လေးတန်းလောက်ကတည်းက ကွဲကွာနေတဲ့ ဖခင်နဲ့ပြန်တွေ့ခဲ့တဲ့ မြန်မာအိုင်ဒေါက ထက်အဥ္ဇလီ

မြန်မာအိုင်ဒေါမှာ ပါဝင်ယှဉ်ပြိုင်နေတဲ့ လွိုင်ကော်သူ ကယားမလေး ထက်အဥ္ဇလီဟာ  မြန်မာအိုင်ဒေါ Season 4 ရဲ့ Top Finalist (၁၁) ယောက်မှာ ပါဝင်ခဲ့တဲ့ အမျိုးသမီး အဆိုရှင် တစ်ဦးဖြစ်ပါတယ်။

သူမဟာ ငယ်စဉ်က ဖခင်ဖြစ်သူ နဲ့ကွဲကွာခဲ့ရပြီး  ပြီးခဲ့တဲ့ အပါတ်က Rock Week မှာ ဖခင်ဖြစ်သူနဲ့ ပြန်လည်ဆုံတွေ့လိုနေပြီး ဖခင်ဖြစ်သူထံမှ အဆက်အသွယ် ရဖို့မျှော်လင့်နေတယ်လို့ ပြောကြားခဲ့ပါတယ်။

ဒီတစ်ပါတ်မှာတော့ ထက်အဥ္ဇလီဟာ သူမရဲ့ဖခင်ဖြစ်သူနဲ့ပြန်လည်တွေ့ရှိခဲ့ပြီး သူမအနေနဲ့ ဝမ်းသာပျော်မဆုံးဖြစ်နေပါတယ်။

ထက်အဥ္ဇလီဟာ မြန်မာအိုင်ဒေါ Season 4 ရဲ့ Rock Week မှာ နာမည်ကျော် အဆိုတော် မဆုန်သင်းပါ ရဲ့ ‘ရပါတယ်’ဆိုတဲ့ သီချင်းကို သီဆိုခဲ့ပြီး  ပရိတ်သတ်တွေနဲ့ ဒိုင်တွေရဲ့ အားပေးမှုကို ရရှိခဲ့ပါတယ်။ ဒီတစ်ပါတ် အမှတ်တရ တက္ကသိုလ်သီချင်းများ Week မှာတော့ နာမည်ကျော်  တေးသံရှင် အေးချမ်းမေ ရဲ့ ကျောင်းဖွင့်ချိန် သီချင်းနဲ့ သီဆိုယှဉ်ပြိုင်ခဲ့တာဖြစ်ပါတယ်။

ထက်အဥ္ဇလီဟာ Make Up Artist တစ်ယောက်အဖြစ်နဲ့အသက်မွေးဝမ်းကျောင်းပြုနေပြီး သူမဝါသနာပါတဲ့ အဆိုတော် ဖြစ်ဖို့ ခြေလှမ်းတွေကိုလည်း စတင်နေပါပြီ။ သူမကို အားပေးတဲ့ ပရိတ်သတ်တွေလည်း အများကြီးရှိနေပြီး မြန်မာအိုင်ဒေါ နောက်တစ်ဆင့် တစ်ဆင့်ကို တက်လှမ်းနိုင်ပါစေ။

ထက်အဥ္ဇလီ ကျောင်းဖွင့်ချိန်