Mobile Legends ကစားရာမှ ဖူးစာဆုံသွားခဲ့ရတဲ့ အောင်သူနဲ့ ပိုးအိအိခန့်

Movie Stars - Celebrity มี.ค. 28, 2562 view 1,455

ပရိသတ်တိုင်းချစ်ခင်အားပေးကြရတဲ့ မြန်မာ့လက်ရွေးစင် ဘောလုံးသမားအောင်သူနဲ့ ပိုးအိအိခန့်တို့စုံတွဲလေးကတော့ ၂၀၁၉ ခုနှစ် မတ်လ (၂၆) ရက်နေ့က မင်္ဂလာပွဲကျင်းပသွားပြီဖြစ်ပါတယ်။ ရန်ကုန် ပြည်သူ့ရင်ပြင်ရှိ Western Parkမှာ မင်္ဂလာပွဲကိုပြုလုပ်ခဲ့တာဖြစ်ပြီး အရိုးရှင်းဆုံးသောမင်္ဂလာပွဲလေးကို နှစ်ယောက်သားပျော်ရွှင်စွာနဲ့ ကျင်းပခဲ့တာဖြစ်ပါတယ်။ အဖြူရောင်သတို့သမီးလေး ပိုးအိအိခန့်ကလဲ လှပပြီးချစ်စရာကောင်းနေသလို သတို့သားဖြစ်သူအောင်သူကလဲ ခန့်ညားနေတာကြောင့် သူတို့နှစ်ယောက်ရဲ့ မင်္ဂလာပွဲပုံရိပ်လေးတွေကို တွေ့မြင်သူတိုင်းက ချစ်မဆုံးဖြစ်နေကြတာပဲဖြစ်ပါတယ်။

အောင်သူနဲ့ ပိုးအိအိခန့်တို့စုံတွဲဟာ တိတ်တဆိတ်လက်ထပ်ထားခဲ့တာ ၉ လကျော်ရှိပြီဖြစ်ပြီး မကြာသေးခင်ကမှ ပရိသတ်တွေကိုအသိပေးခဲ့တာဖြစ်ပါတယ်။ သို့ပေမယ့်လည်း ဟက်ကာတစ်ယောက်က အောင်သူရဲ့အကောင့်ကို ဟက်ယူခဲ့ရာမှ လက်ထပ်စာချုပ်ကိုယ်စီကိုင်ပြီး ရိုက်ထားတဲ့ပုံတွေထွက်ပေါ်လာခဲ့ကာ နှစ်ဦးသားလက်ထပ်ပြီးသွားပြီဆိုတဲ့ သတင်းတွေက အရင်ထွက်ပေါ်ခဲ့တာဖြစ်ပါတယ်။ ထိုသတင်းတွေထွက်ပေါ်လာစဉ်ကတည်းက တစ်ချို့ပရိသတ်တွေက သိခဲ့ကြပေမယ့် အောင်သူနဲ့ပိုးအိအိခန့်တို့နှစ်ယောက်လုံးက အတည်ပြုပြောကြားခြင်းမရှိခဲ့ပဲ မကြာသေးခင်ကမှ နှစ်ယောက်လုံးရဲ့လူမှုကွန်ယက်ကနေ ကိုယ်စီပရိသတ်တွေကို အသိအလင်းကြေညာခဲ့တာဖြစ်ပါတယ်။

လျှောက်လှမ်းနေတဲ့ အောင်မြင်မှုလမ်းကြောင်းခြင်းမတူညီပေမယ့် အချစ်ကြောင့် နှစ်ယောက်တစ်ဘ၀ကိုတည်ဆောက်လိုက်ကြပြီဖြစ်တဲ့ အောင်သူနဲ့ပိုးအိအိခန့်တို့ရဲ့ ဖူးစာဆုံခဲ့ပုံလေးကတော့ ထူးထူးဆန်းဆန်းပါပဲနော်။ ဘောလုံးသမားနဲ့ သရုပ်ဆောင်ဖြစ်တဲ့ သူတို့နှစ်ယောက်ကတော့ အွန်လိုင်းဂိမ်းတစ်ခုကိုဆော့ရင်း တွေ့ဆုံခဲ့ကြတာဖြစ်ပါတယ်။ Mobile Legends ဆိုတဲ့ဂိမ်းကို အတူတူဆော့ကစားကြရင်း သမီးရည်းစားတွေဖြစ်ခဲ့ကြတဲ့ သူတို့နှစ်ယောက်ဟာ ယခုတော့ အိမ်ထောင်ဖက်တွေဖြစ်သွားပြီပဲဖြစ်ပါတယ်။

နှစ်ယောက်သားဘယ်လို စတွေ့ခဲ့ကြပုံကို ပိုးအိအိခန့်က မီဒီယာတွေရဲ့အင်တာဗျူးမှာ “နှစ်ယောက်သားက အွန်လိုင်းတွေ့ရင်း ခင်သွားတယ်၊ ခင်သွားပြီးတော့ ဂိမ်းဆော့ဖော်ဆော့ဖက်တွေကနေ ကြိုက်သွားကြတာ” ဆိုပြီး ရှက်ရယ် ရယ်ရင်းပြောပြသွားခဲ့ကာ ထူးထူးဆန်းဆန်းပင် ဂိမ်းဆော့ရင်း ဖူးစာဆုံခဲ့ကြသူတွေမို့ သူတို့နှစ်ယောက်ကိုချစ်တဲ့ ပရိသတ်တွေကလဲ ဂိမ်းဆော့ရင်းဖူးစာဖက်ရှာကြမယ်ဆိုပြီး စနောက်ခဲ့ကြတာကို တွေ့ရပါတယ်။ မတူညီတဲ့နယ်ပယ်မှာ အောင်မြင်နေတဲ့သူတို့အဖို့တော့ ဘယ်လိုတောင်ဆန်းကြယ်တဲ့ ဖူးစာလဲနော်... ပရိသတ်တွေထဲက အတွဲမရှိသေးသူတွေလည်း အောင်သူနဲ့ပိုးအိအိခန့်တို့လိုမျိုး ဂိမ်းဆော့ရင်း ဖူးစာရှင်မတွေ့နိုင်ဘူးလို့ ဘယ်သူပြောနိုင်မလဲနော်...