မှော်ဝင်သမန်းကျား ရုပ်ရှင်ကားကို သူထူးစံကြည့်ဖူးတယ်လို့ ထုတ်ပြောလိုက်တဲ့ ခွန်းဆင့်နေခြည်

အနုပညာလောကထဲကို မော်ဒယ်တစ်ယောက်အဖြစ်နဲ့ စတင်ဝင်ရောက်လာခဲ့ပြီး သရုပ်ဆောင်ပိုင်းမှာရော အဆိုပိုင်းမှာပါ ပရိသတ်အားပေးမှုကို ရရှိခဲ့တဲ့ မင်းသမီးခွန်းဆင့်နေခြည်ကို ပရိသတ်များစွာက ချစ်ခင်အားပေးနေကြတာပါ။ ကျရာဇတ်ရုပ်ကို အကောင်းဆုံးပီပြင်အောင်သရုပ်ဆောင်နိုင်သူဖြစ်တာကြောင် ပရိသတ်ရဲ့ရင်ထဲမှာ ၀င်ရောက်နေရာယူထားတဲ့ မင်းသမီးတစ်လက်ဖြစ်ပါတယ်။ ရုပ်ရှင်ကားရိုက်ကူးမှုတွေ ကျဲသွားပြီး အနုပညာလောကနဲ့ အနည်းငယးအလှမ်းဝေးသွားတဲ့ ခွန်းဆင့်နေခြည်ဟာဆိုရင် မှော်ဝင်သမန်းကျားရုပ်ရှင်ဇာတ်ကားနဲ့ ပရိသတ်ရှေ့ကိုပြန်လည်ရောက်ရှိလာခဲ့ပါတယ်။ သူမရဲ့ကိုယ်ပိုင် ရုပ်ရှင်ထုတ်လုပ်ရေးကနေ ရိုက်ကူးထားတဲ့ ထိုဇတ်ကားထဲမှာ သူမကိုယ်တိုင်မင်းသမီးအဖြစ်ပါဝင်သရုပ်ဆောင်ခဲ့တာလည်းဖြစ်ပါတယ်။

မှော်ဝင်သမန်းကျားရုပ်ရှင်ဇတ်ကားဟာ ၂၀၁၈ ခုနှစ်ရဲ့ အကယ်ဒမီဆန်ကာတင်စာရင်းမှာ ပါဝင်ခဲ့ပြီး ထိုဇတ်ကားထဲမှာပါဝင်သရုပ်ဆောင်ခဲ့တဲ့ မင်းသားသူထူးစံကတော့ အကောင်းဆုံးအမျိုးသားဇတ်ဆောင်ဆုကို ရရှိခဲ့ပါတယ်။ အကယ်ဒမီဆုရရှိသွားတဲ့ သူထူးစံနဲ့ပတ်သက်ပြီး ပရိသတ်တွေကြား ဝေဖန်မှုတွေများနေသလို သူထူးစံကလည်း သူဆုရရှိသွားတဲ့ မှော်ဝင်သမန်းကျားရုပ်ရှင်ကို သူကိုယ်တိုင်မကြည့်ဖူးသေးဘူးလို့ မီဒီယာတွေမှာ ပြောကြားခဲ့တာကြောင့် သူထူးစံတစ်ယောက်ထိုကားကိုကြည့်ဖူးတယ်လို့ ထုတ်လုပ်သူ ခွန်းဆင့်နေခြည်က သတင်းစာရှင်းလင်းပွဲမှာ ထည့်သွင်းပြောကြားသွားခဲ့ပါတယ်။

ခွန်းဆင့်နေခြည်က သူထူးစံတစ်ယောက် ရုပ်ရှင်ထုတ်လုပ်သူ ပရိုဂျူဆာတွေရဲ့ ချိန်းဆိုမှုတွေကိုလည်း ပျက်ကွက်ခဲ့ကြောင်းကို “ကျွန်မတို့တွေအသံသွင်းတဲ့အချိန် ဦးကြည်မင်းသိန်းသိပါတယ်။ အသံထပ်ခါထပ်ခါပြန်လုပ်တဲ့အချိန်မှာ အကြိမ်ပေါင်းမြောက်များစွာ ကိုသူထူးစံကိုချိန်းပါတယ်။ သူကလာမယ်လို့ပြောပါတယ်။ လာမယ်လို့ပြောပြီးတော့လုံးဝမလာဘူး။ အဲ့လိုအကြိမ်ပေါင်းမြောက်များစွာ သူတို့လုပ်တယ်။ ပြီးရင် ဂျူတီတွေကို ပိုက်ဆံပေးပြီး ယူထားတယ်။ အလကားယူလို့မရဘူး ဂျူတီတွေတက်တယ။် ပြီးတော့ ဂျူတီဖိုးကို ကျွန်မတို့က ရှင်းပေးရပါတယ်။

