မိဘများသတိပြုသင့်သည့် ကလေးနဲ့ ကျောပိုးအိတ်အန္တရာယ်

မလေးရှားနိုင်ငံက ကျောင်းသား ကလေးငယ်တစ်ဦးဟာ ကျောင်းစာအုပ် အလေးကြီးတွေ ကျောပိုးအိတ်ထဲနေ့စဉ် ထည့်သယ်ပြီး ကျောင်းတက်ရင်းနဲ့ တစ်ရက်မှာတော့ သူ့ရဲ့ကျောရိုးကို အကြီးစားခွဲစိတ်မှု ပြုလုပ်ခဲ့ရပါတယ်။ ကျောပိုးအိတ်ရဲ့ အလေးချိန်ကြောင့် တစ်ဖြည်းဖြည်း ခါးကုန်းလာပြီး နောက်ဆုံးမှာ ခါးနာတဲ့ဒဏ်ကို မခံနိုင်တာကြောင့် ဆရာဝန်နဲ့ ပြကြည့်ရာမှာ ခွဲစိတ်ကုသဖို့ လိုတဲ့အတွက် ကျောရိုးခွဲစိတ်ခဲ့ရပါတယ်။

လူရဲ့ခန္ဓာကိုယ်တစ်ခုလုံးမှာ ကျောရိုးဟာ ပင်မမဏ္ဍိုင်ဖြစ်လို့ ကျောရိုးခွဲစိပ်ခံထားရတဲ့ လူတစ်ယောက်ဟာ လူကောင်းပကတိ ပြန်ဖြစ်ဖို့ခဲယဉ်းပါတယ်။ ဒါကြောင့်မို့ မိဘတွေအနေနဲ့ သားသမီးတွေကို ကျောပိုးအိတ်အလေးကြီးတွေ မလွယ်ရအောင် ဆင်ခြင်သတိပြုနိုင်ကြပါစေ။