တယ်လီနောကိုကိုနဲ့အတူ သရုပ်ဆောင်ထားတဲ့ သီချင်းလေးတစ်ပုဒ်ကို မျှဝေလိုက်တဲ့ ဖြူဖြူအောင်

ဖြူဖြူအောင်ဆိုတာကတော့ အနုပညာဂီတကို အလွန်ပင်ဝါသနာပါတဲ့ အဆိုရှင်တစ်ယောက်ဖြစ်ပါတယ်။ သီချင်းဆိုရတာကိုကြိုက်နှစ်သက်တဲ့ အဆိုဝါသနာရှင်တွေအကြိုက်ဆုံးဖြစ်တဲ့ Smule Karaoke အက်ပလီကေးရှင်းမှာတော့ သူမကနာမည်ကြီးတစ်ယောက်ပဲဖြစ်ပါတယ်။ Smule Queen လို့တောင် တင်စားရလောက်တဲ့ မဖြူဖြူအောင်ဟာဆိုရင် သူမကြိုက်နှစ်သက်တဲ့ သီချင်းများစွာကို ခံစားချက်နဲ့စီးမျောသီဆိုလေ့ရှိပြီး လူမှုကွန်ယက်ဖေ့စ်ဘွတ်ပေါ်မှာ ပြန်လည်မျှဝေရာမှ အွန်လိုင်းသုံးစွဲသူတွေကြား နာမည်ကြီးလာတာဖြစ်ပါတယ်။

သူမပြန်လည်သီဆိုထားတဲ့ တောဂေါ်လီသီချင်းတို့၊ အမှားသီချင်းတို့ကလည်း ပရိသတ်တွေကြား ဟိုးလေးတကျော်နာမည်ကြီးခဲ့ကာ အားပေးကြသူပရိသတ်များစွာပါရှိခဲ့ပါတယ်။ အဆိုပညာနဲ့မပြည့်စုံပေမယ့် သီချင်းသီဆိုရရင်ကို ပျော်နေတတ်သူဖြစ်တဲ့ မဖြူဖြူအောင်ဟာဆိုရင် သူမရဲ့ဝါသနာတစ်ခုကို စတင်အကောင်အထည်ဖော်ခဲ့ပါတယ်။ အဲ့တာကတော့ သူမဟာသီချင်းတွေကို အပျော်တမ်းသီဆိုရာမှ ယခုချိန်မှာတော့ သူမကိုယ်ပိုင်သီချင်းတစ်ပုဒ်ကို ဖန်တီးသီဆိုလိုက်တာပဲဖြစ်ပါတယ်။

အဆိုရှင်တစ်ယောက်အနေနဲ့ သူမကြိုးစားသီဆိုထားတဲ့ သီချင်းလေးကို ဒီကနေ့မှာပဲ အွန်လိုင်းပေါ်ကနေ မျှဝေလိုက်တာဖြစ်ပါတယ်။ “ရူးရတော့မယ် ကိုကို” ဆိုတဲ့ သီချင်းလေးကို Valentine’s Day အမှီသီဆိုထွက်ရှိခဲ့ခြင်းဖြစ်ပြီး ထိုသီချင်းထဲမှာတော့ တယ်လီနောကိုကိုလို့ အားလုံးကသိကြတဲ့ စိုင်းဝမ်းနဲ့အတူ သူမကိုယ်တိုင်ပါဝင်သရုပ်ဆောင်ထားတာပဲဖြစ်ပါတယ်။ နှစ်ယောက်စလုံးက အနုပညာဝါသနာပိုးပါသူတွေဖြစ်လို့ ကြည့်မိသူပရိသတ်တိုင်းကလဲ သဘောကျလို့နေကြပါတယ်။

“ကိုယ်တိုင်ဆို ကိုယ်တိုင်ပါဝင်သရုပ်ဆောင်ထားတဲ့ ‘ရူးရတော့မယ် ကိုကို’ Music Video လေးကိုအားပေးပါဦး Key၀င်အောင်လို့ အကောင်းဆုံးကြိုးစားဆိုထားပါတယ်” ဆိုပြီး သူမရဲ့သီချင်းဗီဒီယိုလေးကို အားပေးနားဆင်ကြဖို့ကိုလဲ ဖိတ်ခေါ်ထားခဲ့ပါတယ်။ ဘယ်လိုမျိုးအကောင်းဆုံးကြိုးစားသီဆိုထားလဲဆိုတာ ခံစားနားဆင်နိုင်ဖို့အတွက် မဖြူဖြူအောင်ရဲ့သီချင်းလေးကိုမျှဝေပေးလိုက်ပါတယ်။