ရေထည့်ပြီး မောင်းနိုင်တဲ့ကား တရုတ်ကုမ္ပဏီ တီထွင်နိုင်ပြီ

လောင်စာအဖြစ် ရေကိုသာအသုံးပြုပြီး ဟိုက်ဒရိုဂျင်ပါဝါ နည်းပညာသုံးပြီး ခရီးရှည်သွားနိုင်တဲ့ မော်တော်ကားကို တီထွင်နိုင်ပြီဖြစ်ကြောင်း တရုတ်နိုင်ငံအခြေစိုက် ကုမ္ပဏီတစ်ခုက အခိုင်အမာ ပြောဆိုလိုက်ပါတယ်။

 

 

တရုတ်သတင်းဌါန SCMP ရဲ့ ဖော်ပြချက်မှာ ‘Qingnian Car’ လို့ အမည်ပေးထားတဲ့ ကားဟာ ပြီးခဲ့တဲ့ မေလ ၂၂ ရက်နေ့က ရေအသုံးပြုပြီး သူ့ရဲ့ပထမဆုံး ခရီးစဉ်ကို စတင်မောင်းနှင်ခဲ့ပါတယ်။ ကုမ္ပဏီရဲ့ အကြီးအကဲ Pang Qingnian ရဲ့ အဆိုအရ ကားဟာ ကီလိုမီတာ ၃၀၀ ကနေ ၅၀၀ လောက်ထိ ခရီးနှင်ခဲ့ပြီး အဲဒီအတွက် ရေလီတာ ၃၀၀ နဲ့ ၄၀၀ လောက်သာ ထည့်ခဲ့ရတယ်လို့ ဆိုပါတယ်။

 

 

 

 

‘Qingnian Car’ ဖြစ်လာဖို့ ဟိုက်ဒရိုဂျင်နည်းပညာကို ကုမ္ပဏီနဲ့ ဟူဘေတက္ကသိုလ်တို့ ပူးပေါင်းပြီး ၂၀၀၆ ခုနှစ်ထဲက တီထွင်ကြံဆနေခဲ့ကြတာပါ။ ဗုဒ္ဓဟူးနေ့က စမ်းသပ်မောင်းနှင်ခဲ့တဲ့ ကားကတော့ နမူနာထုတ်လုပ်ထားတဲ့ ကားဖြစ်ပြီး လက်တစ်လောမှာတော့ အများအပြား မထုတ်လုပ်နိုင်သေးကြောင်း သိရပါတယ်။

 

 

ယခင်ကလည်း ရေနဲ့မောင်းနိုင်တဲ့ ကားတွေ တီထွင်နိုင်ပြီလို့ သတင်းတွေထွက်ခဲ့ပြီး နောက်ပိုင်းမှာ အမှန်တစ်ကယ်မအောင်မြင်ပဲ ပျောက်ကွယ်သွားခဲ့ဖူးတဲ့ သတင်းတွေရှိခဲ့တဲ့အတွက် အခု ‘Qingnian Car’ ရဲ့ အခြေအနေကိုလည်း အားလုံးက စောင့်ကြည့်နေကြပါတယ်။