ပရိတ်သတ်တွေ အံအားသင့်သွားရတဲ့ Cha Eun Woo ရဲ့ မိတ်ကပ်မပါတဲ့ မျက်နှာ

Movie Stars - Celebrity ก.ย. 30, 2562 view 2,681

Astro အဖွဲ့ဝင် Cha Eun Woo ဟာဆိုရင် ဆယ်ကျော်သက်နှုတ်ခမ်းနီမလေးတွေ သည်းသည်းလှုပ်အားပေးကြတဲ့ အဆိုတော်၊ သရုပ်ဆောင် တစ်ဦးပဲဖြစ်ပါတယ်။

Eunwoo ကို Astro အဖွဲ့မှာ ရုပ်အချောဆုံး အဖွဲ့ဝင်အဖြစ် ပရိတ်သတ်တွေ သတိထားမိခဲ့ကြပါတယ်။

ပြီးခဲ့တဲ့ ၂၀၁၈ မှာ Eunwoo တစ်ယောက် “My ID is a Gangnam Beauty” မှာပါဝင်သရုပ်ဆောင်ပြီးနောက် သူ့ကို ကြိုက်နှစ်သက်တဲ့ ပရိတ်သတ် အရင်ကထက် ပိုများ လာပါတော့တယ်။

Eunwoo ဟာ လတ်တလော Astro Youtube channel ကတင်ဆက်တဲ့ Eunwoo like အစီအစဉ်မှာ သူ့ရဲ့ မိတ်ကပ်မလိမ်းထားတဲ့ မျက်နှာကို ဖော်ပြလိုက်ပါတယ်။

Cha Eun Woo မိတ်ကပ်မလိမ်းထားတဲ့ မျက်နှာဟာ မိတ်ကပ်လိမ်းထားတဲ့ မျက်နှာနဲ့ ကွာခြားချက် ကြီးကြီးမားမား သိပ်ရှိမနေတာကို တွေ့ရမှာပါ။

Cha Eun Woo ရဲ့ မျက်နှာဟာ မျက်နှာခွဲစိတ်ဆရာဝန်တွေကြားမှာ ရေပန်းစားတဲ့ မျက်နှာတစ်ခုအဖြစ် သတ်မှတ်တာကိုလဲ ခံထားရပါတယ်။ မျက်နှာခွဲစိတ်လိုသူတွေအနေနဲ့ Cha Eun Woo လို နှုတ်ခမ်းမျိုး၊ Cha EunWoo လို နှာခေါင်းမျိုး၊ Cha Eun Woo လို မျက်လုံးမျိုး အစရှိသဖြင့် စံနမူနာအနေနဲ့ ပြသပြီး လာရောက်ခွဲစိတ်ကြကြောင်း allkpop မီဒီယာမှာ ရေးသားထားပါတယ်။

လူအများက Cha Eun woo လို မျက်နှာမျိုးရရှိဖို့ ခွဲစိ်တ်ပြုပြင်နေကြပေမယ့် Cha Eun woo ကတော့ မွေးကတည်းက လူချောလေးဆိုတာ သူ့ငယ်ဘဝ ဓာတ်ပုံတွေကို ကြည့်ခြင်းအားဖြင့် သိရှိနိုင်ပါတယ်။