ယောကျာ်းလေးတွေထဲမှာ Benjamin Sum ကိုအရမ်းကြိုက်တယ်ဆိုတဲ့ မထက်

LGBT တစ်ယောက်အဖြစ်သာမက Make up Artist တစ်ယောက်အနေနဲ့ပါ ပရိသတ်တွေကြားနာမည်ကြီးတဲ့ မထက်ကတော့ Transgender တစ်ဦးပေမယ့် သာမန်မိန်းကလေးတွေထက်တောင် ချောမောလှပသူမို့ မိန်းမထုကြီးကိုယ်တိုင်က သဘောကျချစ်ခင်ရသလို ယောကျာ်းထုကြီးကပါ မထက်ကိုလက်ခံအားပေးနေကြတာပါ။

>>Read More ကိုနှိပ်ပြီး ဆက်လက်ဖတ်ရှုပါ<<

အောင်မြင်ကျော်ကြားတဲ့အနုပညာရှင် မင်းသမီး၊မင်းသားတွေကိုမှ တာဝန်ယူပြင်ဆင်လိမ်းခြယ်​ပေးရတဲ့ နာမည်ကြီး makeup artist တစ်ယောက်ဖြစ်သလို အနုပညာလောကထဲမှာ သရုပ်ဆောင်တစ်ယောက်အဖြစ်ပါ ရုပ်ရှင်ကားကြီးတွေကို ရိုက်ကူးထားပါသေးတယ်။ မိန်းကလေးတစ်ယောက်လို သိမ်မွေ့နူးညံ့ခြင်းတွေပြည့်နေတဲ့ မထက်ရဲ့နေပုံထိုင်ပုံ စကားပြောဟန်လေးတွေက အင်မတန်ကိုချစ်စဖွယ်ကောင်းတာကြောင့် ပရိသတ်ကြီးက တစ်ခဲနက်ဝန်းရံအားပေးနေကြတာလဲဖြစ်ပါတယ်။

မထက်ကတော့ လတ်တလောကို မြန်မာအိုင်ဒေါက ဒိုင်တစ်ဦးဖြစ်သူ မတင်ဇာမော်ရဲ့ အလှအပပိုင်းမှာ တာဝန်ယူလိမ်းခြယ်ပေးနေရတာဖြစ်ပါတယ်။ သူမအနေနဲ့ မြန်မာအိုင်ဒေါမှာတစ်ခါမှ မိတ်ကပ်ပိုင်းကိုတာဝန်ယူမလိမ်းခြယ်ပေးဖူးတဲ့အတွက် ရင်ခုန်စိတ်လှုပ်ရှားမိကြောင်းနဲ့ မြန်မာအိုင်ဒေါပြိုင်ဝင်တွေထဲမှာ ဘန်ဂျမင်ဆုမ်းကိုသဘောကျတယ်ဆိုတဲ့အကြောင်းကို မီဒီယာနဲ့အင်တာဗျူးမှာ ပြောပြသွားခဲ့ပါတယ်။

မထက်က “ဒီနှစ်ပြိုင်ပွဲဝင်တွေကိုတော့ အရမ်းအာရတယ်။ လူတိုင်းနီးပါးကောင်းတဲ့အတွက် အရမ်းကိုကြိုက်တယ် ။ အားလုံးကတကယ့်ကိုကောင်းတော့ ဘယ်သူ့ကိုမှတောင် မဖြုတ်ချင်ဘူး။ အားလုံးကိုကြိုက်တယ် အယောက်ချင်းစီတိုင်းကိုကြိုက်တယ်။ အထူးသဖြင့် မိန်းက​လေးတွေကအရမ်းကောင်းတော့ မိန်းကလေးတွေကိုအရမ်းကြိုက်တယ်။ ယောကျာ်းလေးတွေလဲ အရမ်းကောင်းကြတယ်။ အဲ့ထဲမှာမှ ချစ်စရာကောင်းတယ် ဘာညာဆိုတဲ့ဟာမျိုးလေးကိုလဲ ကြိုက်မိတယ်ပေါ့နော်။ မိန်းကလေးတွေကိုတော့ အဓိကပိုအားပေးဖြစ်တယ်။ ယောကျာ်းလေးကိုကြိုက်ပါလားဆိုရင်တော့ Benjamin ကို အရမ်းသဘောကျတယ်။ ဆံပင်ကောက်ကောက်လေးနဲ့ဆိုတော့လေ” ဆိုပြီး နှစ်ခြိုက်စွာရယ်မောရင်း ဖြေကြားသွားပါတယ်။

ကိုယ်ကြိုက်တဲ့ပြိုင်ပွဲဝင်ကို Vote ပေးတာနဲ့ပတ်သက်ပြီး “ကိုယ်သုံးတဲ့ Simcard က vote ပေးလို့မရတော့ သူများတွေကိုတော့ သူ့ကို Vote ပေးလိုက်ပါလားဆိုပြီး လိုက်ပြောဖြစ်တယ်။ လင်းလင်းကတော့ ဟိုနေ့က ၅၀၀၀၀ ဖိုး Vote ပေးလိုက်တယ်လို့ပြောတယ်။ သူပေးလိုက်လို့ပါသွားဆိုပြီးတော့တောင် သူ့ကိုစနေသေးတယ်။ နှာခေါင်းနဲ့ မ vote နဲ့နော်၊ နားနဲ့ vote ပါဆိုပြီးတော့တောင် နောက်လိုက်သေးတယ်” ဆိုပြီး ရယ်ရယ်မောမော ပြောသွားခဲ့ပါတယ်။

ကဲ ပရိသတ်ကြီးရေ… မထက်ကတော့ ဆံပင်ကောက်ကောင်လေးနဲ့ ချစ်စရာကောင်းတဲ့ကောင်ချောလေး Benjamin Sum ကို အားပေးပါသတဲ့။ ပရိသတ်ကြီးကရော မထက်နဲ့အကြိုက်ချင်းတူလား?? မြန်မာအိုင်ဒေါပြိုင်ပွဲဝင်တွေထဲမှာ ဘယ်သူ့ကိုအကြိုက်ဆုံးလဲဆိုတာ ပြောသွားခဲ့ပါဦးနော်….

Source_Popular Journal

(ပိုပိုလေး)