မူးယစ်ဆေးဝင်ရောက်ဖမ်းဆီးသူ ရဲမေကို တရားခံအမျိုးသမီးက သနပ်ခါးတုံးဖြင့်ထု

ဇူလိုင်လ ၂၄ ရက်နေ့ နံနက် ၉ နာရီအချိန်ခန့်က မအူပင်မြို့နယ် ညောင်ဝိုင်းကျေးရွာရှိ နေအိမ်တစ်ခုကို သက်ဆိုင်ရာက သတင်းအရဝင်ရောက်ရှာဖွေ စစ်ဆေးခဲ့ရာ တရားခံအမျိုးသမီးက ရဲမေအား သနပ်ခါးတုံးဖြင့် ထုနှက်ခဲ့ကြောင်း သိရှိရသည်။

သတင်းအရ သက်ဆိုင်ရာမှ ညီအစ်မနှစ်ဦးဖြစ်သော မတင်တင်မိုး နှင့် မခင်စန္ဒာမိုး တို့၏နေအိမ်သို့ သတင်းအရ ဝင်ရောက်စစ်ဆေးခဲ့ရာ မတင်တင်မိုး၏ ခန္ဓာကိုယ်အပေါ်ပိုင်းတွင် လွှမ်းခြုံထားသော အင်္ကျီအိပ်ကပ်အတွင်းမှ WY စာတန်းပါ ပန်းရောင် ၇၄ ပြားနှင့် WY စာတန်းပါ အစိမ်းရောင် ၂ ပြားတို့အား စစ်ဆေးတွေ့ရှိခဲ့သဖြင့် ဖမ်းဆီးရန်ကြိုးစားစဉ် တိုင်းရဲမေတစ်ဦးအား သနပ်ခါးတုံးဖြင့် ထုရိုက်ခဲ့သည်။

သက်ဆိုင်ရာက အသွင်ယူကာ ဖမ်းဆီးခဲ့ဟန်တူပြီး မတင်တင်မိုးတို့ ညီအစ်မနှစ်ဦးအား ဖမ်းဆီးခေါ်ဆောင်ရာ ဗီဒီယိုတွင် သူမအား ထောင်ချောက်ဆင်ဖမ်းသည်ဟု ပြန်လည်စွပ်စွဲခဲ့တာကိုလည်း တွေ့မြင်ရပါတယ်။

သတင်းရင်းမြစ် - ကောင်းမြတ်