“ရင်ဘတ်ထဲကဓါး” ပြီးတော့ “ရင်ဘတ်ထဲကမြမြ” ဇာတ်ကားလာဦးမည်လော (ရုပ်သံ)

 

 

နောက်ထပ်တစ်ကြိမ် ကျောက်စိမ်း ဖိနပ်စက်ရုံမှ အလုပ်သမတစ်ဦးကို ထပ်မံပူးကပ်တယ်ဆိုတဲ့ သတင်းထပ်ဖြစ်လာခဲ့ပါတယ်။ အမျိုးသမီးကို ဘုန်းကြီးကျောင်းခေါ်သွားပြီး ဝိဉာဉ်ကို စစ်ဆေးပေမယ့် ရေရေရာရာဘာမှ ထပ်မသိရပဲ မူမှန်တဲ့ပုံစံမျိုးနဲ့ ဝိဉာဉ်ပြန်ထွက်သွားတယ်လို့ ဇာတ်သိမ်းခဲ့ပြန်ပါတယ်။ ဒါပေမယ့် ဒီနေ့ထိ ဝိဉာဉ်ပူးကပ်ပြောဆိုသလို လိုက်လံစုံစမ်းခဲ့ရာမှာ ဘာတစ်ခုမှ သဲလွန်စမရခဲ့ပါဘူး။ 

 

 

ဒါ့အပြင် ‘မြမြ’ ဆိုပြီး ဓါတ်ပုံနဲ့တစ်ကွပျံ့နှံ့ခဲ့တဲ့ မိန်းကလေးရဲ့ ပုံဟာလည်း လာရှိုးမြို့မှာ သက်ရှိထင်ရှား ရှိနေတဲ့ မိန်းကလေးတွေရဲ့ ပုံကို ယူသုံးထားတာလို့ ပေါ်ပေါက်ခဲ့ပါတယ်။

 

 

အခုနောက်ထပ်တစ်ခါ ‘မြမြ’ ရဲ့ ဝိဉာဉ်က ပထမဝင်ပူးတဲ့ အမျိုးသမီးလေးကို ထပ်မံဝင်ပူးပြီး သတ်ခံထားရတဲ့နေရာကို လိုက်လံရှာဖွေတဲ့ ရုပ်သံထပ်မံထွက်ပေါ်လာပြန်ပါတယ်။ ဒီရုပ်သံမှာတော့ ဆောက်တည်ရာမရဖြစ်နေတဲ့ မိန်းကလေးရဲ့ အမူအယာတွေဟာ ဝိဉာဉ်ဝင်ပူးတာထက် စိတ်ပိုင်းဆိုင်ရာ မူမှန်တဲ့ လက္ခဏာရပ်တွေ ပိုပြီးထင်ရှားလာပါတယ်။