလဲ​ထောက်ဖို့လှမ်းဖို့​တောင်အားနည်းလာ​​တော့မှ သူတို့ရဲ့အမှားစိတ်ကို အမြင်မှန်ရသွားကြ​တော့တယ်တဲ့.. ပါချုပ်ဆရာ​​တော်ဘုရားရဲ့ အချင်းချင်း Teamwork ​ကောင်းဖို့ အချင်းချင်းအငြင်းမပွား အမုန်းမပွားပဲ ကိုယ့်ရရှိတဲ့ ကဏ္ဍအသီးသီးမှာ တာဝန်​ကျေပြီး ညီညွတ်​စေချင်တဲ့ စေတနာတရားကို ခံစားလိုက်ရတာပါပဲ... ဒီနိုင်ငံဟာ "လူ့ခန္ဓာ" ဖြစ်ခဲ့ရင် ... ခန္ဓာကိုယ်အစိတ်အပိုင်းတခုချင်းစီ အားလုံးဟာလည်း” ဆိုပြီးရေးရင်း တရားပွဲကပုံလေးတွေကိုပါ မျှဝေထားတာပါ။

ကျေးလက်တောရွာက လုံမပျိုလေးလို ချစ်စရာကောင်းပြီးလှနေတဲ့ ဖွေးစိန်လေးရဲ့ပုံရိပ်တွေကိုပါ ဖော်ပြပေးလိုက်ပါတယ်…

ဓါတ်ပုံ - မောင်သိန်း(ဒဿနိက)

(ပိုပိုလေး)