သူမလာတဲ့အတွက် သွင်းလို့မရဘူး။ အဲ့မှာ ကျွန်မတို့ကုန်ကျစာရိတ်တွေ အများကြီးတက်တယ်။ ဒါပေမဲ့ သူ့ကိုသည်းခံပြီးစောင့်တယ်။ သူမပါလို့လည်းမရဘူး သူမသွင်းပေးလို့လည်းမရဘူး။ အဲ့အတွက်သည်းခံစောင့်ပြီးတော့ သူ့ကိုရမယ့်အချိန်ကိုဖုန်းဆက်တယ် သူဖုန်းပိတ်ထားပါတယ်။ ဖုန်းလည်း လုံးဝဆက်လို့မရဘူး။ ပြီးရင် ဆက်ရင်လည်း ချပစ်တယ်။ အကြောင်းအမျိုးမျိုးရှိမှာပေါ့ သူကမအားတာလည်း ဖြစ်နိုင်တယ်။ တစ်ခုခုရှူတင်ရှိလို့လည်းဖြစ်မယ်။ အဲ့တာကိုကျွန်မတို့ပရိုဂျူဆာဘက်ကနေ သည်းခံပြီးတော့အကြိမ်ပေါင်းများစွာချိန်းတယ်။ အေးလာမယ်လာမယ်အမြဲတမ်းပြောပါတယ်။ နည်းနည်းပါးပါးမငဲ့ဘူးပေါ့နော် အဲ့လိုအချိန်တွေအများကြီးကိုကျွန်မတို့သည်းခံစောင့်ဆိုင်းခဲ့တယ်။

အဓိကသူ့ကို ဆက်လို့မရတဲ့အတွက်ကို ကျွန်မတို့က Press Show နေ့မှာ လုံးဝ ဖိတ်လို့မရဘူး။ ဆက်သွယ်တာလည်းမရတော့ Press Showနေ့ကို လုံးဝမလာခဲ့နိုင်ဘူးပေါ့နော်။ အဓိကသူ့ကို အဆက်အသွယ်မရတဲ့ကိစ္စကြောင့်ဖြစ်တာပေါ့နော်။ ဒါပေမဲ့သူဟာနောက်တစ်နေ့မှာသွားကြည့်တယ်လို့တော့ ကျွန်မသတင်းကြားပါတယ်။ သူကြည့်ပြီးပါပြီဒါကို။ ဘာလို့လည်းဆိုတော သူလည်းအရမ်းကြည့်ချင်တဲ့ကားလေနော်။ ဒီကားကို သူPress Show နေ့မှာ လာမကြည့်နိုင်ဘူးဆိုပေမယ့် နောက်တစ်နေ့မှာသူ သမ္မတရုံမှာသွားကြည့်ပါတယ်။ အဲ့တာကို သူမကြည့်ရဘူးဆိုတော့ ဘယ်လိုပြောရမလဲ သူပြောတာလည်း သူ့စကားပေါ့နော်။ သူမကြည့်ရဘူးဆိုလည်း မကြည့်ရဘူးပဲပေါ့။ ဒါပေမဲ့ သူကြည့်ရပါတယ် အဲ့တာပဲ ဖြေပေးချင်ပါတယ်” ဆိုပြီး ထုတ်ဖော်ပြောကြားခဲ့ပါတယ်။

မှော်ဝင်သမန်းကျား ရုပ်ရှင်ကားဟာဆိုရင် သရုပ်ဆောင်ခွန်းဆင့်နေခြည်ရဲ့ ကျောက်ဆူးရုပ်ရှင်ထုတ်လုပ်ရေးမှ ပထမဦးဆုံးထုတ်လုပ်ရိုက်ကူးခဲ့တဲ့ ဇတ်ကားဖြစ်ပါတယ်။ ပထမဆုံး ထုတ်လုပ်ရိုက်ကူးတဲ့ရုပ်ရှင်မှာတင် အကယ်ဒမီဆုကိုရရှိခဲ့တာမို့ ထုတ်လုပ်သူတစ်ယောက်အနေနဲ့ အတိုင်းမသိဝမ်းသာမိသလို အကယ်ဒမီရသွားတဲ့ သူထူးစံအတွက် ဂုဏ်ယူမိကြောင်း ထပ်ဆင့်ပြောကြားသွားခဲ့ပါသေးတယ်။

(ပိုပိုလေး)