စင်ကာပူတွင် မြန်မာအိမ်အကူမိန်းကလေး ၁၈ လွှာမှ ပြုတ်ကျသေဆုံး

အောက်တိုဘာလ ၈ ရက်နေ့က စင်ကာပူနိုင်ငံတွင် အိမ်အကူအဖြစ် အလုပ်လုပ်ကိုင်နေသော အသက်(၁၆) နှစ်ဝန်းကျင် မြန်မာအမျိုးသမီးတစ်ဦး ကွန်ဒိုတိုက်ခန်း ၁၈ လွှာမှ ပြုတ်ကျသေဆုံးခဲ့ပြီး။ သွေးရိုးသားရိုး ပြုတ်ကျခဲ့ခြင်းလား၊ မိမိကိုယ်ကိုယ်သတ်သေသွားခြင်းလား ဆိုတာကို မသိရှိရသေးကြောင်း သတင်းရရှိသည်။

အဆိုပါ အိမ်အကူမိန်းကလေးမှာ ရမည်းသင်းမြို့နယ်၊ အင်းတော်ကြီးကျေးရွာတွင် နေထိုင်သူ ဝိုင်းဝိုင်းလည် ဖြစ်ပြီး အသက် ၁၆ နှစ်ဝန်းကျင်သာရှိသေးပြီး စင်ကာပူနိုင်ငံသို့ ရောက်ရှိလာတာ တစ်လခန့်ပင်ရှိသေးကြောင်း သတင်းရရှိသည်။

သူမ၏ အသက်အမှန်မှာ ၁၆ နှစ်ဝန်းကျင်သာရှိသေးသော်လည်း နိုင်ငံကူးလက်မှတ်တွင် ၂၃ နှစ်ဟု ဖော်ပြထားသည်။ သေဆုံးသူဟာ အိမ်ပြန်နေချင်ကြောင်းနှင့် အိမ်ရှင်မှ နောက်ထပ်တစ်လနေပြီးမှ ပြန်ရန် ပြောထားကြောင်း သေဆုံးသူ၏ အစ်မက ပြောကြားခဲ့သည်။
ယင်းအမှုနှင့် ပက်သက်၍ မြန်မာသံရုံးမှ အပြည့်အဝကူညီသွားမည်ဖြစ်ကြောင်း သတင်းရရှိသည်။

သတင်းဓါတ်ပုံ - စင်ကာပူအသိုင်းဝိုင်း