ဇလာတန်သာ မန်ယူမှာမကစားခဲ့ဖူးဆိုရင် သူ့ကိုခေါ်ဖို့စဉ်းစားမယ်ဆိုတဲ့ ဂျာဂျင် ကလော့

ပြီးခဲ့တဲ့ ရက်ပိုင်းအတွင်းက အီဗရာဟီမိုဗစ်ဟာ LA Galaxy နဲ့ ဒီနှစ်ကုန်မှာ စာချုပ် ကုန်ဆုံးတော့မှာဖြစ်ပြီး နောက်ထပ်စာချုပ်မချုပ်ဘဲ အသင်းကနေ ထွက်ခွာဖို့ အတည်ပြု ပြောကြားခဲ့ပါတယ်။

ဘောလုံး နတ်ဘုရားကြီး လူသိများတဲ့ အီဗရာဟီမိုဗစ်ဟာ ဥရောပအသင်းကြီးအများစုမှာကစားခဲ့ပြီး တစ်ဦးချင်းဆုတံဆိပ် ၊ အသင်းလိုက်ဆုတံဆိပ်တို့ကိုလည်း ပိုင်ဆိုင်ခဲ့ပါတယ်။

အီဗရာဟီမိုဗစ်ကို လီဗာပူးလ်အသင်းခေါ်မလားဆိုတဲ့ မီဒီယာတွေရဲ့မေးခွန်းကို လီဗာပူးလ်အသင်းနည်းပြ ကလော့က ‘ အီဗရာဟီမိုဗစ်ဟာ မန်ယူအသင်းမှာ မကစားခဲ့ဖူးဆိုရင် သူကိုခေါ်ဖို့ စဉ်းစားမှာပါ။ သူက ဒီမှာမကစားချင်ဘူး ပြောရင်တောင်မှ ကျွန်တော်တို့အသင်းက အရမ်းတောင့်တင်နေတဲ့ အသင်းပါ ’ လို့ ဟာသလုပ်ပြောခဲ့ပါတယ်။

‘ကျွန်တော် ဇလာတန်ကို အများကြီး လေးစားမှုရှိပါတယ်.၊ သူရဲ့ ပရော်ဖက်ရှင်နယ် ဘောလုံးကစားသမားဘဝကလည်း အရမ်းမိုက် ၊ အရမ်းခမ်းနားပါတယ်။ သူဟာ သူကိုယ်သူ ယုံကြည်မှုရရှိရှိနဲ့ ဖြတ်သန်းနေတာပါ ’

‘လူတိုင်းဟာ အမြဲတမ်းတော မမှန်နိုင်ပေမယ့် သူဟာ ဘောလုံးကို ဖျော်ဖြေမှုအများကြီးပေးနိုင်တဲ့ ကစားသမားပါ။ သူဘောလုံးကစားသမားဘဝကနေ အနားမယူသေးဖို့ မျှော်လင့်ပါတယ်။ ’လို့ပြောကြားခဲ့ပါတယ်။

အသက် (၃၈) နှစ်ရှိ အီဗာရာဟီမိုဗစ်ဟာ ဥရောပတခွင်မှာ အသင်းကြီးတွေဖြစ်တဲ့ အင်တာမီလန် ၊ အေစီမီလန် ၊ ဂျူဗင်တပ်စ် ၊ ပီအက်စ်ဂျီ ၊ ဘာစီလိုနာ ၊ မန်ယူ စတဲ့ ကလပ်အသင်းကြီးတွေမှာ ကစားခဲ့တာ ဖြစ်ပါတယ်။